MESTRE DE CAMP D'UN REGIMENT DE MON INFANTERIE FRANÇOISE

Mons' de Gondin, Le s"" de Berti chères s'est, depuis quelque temps, si mal comporté pour mon service, et est si désobéissant à plusieurs commandemens que je luy ay faicts, que je ne pourray tenir l'auctorité et commandement en ma ville d'Aiguesmortes bien seurement entre ses mains; et ayant à remplir ceste place de personne de qui je puisse

prendre plus de confiance, j'ay faict élection de voslre personne.

m'asseurant que je ne la pourray faire meilleure d'aulcune aultre.

Pour ceste occasion je vous ordonne d'entrer en la dicte ville, et faire

en sorte que vous soyés le plus fort, en sorte que vous ayés moyen

de faire sortir le s'^ de Berticheres, s'il s'y trouve quand vous y entrerés,

ou n'y estant poinct, d'empescher qu'il n'y puisse rentrer, et vous

mettre dés lors en possession de la dicte charge; ce que je désire

bien qui se puisse faire sans rumeur ny esmotion dans la dicte ville ,

comme il se pourra faire , y estant aydé des habitans d'icelle et de

gens de gueiTC qui y sont, ainsy que je leur escris à tous de faire;

faisant encore plus asseuré fondement sur vostre dextérité et prudence,

avec laquelle je sçay que vous sçaurés bien conduire ceste affaire; et

n'estant la présente à aultre elfect, je ne la vous feray plus longue:

priant Dieu, Mons"^ de Gondin, vous avoir en sa saincte garde. Escript

à Paris, le dernier jour d'octobre i 597.

HENRY

FORGET

Orig. — Communication de M. Banizette de Caumont. Copie transmise par M. Ferdinand le Roj. Cop. — Anciennes archives d'Aigues-Mortes conservées aux archives de l'Hérault , n" XV, cote 15 .

Envoi de M. Thomas, archiviste.

A NOS CHERS ET BIEN AMEZ CEULX DES EGLISES DE LA RELIGION REFORMÉE EN NOSTRE PAYS DE LANGUEDOC.

Chers et bien amez. Le s"" de Berticheres s'est rendu tant de fois désobéissant aux commandemens que nous luy avons faicts, et sa procédure a esté telle despuis quelque temps, tant envers nous que plusieurs de nos bons subjects, que nous avons grande raison de tenir sa lidelité et son affection pour suspectes; et pour ceste occasion nous nous sommes résolus de ne luy confier point la garde et commandement de nostre ville d'Aigues-Mortes, combien que nous luy en eussions accordé le gouvernement , à la survivance du feu s"" de Leigues son beau-pere ; et avons donné la dicte charge au s"" de

Gondin, que vous cognoissés personnage capable, plein de fidélité à nostre service et d'affection au bien et repos de la province, dont nous vous avons bien voulu advcrtir, affin que vous ne faciès aulcune maulvaise conjecture de ce cbangement ; et qu'il n'est faict que pour la considération particidiere du dict s"" de Berticheres, sans qu'il v aye rien du faict gênerai de ceulx de la religion prétendue reformée, comme vous le pouvés bien juger, voyant mettre en son lieu et place le dict s" de Gondin qui est de la dicte religion, et n'y est pas moins aflectionné et n'y doibt pas tenir moins de lieu que le dict s"" de Berticheres, qui ne doibt estre aulcunement soustenu de vous en ceste cause. Comme vous asseurons que cela ne procède que de mescontentement que nous avions de luy, vous ne voudrés pas vous entremettre et opposer à ce qui seroit, en ce faict, de nostre volonté, laquelle nous vous mandons et vous ordonnons d'embrasser, et y apporter ce qui despendra de vous pour le faire promptement effectuer, sans entendre le dict s'" de Berticheres aux plaintes qu'il vous pourroit faire, que premièrement il ne se soit venu justifier envers nous de celles qui nous sont faictes de luy. Donné à Paris, au dernier jour

d'octobre 1597.

HENRY

FORGET

Imprimé. — Mémoires de du Plessis-Mornay, t. II, p. 853.