AU MARECHAL D'ORNANO

Mon Cousin, C'a esté par vostre depesche, que m'a rendue le s"^ de la Tour, présent porteur, que j'ay eu la première nouvelle de ce que vous avés si heureusement exécuté en ma ville de Romans. J'avois bien sceu quelques jours auparavant que vous vous y estiés acheminé, qui fut le meilleur fondement que j'eus d'en bien espérer. Il y avoit bien quelques temps que j'estois adverty de divers endroits que le comte de la Roche tenoit ceste pratique, mais je ne me pouvois persuader qu'il prist une si mauvaise resolution; et n'ay peu jamais consentir à la prévenir en cela, comme il y en a prou de bons moyens ; mais je fauldray plustost à estre plus tardif que prompt à prendre de mauvaises impressions de mes serviteurs. Dieu aussy me fait ceste grâce que la pluspart de ces mauvaises intentions demeurent sans effect. Après luy, je sçay que nul n'a plus mérité en ceste-cy que vous, qui vous y estes comporté avec toute la prudence et valeur qui s'y pouvoit désirer, dont je vous sçay très bon gré. Ce n'est que la continuation de vos procédures ordinaires et du bonheur qui accompagne tousjours vos bonnes intentions. Je voy aussy comme à vostre exemple tous mes serviteurs s'y sont fort bien comportez , tant ceulx de ma noblesse que mes officiers du parlement qui s'y sont trouvez, les habitans de la ville aussy, mais entre tous le s' de St.-Heriol y a faict preuve de sa fidélité et prud'homie. Je luy ay, en ceste considération , tenu accomply tout ce que vous luy aviés promis , et désire

encore faire mieulx pour luy quand l'occasion s'en offrira. J'ay aussy apjîrouvé et ratifié tout ce qui a par vous esté ordonné en ceste occasion, niesmes la démolition de la citadelle. Je ferois aussy le mesme pour le regard de la personne du dict comte de la Roche, n'estoit que je suis adverty qu'il s'est retiré avec le duc de Savoye et le s' d'Albigny; aussy en ce cas et l'un et l'autre se sont rendus indignes de toutes les grâces qui leur avoient esté promises, au lieu desquelles je veulx qu'il soit procédé contr'eux par toutes les rigueurs qu'il sera possible. Je ne vous aurois pas au reste tant retenu ce porteur, n'estoit que, depuis qu'il est de retour par deçà, j'ai faict une course à Fontainebleau et à Monceaux, dont je ne suis de retour que depuis peu de jours , et je m'en vois maintenant me renfermer à St.-Germain pour faire une petite diette, laquelle achevée je partiray aussy tost pour commencer mon voyage de Bretagne; et fais estât d'estre à Noël à Blois, où je feray un peu de séjour, pendant que les trouppes que je veulx mener en Bretagne se mettront ensemble. Je vous prie ne faillir de m'y venir trouver avec vostre équipage; car je ne vous retiendray gueres que je ne vous envoyé en la charge que je vous ay destinée, et ne doubtés point qu'avant que je parte d'icy, toute ceste affaire ne soit accommodée avec mon cousin le mareschal de Biron, qui m'a, en partant d'auprès de moy, remis volontairement d'en ordonner comme il me plairoit : de sorte que cela est sans aucune difficulté. Mais quand bien mesme il y en naistroit quelqu'une, ce que je ne pense point qui puisse estre, je suis tout résolu, si mon cousin le mareschal de Biron prenoit quelqu'autre resolution, de vous donner la charge que je luy donnois, pour la sienne. Ainsy d'une façon ou d'aultre vous ne pouvés venir à faulte, et que vous ne trouviés une occupation toute preste pour vous employer. Je vous prie donc, mon Cousin, de haster vostre dict voyage le plus que vous pourrés, affin que vous n'ayés pas la peine de nous venir chercher plus loing que Blois, où j'arresteray le moins que je pourray. J'ay remis à la créance du dict de la Tour ce que j'avois à vous dire davantage, ce qui me gardera de vous faire celle-cy plus longue : priant Dieu, mon Cousin,

DE HEiM\I IV. 883

qu'il vous ayt en sa saincte garde. Escript à Paris, ce xxvj*^ jour de

novembre 1597.

