A MONS" DE SOUVRÉ

La Gode , Je vous fay ce mot pour vous prier de vouloir disposer de l'archevesché de Tours, duquel je vous ay faict don, en faveur dn s"^ evesque de Nantes \ et en cela le vouloir préférer à tout aultre, attendu sa qualité, ses services et mérites; considéré aussy combien il importe que ceste dignité soit tenue par personne dignement qualifiée comme il est , le tout toutesfois avec honeste et raisonnable recompense dont le dict s"^ de Nantes conviendra avec vous. Je seray très aise que ma recommandation et ma prière ayent lieu en votre endroit, et qu il cognoisse que pour Famour de moy il Tobtienne, Cela estant, s'il se présente occasion de le recognoistre et vous tesmoigner le gré que je vous en aiu?ay, vous m'y trouvères aussy disposé que vous le sçauriés souhaiter, et que de tout mon cœur je prie Dieu qu'il vous ayt, la Gode, en sa saincte et digne garde. Ce xxinj*^ décembre, à Mantes.

HENRY

C'était Philippe du Bec , oncle de Mor- n'eut pas plus d'effet que n'en avait eu la rénay. Mais la recommandation que le Roi clamation de Souvré à S. M. pour l'abbaye adresse ici en sa faveur à M. de Souvré de Montivilliers.(V. ci-dessus, p. 36, note.)

Cop. — Bib^iotll^que de M. Monmerqué , Ms. intitulé : Lettres à l ambassadeur du Levant.

A MONS« DE BREVES

GENTILHOMME ORDINAIRE DE MA CHAMBRE, ET MON AMBASSADEUR A I.A PORTE EXCELSE DU

GRAND SEIGNEUR

Mons' de Brèves , Les dernières lettres que j'ay receues de vous sont du xx^ septembre ; les précédentes , du v*^ du dict mois , et aultres du xxij^ aoust , sur le contenu desquelles je vous diray en premier lieu, pour le regard de l'armée de mer, qu'on vous a asseuré devoir sortir, que le roy d'Espagne monstre ne l'appréhender si peu sur luy, qu'il ne laisse de poursuivre ses desseings contre moy, par l'usurpation qu'il prétend , par ses efforts et pratiques , pouvoir faire de ceste Couronne , faisant levée et amas de gens , et encores de tous costez pour recommencer la guerre à ce printemps encore plus violente qu'il ne l'a faicte par cy-devant, de sorte qu'il pense par ce moyen venir bien tost à bout de ses entreprises , dont neantmoins j'espère que Dieu me garentira , et qu'il me donnera tant de forces et moyens pour résister à mes ennemys, qu'ils n'en rapporteront enfin que honte et dommage. Je vous ay donné advis, par mes preceddentes, de la trefve que j'avois accordée à mes subjects rebelles pour trois mois, laquelle a encores depuis esté continuée pour aultres deux mois , qui finissent le dernier du présent, pendant lequel temps les Espagnols se sont abstenus d'enheprendre, plus neantmoins pour n'en avoir les moyens prests, non à faute de bonne volonté. Ils advancent les préparatifs tant qu'ils peuvent, leur estant desjà venu bon nombre de nouvelles forces ez Pays- Bas, oultre celles qui y estoient, et y en attendent encores d'aultres, mesmes du costé d'AUemaigne , avec l'archiduc Hernest, frère de l'Empereur, qui y vient pour gouverneur, au lieu du feu duc de Parme. Je ne perdray aucun temps, avec l'assistence de mes bons amys, pour me mettre en estât de bien recevoir ceux qui me viendront assaillir,

qui est ce que je vous puis dire povu* ceste heure de Testât de mes aflaires.

J'ay au demeurant veu ce que vous m'avés escript touchant le Mariany, duquel je n'ay cogneu que les efFects qtii me sont esté représentez pour mon service, et par personnes auxquelles j'ay eu occasion [de me fier] tant de fois, que j'ay eu raison de les croire et de le gratiffier comme j'ay faict. J'ay bien esté adverty que du temps de Lencosnie ils estoient en grande altération, mesmes sur le faict du consulat d'Alexandrie ^ ; mais j'ay eu plus d'esgard à l'affection qu'il a depuis monstrée porter à mon service qu'aux choses passées ; et puisqu'il a cest honneur d'estre mon officier, il y va de ma réputation de le supporter en justice. Partant, je désire que vous favorisiés en ce que vous pourrés son droict, pour garder que les calomnies de ses malveillans n'oppriment son innocence; si ce n'est qu'il y ayt crime bien veriffié contre luy, mesmes en chose qui touche le service du Grand Seigneur et le mien, qui mérite chastiment; dont j'attendray à faire jugement en ce qui touche son estât, jusques à ce que la vérité en soit clairement cogneue. Continués de m'advertir de toutes occurrences que vous cognoistrés le mériter : et je prie Dieu , Mons"" de Brèves,, qu'il vous ayt en sa saincte et digne garde. Escript à Mantes, le xxij^ jour de décembre lÔgS.

