A M. DE BACON

Mons' de Bacons, J'ay donné charge au s' des Reaux vous veoir de ma part, vous asseurer de ma bonne volonté et vous dire le regret que j'ay de quoy je ne vois les affaires entre la Royne, vostre souveraine, et moy en meilleure intelligence pour son bien et pour le mien , dont je me prends plus à ma mauvaise fortune que à elle-mesme , vous priant faire ce que vous pourrés pour y apporter quelque remède. Je remets le reste sur luy, et prie Dieu, Mons" de Bacons, qu'il vous ayt en sa saincte garde. Escript à Paris le jour de juin

^ HENRY

DE NEUFVILLE

Imprimé. — Joannis Calvini, Theod. Bezœ, Henrici IV régis, aliorumque illius œvi hominum tilterœ qaœdam nondam édita. Edidit Gotll. Bretschneider; Lipsiœ, i835, in-8°, p. i83.

[A M. DE BEZE

Mons"^ de Besze, Puisque les seigneurs de Genève ont esté contraincts de prolonger la trefve avec le duc de Savoye jusques à la fm du mois de septembre pour leur bien et conservation, je suis content prendre en bonne part ce qu'ils en ont faict ; car je n'ay embrassé leur amitié et la protection de leur liberté pour en tirer commodité à leur dommage. Il est vray que par raison ils dévoient m'en advertir, suivant nos traictez, ainsy que je leur escris, les asseurant de la continuation

de ma bienveillance , laquelle je vous prie leur conlirnier, et leur dire que si les affaires que j'ay sur les bras me permettoient de faire pour eulx. plus que je ne fais, que je les rendrois bien lost contens. Mais je suis si chargé de despenses, et mon peuple, de la seule richesse duquel despend la mienne , est encore très pauvre tant à cause de la guerre que de la stérilité des dernières années, dont j'espère que Dieu le relèvera avec le temps , et seray lors très aise de gratifier les dicts seigneurs, comme je le seray de continuer à vous tesmoigner en toutes occasions la bonne volonté que je vous porte : priant Dieu, Mons"" de Besze, qu'il vous ayt en sa saincte garde. Escript à Paris,

le xxj*" joiu' de juin lôgy.

HENRY

DE NEL'FVILLE.

Imprimé. — Histoire du cardinal de Joyeuse, par Aubery; Paris, i65/i, in-8°, p. aSi.

[AU DUC DE PINEY-LUXEMBOURG

(Extrait.)

Quelques liabitans de la ville d'Amiens, désespérez des cruaul-

tez qu'exercent les Espagnols, s'estoient laissé circonvenir et abuser à une praticque dressée par eux-mesmes pour descouvrir leur volonté et avoir prétexte de les faire mourir. Car celuy qui commande en la dicte ville avoit gagné un habitant, par lequel il avoit faict rechercher les aultres de se joindre et liguer ensemble pour m'ayder à reprendre la dicte ville ; de quoy ils avoient donné advis et telle asseurance à mon cousin le mareschal de Biron, qu'il tenoit l'entreprise pour certaine; sur quoy il m'avoit pressé d'aller par delà, où je ne fus si tost arrivé que je découvris la tromperie, de laquelle il s'est ensuivy la mort de plusieurs habitans, religieux et autres, pendus et massacrez inhumainement, et l'exil de plus de deux cens pauvres prestres, qu'ils ont chassez de la ville sans leur donner loisir de prendre leurs bréviaires.

1597. — 2 1 JUIN. — ni"*'.

Orig. — Archives du canton de Genève. Envoi de M. Rigaud, premier syndic, et de M. L. Sordet,

archiviste.