A NOS TRES CHERS ET BIEN AMEZ LES MAIRE ET ESCHE VIN S DE NOSTRE

VILLE DE LYON

Chers et bien amez , La première nouvelle que nous avons eue de la bonne et louable resolution que vous avés faicte de nous recognoistre pour tel que Dieu a ordonné que nous vous soyons, a esté par une depesche du s"^ d'Ornano que nous receumes le xiu^ de ce mois, qui ne contenoit que la simple certitude de l'exécution d'icelle, nous remettant à une aultre plus ample qu'il nous debvoit faire bientost après , en laquelle nous verrions les particularitez de ce qui s'estoit passé par delà; et sur l'opinion que nous avions que la dicte seconde depesche nous arriveroit de jour à aultre , et que par icelle nous serions mieux informez de ce que nous aurions à vous mander pour ce regard , nous avons d'autant différé de vous escrire pour nous rejouir avec vous du grand bien qui adviendra, et au gênerai de nos affaires, et à vous en particulier, de ceste vertueuse desclaration que vous avés faicte en faveur de nous et de nostre service , ce que nous avons faict depuis peu de jours par une aultre nostre depesche, que nous n'estimons que vous n'aurés gueres plus tost que ceste-cy, que nous vous faisons par vostre depputé, qui nous a rendu la vostre du xnn*^ de ce mois, en laquelle nous avons veu avec grand plaisir et contentement la continuation de vostre bonne volonté et affection à nostre service, qui augmente tousjours la nostre en vostre endroict. Nous avons aussy veu en vostre dicte depesche , et particulièrement entendu par le dict

depputé, le bon ordre que vous avés commencé de donner à l'estahlJssemenL des aflaires de la dicte ville, ayant procédé à l'élection de nouveaux eschevins, au lieu de ceulx qui vous estoient suspects; qui estoit véritablement par où il falloit commencer, et qu'il est nécessaire de continuer à l'endroict de ceulx que l'on cognoist n'estre pas entièrement nets et vuides de ceste mauvaise impression qui leur avoil esté donnée, n'y ayant rien tant à craindre en un corps que un ulcère couvert en quelque membre. Vous estes si prudens et advisez, el traictés maintenant un affaire qui est si agréable à Dieu, qu'il ne fault doubter que vous ne soyés assistez de sa grâce en toutes les resolutions que vous ferés pour ce regard; estant fort content de celle qin a esté prinse de mettre la conduicte des affaires au consulat de vostre ville, attendant que nous ayons faict resolution sur le gouvernement de la province, laquelle nostre volonté estoit bien de ne faire poinct, que les depputez que nous sommes advertys que vous devés envoyer vers nous ne feussent arrivez, et que nous ne les eussions particulièrement ouys; et demeurons encore plus fermes en ceste opinion, que nous voyons par vostre dicte lettre que c'est chose que vous désirés de nous, de qui en cela et toute aultre occasion vous debvés attendre toute faveur et grâce , comme nous sommes asseurez que la confiance que nous avons de vostre fidélité et bonne volonté nous sera tousjours confirmée par les bons effects que nous en pouvons désirer.

Nous avons, au reste, veu par l'extraict de vostre délibération consulaire, l'ordre que vous désirés estre donné par les trésoriers generaulx de France pour les vivres et aultres despenses y contenues , pour les forces qu'il fault mettre en la campagne, suivant laquelle nous leur mandons particulièrement d'y pourveoir en diligence, à quoy nous nous asseurons qu'ils ne fauldront de satisfaire. Sur ce, nous reservant à vous escrire plus amplement, après que la dicte seconde depesche du dict s*" d'Ornano nous sera arrivée, nous nous contenterons, pour fin de celle-cy, de vous exhorter de ne discontinuer poinct vostre soing et vos veilles pour vostre conservation et de nostre dicte ville; estant très certain que, dedans et dehors, les praticques et desseins

y niulliplieiit tous les jours : dont Dieu vous préservera s'il luy plaist, comme nous l'en prions de tout nostre cœur. Donné à Chartres, le xxij* jour de febvrier 1094.

HENRY

FORGET