A MON COUSIN LE PRINCE MAURICE DE NASSAU

Mon Cousin , Depuis vous avoir escript deux lettres de ma main , qui vous seront rendues par le s' de Buzanval, mon ambassadeur, et luy avoir faict une ample depesche sur les occurrences qui nous convient de penser à nos affaires, j'ay désiré ce voyage du s"" Caluart par delà, qui, entre la crainte d'offenser ses seigneurs et de me desplaire, a esté enfin comme contrainct par la prière que je luy ay faicte de l'entreprendre , avec ce que la qualité et importance desdictes affaires luy doibt servir d'excuse de s'estre laissé emporter à l'affection qu'il a d'y servir. Je remets à luy de vous en faire entendre les particularitez , et vous diray que je l'ay recogneu en toutes ses actions et propos vous estre fort affectionné ; qui me donne autant plus d'occasion de l'aimer, oultre la bonne volonté que je luy porte de longue main. Il m'a par-

ticulierement parlé des affaires qui concernent vostre principauté d'Oranges, esquelles vous pouvés attendre de nioy toute la gratification qui me sera possible , n'y ayant enco«re peu faire regarder, pour l'absence de mon conseil, que j'attends dans peu de jours. Au reste, mon Cousin, je luy ay donné particulière charge envers vous, sur le faict de la guerre d'Artois et de la diversion par quelque siège notable de vostre costé , saichant que ce sont choses où vostre jugement a la plus grande force. Je vous prie croire ce qu'il vous dira sur ce de ma part, afin que Mess" les Estats ayent plus d'occasion de prendre toute confiance de l'intention que j'ay que nous demeurions inseparal^lement joincts d'amitié et d'interest d'estat. Je vous prie les asseurer que je ne feray jamais paix ny accord avec le roy d'Espagne sans eux, ny à leur préjudice, et vous en rendre caution pour moy sur la parole que je vous en donne par la présente : priant Dieu, mon Cousin, qu'il vous ayt en sa saincte garde. Escript à Dieppe, le xvij^jour de novembre

REVOL

Cop. — B. R. Fonds Béthune, Ms. 9758, fol. 284 recto; et Suppl. fr. Ms. 1009-4.

Cop. — Arch. du département du Nord. Envoi de M. Le Glay, archiviste.

Cop. — Musée britannique, Mss. additionnels, vol. 5456, fol. 78. Transcription de M. Lenglet.

Imprimé. — Mémoires de Nevcrs, t. II, p. 4 1 5 ; et 3° vol. des Mémoires de Villeroy, p. 74.

A NOSTRE SAINCT PERE LE PAPE

Très Sainct Père , Après qu'il a pieu à Dieu nous appeller à la cognoissance et communion de sa saincte Eglise catholique, apostoli([ue et romaine, et la protestation que nous avons faicte d'y vivre et mourir, rien ne nous peut estre plus cher, ny de plus grande consolation en nostre esprit, pour parfaire nostre contentement de ceste saincte action, que de la voir approuver et autoriser de la bénédiction de Vostre Saincteté, en luy rendant de nostre part le debvoir qui luy appartient; dont désirant nous acquitter avec tout fhonneur et respect envers

Vostre Saincleté que nous pouvons , nous avons à cest efïéct choisy la personne de nostre très cher et bien amé cousin le duc de Nevers, pour l'espérance que nous avons que les excellentes et vertueuses qualitez qui sont en luy, spécialement illustrées de singulière pieté et dévotion à la religion catholique, rendront ceste nostre élection et la charge qui luy est par nous commise d'autant plus agréable à Vostre Saincteté; l'un des principaux poincts de sa dicte charge estant de prester à Vostre Saincteté et au Sainct Siège apostolique, en nostre nom, l'obédience que nous luy devons, comme Roy de France très chrestien, qui ne désire moins imiter l'exemple des Roys nos prédécesseurs à mériter le tiltre et rang de premier fils de l'Eglise par nos actions, qu'ils ont esté soigneux de l'acquérir et conserver. A ceste cause , Très Sainct Père, nous supplions très affectueusement Vostre Saincteté que le bon plaisir d'icelle soit accepter et recevoir cest office et debvoir, qui luy sera de nostre part rendu par nostre dict cousin, avec les soubmissions deues et accoustumées, comme s'il estoit par nous faict en personne , et adjouster foy et créance à tout ce qu'il luy dira et fera entendre de nostre part, tant pour ce regard que d'aultres choses, tout ainsy qu'il luy plairoit faire à nous-mesmes : sur ce , nous prions Dieu, Très Sainct Père, qu'il veuille conserver longuement Vostre Saincteté au gouvernement de sa saincte Eglise.