HENRY

FOnCET.

[1597.] 3o NOVEMBRE.

Imprimé, — Histoire da cardinal de Joyeuse, par Adeery; Paris, i65A , in-/t°, p. 291.

[AU DUC DE PINEY-LUXEMBOURG. ] ( Extrait. )

La seule considération de Sa Saincleté me pousse à la paix;

car encores que mon Royaulme ayt tout besoin de repos après avoir tant et si longuement pasty, toutesfois mes subjects et moy sommes si accoustumez au mal de la guerre , que nous y pouvons résister gaillardement encore, autant que nuls autres de nos voisins.

Ma cause est juste contre un manifeste usurpateur, qui emploie le nom de la religion pour couvrir son usurpation. Je crois que Dieu le faict tant vivre ou languir, pour luy faire recevoir la juste punition de son ambition démesurée.

Mon ambassadeur qui est en Levant m'a escript par ses dernières estre nagueres arrivé par delà un juif avec lettres et cliarges du roy d'Espagne pour traicter avec le Turc une trefve ou une paix.

Les ministres du roy d'Espagne ont faict sonner si hault l'entreveue du président Ricliardot^ et du s"" de Yilleroy, que j'avois permise pour le respect de Sa Saincteté, suivye de l'acheminement à la frontière du s"^ légat, que j'en suis en grande peine ; car ils ont faict croire à mes alliez, non -seulement que nostre accord estoit faict, mais aussy qu'il estoit faict à leurs despens et de mes subjects de la Religion; de sorte que les uns et les aultres en- sont altérez, et auray peine à les remettre, craignant que j'auray guerre contre eulx : de sorte que je suis contrainct de me relascher envers eulx pour les contenir el

' Sur le président Richardol, voyez la lettre du 3o juin iSgS, note h-

reprendre créance en Angleterre et Hollande jusques à ce que je sois asseuré de la restitution de mes places. J'en ay adverty le s*" légat par le s"" de Sillery, président au Parlement, lequel j'ay depesché vers luy avec charge d'y résider, pour voir si on vouldra accorder la dicte restitution. J'ay aussy depesché en Angleterre le s'' de Maisse pour rabattre les artifices de mes ennemys et m'acquitter envers la Royne (le la promesse que je luy ay faicte par nostre dernier traicté d'alliance, et la persuader, s'il est possible , d'entendre à la dicte paix pour nous y porter tous ensemble. J'ay faict pareille depesché en Hollande ; ils me feront sçavoir leurs délibérations par depputez.

La faulte de l'archiduc Maximilien est d'avoir si mal emplové ceste année farmée des chrétiens, qui a tenu la campagne long-temps sans rien entreprendre et s'est retiré honteusement devant Javarin , au bruict de rapprochement de Mehemet-Bassa , assisté de forces ramassées et pleines d'effroi; et tant que l'Empereur se tiendra caché et que ses frères les lieutenans vivront à l'espagnole , sans se monstrer ny mettre eux-mesmes la main à la besogne , les chrétiens seront tousjours battus.

Orig. autographe. — B. N. Fonds Béthune, Ms. 9015, fol. 8i .

A MON NEPVEU LE DUC DE NIVERNOIS ET DE RETHELOIS

PAIB DE FRANCE, GOUVERNEUR ET MON LIEUCTENANT GENERAL EN CHAMPAIGNE ET BRIE.