HENRY

Mons*^ de Brèves, cette depesche est preste il y a desjà quelques jours pour estre portée par homme qui doit faire le voyage de Long'^; mais d'autant qu'il y a eu occasion de quelque retardement, j'ay advisé d envoyer le tout par homme que je depesche en Suisse, d'où Ton

Nous connaissons sur cette affaire une consul d'Alexandrie, tendantes à énerver

lettre de Henri III au sultan Amurath, où l'autorité de son consulat. »

il est dit : (i Nous avons cy-devant par plu- ' Ce mot est écrit de même dans une

sieurs fois l'aict plainte à Vostre Haultesse lettre à M. de Maisse , ambassadeur à

d un nommé Paul Marany et des empes- Venise, qui fait un double avec ce post-

chemens et traverses qu'il a données au scriptum.

lO.

trouvera moyen de faire passer outre le paquet jusques à vous avec cette addition, j)Our vous dire que vendredy, veille de Noël, le s*" de Viliy, qui comniandoit dansMeaux, voyant la Irefve preste à finir et que le duc de Mayenne ne faisoit aucune démonstration de vouloir entendre à la paix, declaira aux habitans de ladicle ville, en pleine assemblée , que son honneur ny sa conscience ne luy permcttoient de plus porter les armes contre moy, puisque la cause qui l'y avoit induit par cy-devant estoit ostée, et qu'il ne pouvoil plus demeurer avec eux, tenans le party qu'ils avoient tenu jusques alors; qu'il avoit envoyé iaire entendre sa resolution au duc de Mayenne et remettre entre ses mains la charge qu'il luy avoit donnée. Et sur ce , ayant rendu les clefs aux habitans, print congé d'eulx pour se retirer en sa maison, comme en effet il s'y achemina; mais les dicts habitans, après avoir consulté entre eux, se résolurent de se déclarer pour mon service, ainsy qu'ils firent aussy tost, et au mesme instant depescherent aucuns des principaux après le dict s" de Vitry, qu'ils trouvèrent desjà plus de deux lieues loing de la ville, pour luy faire entendre leur resolution et le prier très instamment de vouloir retourner, pour continuer sa charge, sous mon autorité et pour mon service ; dont il ne les voulut refuser, voyant leur bonne intention et la confiance qu'ils avoient de luy. Ils depescherent aussy au duc de Mayenne, à ceux qui occupent le lieu de la cour de parlement et à la ville de Paris, pour leur declairer la dicte resolution; et, le jour de la feste^, ceste bonne nouvelle me fut apportée, le soir; de laquelle j'ay rendu grâce à Dieu, qui en est le principal auteur, et qui, j'espère, ne permettra que les autres villes demeurent longuement en l'aveuglement où elles ont esté tenues jusques à présent ; ou si les ennemys les veulent retenir par grosses garnisons . ils en seront moins forts à la campagne. C'est tout ce que je vous diray pour ceste heure : priant Dieu , Mons"" de Brèves , qu'il vous ayt en sa saincte et digne garde. Escript à Mantes, le xxvj^^jour de décembre i ÔqS

HENRY

Le jour fie Noël

DE HEMU IV. 77

[1593.] 26 DtCEMJiRE.

Orig. autographe. — Arch. de M. le comte d'Aiissac de Valrëas. Copie transmise par M. le préfet

de Vaucluse.

Imprimé. — Notice historique sur la ville et le canton de Vo.lréas, par Ad. Aubenas, p. i55. Paris,

i838, in-i8.

A MONS" Dli POET.

Mons"" du Poet, Vous congnoissés le s"" de Serres. Par luy vous entendres de mes nouvelles et ce que je luy ay commandé de vous dire. Croyés-le comme moy-mesme, et vous asseurés qu'où j'auray moyen de vous tesmoigner la continuation de ma bonne volonté, vous m'y trouvères aussy disposé que vous le sçauriés souhaiter de moy, qui prie Dieu vous avoir, Mons"" du Poet, en sa saincte garde. Ce xxvj*^ décembre, à Mante.

HENRY

Minute. — B. R. Fonds Dupuy, Ms. 407, fol. 9 recto.

[A LA REINE MARGUERITE

M'amye, Aussy tost que le s"" Errard a esté de retour, et que tant par luy que par celles que vous m'avés escriptes , j'ay cogneu la continuation de vostre bonne volonté en mon endroict, j'ay faict depescher les expéditions de ce que je vous avois accordé et dont il vous avoit porté le brevet; luy ayant donné charge, et au s*^ du Plessis, qui s'en va à Tours, en poursuivre promptement les veriflications. Ce pendant je n'ay laissé de faire employer sur les estats qui ont esté envoyez aux receveurs generaulx de mon Royaume la pension de cinquante mille livres que je vous ay accordée , ensemble la somme de deux cens mille escuz. Et pour les cinquante mille j'ay faict expédier une commission pour vendre de mon ancien domaine jusques à la dicte somme. Je vous prie, m'amye, que le plustost que vous pourrés

vous m'envoyés la procuration que vous sçavés et y adjoustés les mots que j'ay donné charge au dict Errard de vous mander, pource qu'ils sont nécessaires poui' faciliter la poursuicte de ce que vous sçavés, selon que le désirés et que vous en avés faict le choix; vous asseurant qu elle ne sera point changée , et l'envie que j'ay que le tout se passe selon que vous le pouvés désirer pour vostre honneur, grandeur et contentement; adjoustant foy à ce que le dict Errard vous mandera comme à moy-mesme , qui auray toute ma vie autant ou plus de soing de vostre conservation que de la mienne propre , et de vous faire paroistre à toutes occasions combien je tiens cher Thonneiu" de vostre amitié, de laquelle vous m'avés sceu si bien tesmoigner les efFects, qu'il ne sera jour de ma vie que je ne la recognoisse comme je dois: et sur ceste immortelle vérité , après vous avoir humblement baisé les mains, je prieray Dieu qu'il vous ayt, m'amye, en sa très saincte et digne garde, xxvij^ décembre lôgS, à Mante ^

HENRY

Orig. — Archives du Royaume, sect. judiciaire. Parlement de Tours, conseil, t. XIX, fol. 4 reclo.