Vostre bon et dévot fils, HENRY.

Gop. — B. R. Fonds Brienne, vol, 137, fol. loi. Fontette, portef. VI, pièce 85; et Suppl. fr.

Ms. 1009-4.

Cop. — Biblioth. de l'Arsenal, Hist. litt. n° 677, Mss. de Conrart, vol. V, p. 2» i.

Gop. — Musée britannique, Mss. additionnels, vol. 5456, fol. 85 verso.

Imprimé. — 3' vol. des Mémoires de Villeroy, p. 76.

[AL PAPE

Très Sainct Père, Avec la resolution que nous avons prinse de prester l'obéissance à Vostre Saincteté et au Sainct Siège , que nous

devons à cause de nostre royaume de France, nous n'avons voulu faillir de luy rendre aussy le semblable devoir pour raison de nostre couronne et royaume de Navarre, qui nous appartient par droit et légitime succession du costé maternel; ayant donné charge à nostre très cher et bien aimé cousin le duc de Nevers d'y satisfaire de nostre part, avec la soubmission et recognoissance que nous sommes tenus, en la dicte qualité de Roy de Navarre, faire à Vostre Saincteté et au Sainct Siège. A ceste cause. Très Sainct Père, nous supplions très humblement icelle Vostre dicte Saincteté , qu'il luy plaise recevoir cette offre de protestation de nostre obéissance en la qualité susdicte , que nostre cousin luy rendra en nostre nom , de l'avoir aiitant agréable que si elle estoit par nous faitte, en propre personne, sur l'asseurance que nous donnons à Vostre Saincteté qu'en ce qui despendra de nostre devoir nous tiendrons l'obligation de ce qu'il promettra pour nous à cest endroict comme contractée par nous-mesmes : et nous remettans sur ce à la déclaration plus particulière que nostre dit cousin en fera à Vostre Saincteté de nostre part, comme bien mformé de nostre intention, vous supplions y adjouster foy tout ainsy que si elle l'entendoit de nostre propre bouche. Nous prions Dieu qu'il veuille longuement préserver et garder V ostre Saincteté au bon régime et gouvernement de sa saincte Eglise.

HENRY

Cop. — B. R. Fonds Béthune, Ms. 9758, fol. 3o2 recto. — Brienne, voi. 137, foi. 102 recto.

Suppl. fr. Ms. 1009-3. (D'après les registres du Parlement.)

Cop. — Musée britannique, Mss. additionnel^ , vol. 5456, fol. 87. Transcription de M. Lenglet.

Cop. — Biblioth. de l'Arsenal, Hist. litt. n" 677, Mss. de Conrart, vol. V, p. 21 3.

[AU DUC DE NEVERS

Mon Cousin , La qualité que j'ay de Roi de Navarre me rend obligé de prester obéissance à Nostre Sainct Père le Pape, pour le dict royaume, tout ainsy que je le suis pour la couronne de France; qui