Mon Nepveu, J'ay commencé à voir Testât des garnisons, ayant résolu de le régler promptement , selon que je jugeray estre à propos pour la seureté des places de frontière et le bien de mon service. J'ay différé de toucher à ce qui est de vostre gouvernement jusques à ce que vous soyés prés de moy, désirant avoir sm^ ce vostre advis , avant que d'y prendre resolution. Partes donc , je vous prie , pour me venir trouver, incontinent qu'aurés receu la présente, et vous rendes demain,

à vostre heure, après midy, prés de moy, si vos affaires vous le permettent. N'estant la présente à auitre effect, je prieray Dieu, mon Nepveu , qu'il vous ayt en sa saincte garde. Escript à S^-Germain en

Laye, le v^ jour de décembre i Sgy.

HENRY

POTIEi'..

Orig. — Papiers provenant des anciennes archives de Lyon et conservés dans cette ville. Copie

transmise par M. Dupasquier.

A NOS TRES CHERS ET BIEN AMEZ LES PREVOST DES MARCHANDS ET ESCHEVINS, MANANS ET HABITANS DE NOSTRE VILLE DE LYON.

Très chers et bien amez, Il y a long-temps que nous avions faict desseing d'envoyer à Lyon le s"" de Vie, conseiller en nostre conseil d'Estat, pour y avoir la superintendance de nostre justice et service en la direction de nos affaires. Toutesfois nous avons esté contraincts de le retenir jusqu'à présent, à cause de diverses occurrences qui se sont offertes, où son entremise et service nous a esté nécessaire. Nous le vous envoyons maintenant, amplement informé de ce qui est de nos intentions, lesquelles il vous fera entendre. Ce sera après à vous de vous y conformer, comme nous nous asseurons que vous ferès, selon le debvoir de bons sidjjects, veu mesmement que nous n'avons auitre but ny désir que vostre bien et conservation. Et d'autant que le s"^ de Vie est personnaige de dignité et de beaucoup de mérite , nous vous admonestons et recommandons de le recevoir et respecter convenablement à sa qualité et à la bonne intention qu'il a de faire tout ce qui luy sera possible pour l'establissement de vostre repos. Ce sera tousjours luy en augmenter l'affection, et nous tesmoigner, en chérissant nos serviteurs, que vous avés aussy cher nostre service. Donné à S'-Germain en Laye, le vj^ jour de décembre 1697.

HENRY

KORGET.

Coj). — Arch. nationales, secL admin. Série H, 1791. Registres authentiques de riiôtel de ville

de Paris, fol. i/i5 recto.

A NO.S CHERS ET BIEN AMEZ LES PREVOST DES MARCHANDS, ESCHE- VINS ET HABITANS DE NOSTRE BONNE VILLE DE PARIS.

Très cliers et bien amez, C'est avec grand regret que si souvent nous demandons vostre secours pour la nécessité de nos allaires et poui- remetlre nostre Royaume et tous nos bons subjects en repos; en quoy, comme vous pouvés cognoislre, nous n'espargnons nostre peine etnoslre personne, Aussy nous avons receutant de tesmoignages de vostre alTection et bonne volonté, que nous avons toute occasion de vous en louer et sçavoir bon gré : ce que nous faisons comme à nos bons et loyaux subjects.

Vous avés veu que Dieu a beny nostre labeur en la reprise de nostre ville d'Amiens; en quoy vostre assistance, tant pour la solde et entretenement de nos Suisses que pour le régiment d'infanterie françoi se, nous a esté très utile. Maintenant nous avons délibéré nous acheminer en nostre province de Bretaigne, pour la mettre en liberté et la délivrer de l'oppression et servitude où nos ennemys la tiennent, laissanl aussy nos frontières de Picardie et de Champagne si bien pourveues, que nos dicts ennemys ne puissent, en nostre absence, y faire aulcune entreprise dont ils puissent tirer advantage.

Tous ces exploicts ne se peuvent faire sans une très grande despense, à laquelle il nous est du tout impossible de satisfaire si nous ne sommes assistez de nos bons subjects et particulièrement de vous, de qui nous desirons la continuation du paiement de vingt mil escuz par mois, qvi'avés payez cy-devant pom^ nos dicts Suisses, durant quatre mois, et non plus; esperans que Dieu nous fera la grâce, dans le dict temps, de mettre à heureuse fin ce que nous avons entreprins en nostre dicte province de Bretaigne, et que nous n'aurons plus subject de vous rien demander à l'advenir. Nous vous requérons encor ce

secours pour une occasion si nécessaire et utile à vostre bien et repos

et généralement de tout nostre Iioyaume, que nous nous asseurons

ne nous le relTuserés, pour commencer au premier jour fie janvier

prochain à nous acheminer par delà.

