A MON COUSIN LE COMTE DE SOISSONS

Mon cousin. Vous aurés encore de moy ceste recharge sur la venue du cardinal d'Austriche avec son armée , pour secourir ceste ville qui est aux abois (dont j'ay advis certain par ses propres lettres et de plusieurs autres endroicts), pour derechef vous prier et conjurer me venir ayder, non à prendre la dicte ville d'Amiens seidement, mais à deflendre toute la France ensemble; le salut de laquelle despend de l'événement de ce siège. La nature vous y oblige d'y accourir, vous y ayant donné le lieu et rang que vous y tenés. Je vous y appelle aussy comme vostre Roy, pour le service que je sçay que vous m'y pouvés

faire , et vous y désire comme vostre amy, pour le soing que j'ay de vostre réputation; car il me semble que vous ne pourries estre ailleurs dignement durant ces occasions. Au contraire, y venant, vous pouvés m'y servir honorablement et utilement, avec vostre patrie et vousmesmcs, qui sont les deux conditions avec lesquelles j'ay apprins par vostre lettre, apportée par Champeron, que vous voulés partir' de vostre maison ; pour desquelles vous faire jouyr, croyés que je y adjousteray encores tout ce que vous pouvés désirer d'un prince qui vous sçaura gré du devoir auquel vous vous serés mis de le contenter et obéir. Venés doncques, je vous prie, et amenés avec vous le plus grand nombre de vos amys et voisins que vous pourrés assembler, afBn qu'ils évitent le blasme qu'à bon droict meriteroient ceulx qui , mal conseillez, auroient abandonné leur prince et pays en ceste nécessité publique. A Dieu, mon Cousin, lequel je prie vous avoir en sa garde. Ce xxviij*^ aoust, au camp devant Amiens.

HENRY

Orig. autographe. — Archives de la préfecture d'Indre-et-Loire. Envoi de M. le Préfet. Imprimé. — Journal militaire de Henri IV, publié par M. le comte de Valorï, p. SgS.