m'a faict penser que Sa Saincielé pouvoit prendre en mauvaise part si j'obmetlois de luy rendre ce debvoir; et neantmoins considérant d'aidtre costé l'obstacle que le pouvoir que les Espagnols ont à Rome y peut faire, j'ay pensé à propos, afin que l'un ne nuise à l'aultre, de faire deux depesches séparées, l'une pour raison de la couronne de France et l'aultre pour NavaiTC, encore que je désire et vous prie, mon Cousin, que vous taschiés de faire la dicte obéissance pour les deux ; car cela importe aussy à la conservation de mon droict ; mais je remets à vostre prudente considération de proposer les deux ensemble , ou depescber celle de France la première , sans vous laisser aucunement retarder, si vous cognoissiés qu'elle puisse porter empeschement aux aullres affaires, jusqu'à ce que vous les ayés bien asseurées. Ce qu'estant faict, en sorte que la poursuicte de la dicte seconde partie ne puisse plus prejudicier, je vous prie faire ce que vous pourrés pour y estre receu, n'estimant pas que Sa Saincteté le veuille refuser, non plus qu'il n'a esté refusé par le passé de moy-mesme, quand le feu s"" de Duras y fut faire cest office de ma part \ si ce n'est que l'autorité des dicts Espagnols fust si grande qu'elle eust plus de force que la raison. Vous le verres sur le lieu, et sçaurés bien vous conduire ainsy qu'il faudra, pour ne laisser rien en arrière de ce qui concerne le bien de mes affaires , et n'entreprendre aussy chose qui y peust apporter altération envers Sa Saincteté , ou vous faire recevoir un refus qui seroit à l'avenir de préjugé contre moy ; vous envoyant la lettre que j'ay advisé d'escrire sur ce à Sa Saincteté , non pour vous obliger à la suivre, mais pour en user selon que vous trouvères les choses disposées, ayant estimé estre mieux que vous en soyés garny, à ceste condition, que de vous laisser et à moy un regret d'avoir failly une occasion qui m'est de conséquence, à faulte d'avoir en main de quoy y satisfaire : et sur ce, je prie Dieu, mon Cousin, qu'il vous ayt en sa saincte et digne garde.

HENRY

' Voyez ci-dessus, t. I, p. 38 et 59.

DE HENRf IV. 57

Imprimé. — Mémoires pour servir de preuves à l'Histoire de Bretacjne , par dom Mokice , t. III,

col. 1695.

A NOS TRES CHERS ET BONS AMYS MESS«^ DES ESTATS GENERALLX DES PROVINCES UNIES DES PAYS-BAS.

Très chers et bons amys , Le danger qui presse et menace nostre pais de Bretaigne d'une entière subjection, par les nouveaux efforts que l'ennemy se délibère d'y faire, comme les moyens s'en voyent desjà préparez, s'il n'y est remédié, a meu mes bons subjects et serviteurs d'icelle province, très résolus de vivre et mourir avecq l'honneur de leur fidélité , soubs nostre obéissance , à rechercher tous moyens de se fortifier en ceste bonne volonté et dévotion, suivant la resolution prinse en la dernière assemblée de leurs Estats; et à cest effect ils ont advisé d'envoyer aucuns des plus notables d'entre eulx, tant en Angleterre que devers vous, avecq pouvoir, auctorisé de nous par nos lettres-patentes , pour emprunter et passer au nom d'iceuk Estats toutes les obligations que besoing sera pour quelque bon secours, s'ils le peuvent obtenir. Et combien que la favorable assistance que nous recevons ailleurs de vostre part nous deust retenir de vous donner nouvelle charge , avecq ce que nous n'ignorons combien sont grandes les vostres propres , toutesfois la crainte de rejecter la bonne affection de nos dicts subjects, si nous les eussions voulu par ces considérations destourner de l'espérance qu'ils ont conceue de ce recours, et le mal qui se voit imminent sur la dicte province, nous ont faict passer par dessus ces respects , et resouldre d'accompaigner la commission de leurs dicts depputez de toute la plus expresse recommandation de nostre part que nous pouvions, vous escrivant la présente à ceste fin et pour vous prier bien affectueusement d'y vouloir donner toute l'aide, faveur et confort que vos affaires pourront porter, et selon que vous jugerés la nécessité et besoing de la dicte province le requérir; la conservation de laquelle touche si avant le

58 LKTTRES MISSIVES

bien gênerai de noslre service, que nous raflectionnons autant que nulle autre partie de notre Royaume : et nous remettant à ce que le s' de Buzanval , nostre ambassadeur, vous dira sur ce plus particulièrement, en assistance et confirmation de la charge des dicts depputez, nous prions Dieu, Très chers et bons amys, vous avoir en sa saincte et digne garde. A Dieppe, le xx® jour de novembre lôgS.

HENRY

BEVOL.

Imprimé. — Mémoires pour servir de preuves à l'Histoire de Bretagne, par dom Mokice, t. III,

col. 1576.