Nous sçavons que vous pouvés nous alléguer beaucoup d'excuses

et incommoditez, pour ne satisfaire à nostre volonté; mais il fault

passer pardessus toutes ces considérations en ce temps, comme vous

en prions alFectueusement, nous donnans advis incontinant de ce que

vous en aurés arrestc : priant Dieu vous avoir, Très cliers et bien

amez, en sa saincte garde. A S*-Germain en Laye, le xij"^ ^our de

décembre i 597.

HENRY

RUZÉ

1597. l3 DÉCEMBRE.

Orig. — Arch. du canton de Zurich. Copie transmise par M. l'ambassadeur de France en Suisse.

A NOS TRES CHERS ET GRANDS AMYS. ALLIEZ ET CONFEDEREZ LES BOURGMAISTRES , ADVOYERS, AMANS. CONSEIL ET COMMUNAULTEZ DES TREIZE CANTONS DES LIGUES SUISSES DES HAULTES ALLE- MAIGNES.

Trez chers et grands amys, alliez et confederez, Nous avons receu vos lettres du xv^ du mois de novembre, le viii'^ du présent, apportées par ce messager, par lesquelles nous avons recogneu la continuation de vostre affection et bonne volonté au bien de nostre Couronne, à la restauration de laquelle , comme vous nous avés grandement assistez, nous n'avons rien plus à cœur aussy que de vous tesmoigner par effect en toutes occasions le gré que nous vous en sçavons, combien vostre amitié et alliance nous est chère et vostre bien et contentement en gênerai et en paiiiculier. nous est recommandé; de quoy nous sommes très marrys de n'avoir peu jusques à présent vous rendre telle et si notable preuve que nous eussions désiré et que nous recognoissons que le service que nous avons receu de vous en nos affaires le mérite. Mais nous nous promettons tant de vostre prudence et sain

jugement, non moins que de voslre parfaicte amitié et bonne intention à rencboict de nous et de la chose publique denostre Royaume, que vous excuserés facilement le passé, considerans les grandes et excessives despenses que nous avons esté contraincts de supporter depuis nostre avènement à ce Royaume, pour le deffendre avec nostre personne contre la puissance et violence de nos ennemys, et le délivrer de la confusion en laquelle 11 estoit reduict quand nous y sommes entrez; grâce que nous debvons à Dieu premièrement et à la justice de nostre cause, et puis après à nos bons amys et voisins et à nos fidèles subjects et serviteurs, lesquels nous y ont très bien et vertueusement secondez et aidez; et vous asseurons que nous n'oublierons jamais ce qui a esté contribué de vostre part. Mais nous vous prions de croire que tous les périls que nous et nostre Royaume ont courru les années passées n'ont esté si dangereux et ne nous ont donné tant de peine et de travail à surmonter qu'a faict celuy auquel nous avoit plongé la surprinse de nostre ville d'Amiens, pour l'importance de la place, et estre advenue après une si longue suicte de toutes sortes de guerres civiles et estrangeres qui avoient grandement affoibly et épuisé nostre dict Royaume. Il est certain aussy que nous avons consommé plus d'argent aux efforts publics et particuliers que nous avons faicts pour reprendre la dicte ville, qu'en tous aultres. Neantmoins nous n'avons pas laissé d'en faire un aultre pour vous donner quelque satisfaction, pour arres de nostre bonne volonté à l'acquit de nos debtes et du soing que nous avons de conserver la vostre. Mais d'autant que la susdicte lettre que vous nous avés escripte sur ce subject contient plusieurs poincts de grande conséquence , sur lesquels nous voulons délibérer avec plus de loisir, pour y prendre une bonne resolution , laquelle nous vous ferons entendre dans peu de temps par nostre ambassadeur, dont nous espérons que vous aurés occasion de vous contenter, nous avons advisé vous renvoyer ce porteur avec la présente , seulement pour vous asseurer de plus en plus du désir que nous avons de vous confirmer, par tous bons et louables effects qui seront en nostre puissance, la volonté que nous avons, à l'imitation

des Roys nos prédécesseurs , d'heureuse mémoire, non-seidement de conserver mais d'estreindre l'alliance par eulx contractée avec vous, pour le bien et advantage commun de nos pays et subjects, qui nous sera tousjours également recommandé : priant Dieu, Très chers et grands amys, alliez et confedcrez, qu'il vous ayt en sa saincte et digne garde. Escript à S -Germain en Laye, le xuj'^ jour de décembre

HENRY

DE NEUFVILLE

Cop. — Biblioth. de M, Monmerquô , Ms. intitulé Lettres à l'amhassadenr du Levant.

[A M. DE BRÈVES

Mons"" de Brèves, J'ay appris par vostre lettre du x^ octobre, que j'ay receue il y a deux jours, la resolution que ce Seigneur a prinse, par vostre advis et par vostre instance, d'envoyer par deçà un des siens et le faire passer par Tunis et Alger, avec le commandement dont vous m'avés envoyé le double , et pour les occasions que vous m'avés représentées par vostre lettre; de quoy j'ay receu contentement, présupposant que les effects correspondront aux propositions et promesses, à nostre commune utilité. Car s'il en devoit aultrement succéder, il seroit plus à propos de rompre que d'advancer les voyages, d'autant que je désire d'estre assisté et secondé par effect en la poursuicte de nostre guerre contre nostre commun ennemy, et non de donner jalousie de nostre union et bonne intelligence. J'ay incontinent escript à mon cousin le duc de Guise, et aux gouverneurs des aultres provinces par lesquelles son chemin s'adonnera pour descendre en mon Royaume et me venir trouver, qu'ils le recueillent et ayent soing de luy, afïin de le faire traicter et conduire jusqu'où je suis, le mieux qu'ils pourront : qui sera tout ce que je vous escriray par la présente, priant Dieu, Mons"" de Brèves, qu'il vous ayt en sa saincte garde. Escript à S -Germain en Laye, le xxix^ décembre 1 597.

HENRY

fmpriiné. — Histoire du cardinal de Joyeuse, par Aubery; Paris, i654 , in-A", p. 29/4.

AU DUC DE PINEY-LUXEMBOURG

EXTRAIT

Le S*" de Brèves m'a escript que le Grand Seigneur a depes-

ché devers moy un ambassadeur, chargé du renouvellement des capitulations faictes par les Roys mes prédécesseurs avec la maison des Ottomans, pour la liberté et seureté de mes subjects et aultres trafllquans en ses pays sous la protection de mon nom ; et me mande une personne de qualité , qu'il doibt mettre en liberté , passant par la Barbarie, plusieurs de mes subjects qui y sont captifs, et mesme qu'il est chargé d'une riche espée pour me présenter de la part de ce Seigneur, en tesmoignage et confirmation d'amitié.

1597. 3l DÉCEMBRE.

Orig. — Archives des Médicis, légation française, liasse 3. Copie transmise par M. le ministre

de France à Florence.

A MON COUSIN LE GRAND-DUC DE TOSCANE

Mon Cousin , Je vous fais ceste lettre en faveur d'André de Michel

Banchi , l'un de vos subjects, lequel en l'an ' par la faulte d'aul-

truy plustost que par la sienne , ayant esté contrainct de se retirer et remettre tout son bien à ses créanciers, auxquels il a despuis satisfaict, et pour ceste occasion esté descheu de l'honneur de bon citoyen, et interdict d'exercer offices, et sa postérité, comme portent vos lois, pour jouir seulement, sa vie durant, desproficts de Testât qu'il exerceoit lors, qui estoit de tenir le registre du magistrat des pupilles , se trouvant vieil et chargé de femme et de plusieurs enfans, il desireroit, avant que mourir, voir sa famille deschargée de ceste tache et

' Le millésime est ainsi en blanc.

infamie. C'est pourquoy ayant esté supplié par aulcuns de mes spéciaux et affectionnez serviteurs, auxquels il appartient, de le vous recommander, je vous ay bien voulu escrire ceste lettre , pour vous prier, comme je fais, de le vouloir remettre et rehabiliter en ses charges et honneurs, affm que ses dicts enfans et sa postérité puissent estre tenus et reputez pour bons citoyens , et tenir offices comme les aultres : priant Dieu , mon Cousin, qu'il vous ayt en sa très saincte et digne garde. Escript de Paris, le dernier jour de décembre i^Qy.

HENRY

DE NEUFVILLE

lia.

Cop. — Bibliotli. de M. Monmerqué, Ms. intitulé Lettres à l'ambassadeur du Levant.

[A M. DE BRÈVES

Mons' de Brèves, J'ay faict response , le iii^ du mois passé, à vos lettres du xx'= jour d'octobre. Depuis j'ay receu celles du m® et v^ de novembre, et n'ay eu aulcune nouvelle de celuy que vous m'avés escript que le Grand Seigneur a délibéré d'envoyer devers moy; mais j'ay eu loisir d'entendre la resolution qu'il a prise d'armer à bon escient par mer et par terre ceste armée , car j'espère qu'elle humiliera nostre ennemy, principalement s'il y veut employer son armée du costé d'Affrique et d'Espagne , où toutes choses sont disposées à soulevations et troubles; et ne faut point doubter qu'il n'en sorte des esclats de conséquence, comparoissant par delà la dicte armée, qui favorise les dictes soulevations; et puisque le dict Grand Seigneur a choisy Assain-Bascha pour son premier visir, je veux espérer que les affaires de son empire seront mieux gouvernez que devant, estant personnage doué de vertus et qualitez; par vostre dernière lettre. Vous avés bien fait de l'avoir visité, et luy avés faict le présent accoustumé. Je vous envoyé une lettre que je luy escris, par laquelle je me resjouis avec luy de sa promotion , et luy recommande l'observance de nos traictez. J'escris aussy en Provence pour faire porter des toiles à faire voiles, comme ils demandent, et seray très ayse de les assister en ce qui se présentera, pourveu qu'ils en facent le mesme en mon endroict. Les ministres du roy d'Espagne me recherchent de paix plus chaudement que jamais; en quoy je me comporteray selon le comportement de mes alliez, et que je cognoistray estre à propos pour le bien de mon service. L'on m'a escript d'Ongrie que l'Empereur est entré

en espérance de pouvoir traicter avec le Grand Seigneur, moyennant la restitution de Gran et de Gavarrin : prenés-y garde, et m'advisés fidèlement de ce que vous en apprendrés. Je suis après à faire construire quelques galleres pour la seureté de ma coste , et pour pouvoir favoriser mieux mes amys tant en Italie qu'ailleurs , sur les occasions de guerre qui se présenteront au dict pays d'Italie par la mort du dernier duc de Ferrare, contre le Pape, qui prétend cpie la duché doibt retourner à l'Eglise comme fief despendant d'icelle; qui faict que César d'Est la veut retenir, comme vray et légitime héritier du dernier duc, estant certain que ceste guerre troulDlera et partialisera toute l'Italie, et y en engendrera d'aultres : qui est tout ce que je vous escriray pour le présent, et que je m'en vais en Bretagne donner ordre à ceste province , qui n'attend que ma présence pour me recognoistre et oheir comme ont faict toutes les aultres. Je prie Dieu, Mons"^ de Brèves , qu'il vous ayt en sa saincte garde. Escript à Paris , le nj^ jour de janvier 1698.

Orig. — Archives de M. de Bourdeille.

A MONS" DE BOUKDEILLE,