SENESCHAL DE MON PAYS DE PERIGORD

Mous' de Bourdeille , Ce n'a jamais esté mon opinion que vous eussiés poursuivy ny désiré la trefve, car je sçay que cela est trop esloigné du désir que vous avés de paroistre en vostre profession; mais à la vérité je n'avois pas trouvé bon que elle eust esté accordée sans premièrement me l'avoir faict entendre et en avoir sceu ma volonté. Vous aurés depuis entendu quelle elle a esté sur la trefve générale qui a esté accordée pour toute la province de Guyenne , jusques à la fin du mois prochain. Vous aurés entre cy et là mon cousin le mareschal de Matignon de retour par delà, par lequel vous serés informé de ma volonté .sur le faict de la dicte trefve. Il remportera aussy avec luy Testât de Ja despense que je veulx faire pour la guerre en toute la dicte province, où vous verres que ce qui est de vostre département n'a pas esté oublié, mesme les garnisons de Brantosme et de Bourdeille, dont vous m'avés escript. J'ay aussy ordonné à mon dict cousin de vous assister de forces et de moyens quand vous l'advertirés des occasions que vous aurés d'entreprendre quelque chose, ce que je m'asseure qu'il fera bien volontiers. Ce sera aussy à vous d'estre en bonne correspondance avec luy. J'ay eu desplaisir de voir en vostre lettre la trahison qui a esté faicte sur l'entreprise de Perigueux, et encores plus que c'ait esté aux despens de la vie de ceulx qui s'en sont meslez, mesme de ceste pauvre demoiselle; qui a esté une inhumanité trop barbare. Je seray bien ayse, si l'occasion s'en présente, que vous en puissiés avoir la revenche. Vous verres par mon aultre lettre, qui est en ce pacquet.

coninie depuis la réduction de cesle ville, Rouen et toute la Normandie a faict de mesme, et espère que, dans peu de temps, plusieurs aultres des principalles de ces quartiers de deçà feront le semblable. Si celle de Perigueux attend d'estre la dernière, elle se rendra bien indigne de la faveur et clémence que reçoivent les aultres; ce que vous pourrés dextrement leur faire entendre. C'est tout ce que j'ay à vous dire pour ceste fois : priant Dieu, Mons*" de Bourdeille, vous avoir en sa saincte garde. Escript à Paris, le premier jour d'avril i 09/1.

HENRY

FORGKT.

1594. l'' AVRIL. —11"^

Cop. — Arcliives municipales de Troyes. Registres des assemblées de l'échevinage, assemblée du 5 avril iSg^. Envoi de M. Vallet de Viriville.

A NOS TRES CHERS ET BIEN AMEZ LES MAIRE, ESCHEVINS, CONSEILLERS ET HABITANS DE NOSTRE VILLE DE TROYES.

Très chers et bien amez. L'heur et la grâce dont il a pieu à Dieu faire prospérer nos desseings et entreprinses , depuis qu'il a voulu nous appeller à la légitime succession du Royaulme de France, doibvent faire juger à tout vray François que les empeschemens qui nous ont esté donnez jusques à présent par nos ennemys à la restauration de cest Estât, quelque prétexte qu'ils ayent prins, n'ont esté par luy approuvez, l^es habitans de nostre bonne ville de Paris, qui ont veu de plus prés que les aultres que leurs artiffices tendoient à l'usiupation de cest Estât, et qui ont plus vivement ressenty la peine de les avoir si longuement tolérez , ont tesmoigné, par la resolution qu'ils ont nagueres prinse de nous recongnoistre pour leur Roy, que nostre protection seule pouvoit arrester le cours de leurs afflictions et, aussytost qu'ils l'ont effectuée , apperceu que l'establissement de nostre auctorité parmy eulx leur a apporté le bien et soullagement par eulx tant désiré et dont ils avoient esté privez depuis leur rébellion. Le mesme s'est praticqué en nos villes de Meaux, Lyon, Orléans, Bourges,

Pontoise et depuis deux joiu-s à Rouen. Il ne tiendra maintenant qu'à vous, en nous rendant Tobeissance que vous nous debvés, que vous ne participiés au mesme contentement et repos dont jouissent à présent les dictes villes. Vous ne pouvés plus longuement vous excuser de ce debvoir; Dieu le vous commande; la nature vous y oblige; les Espagnols, qui sont à vos portes et introduits en d'autres nos villes par ceulx qui vous commandent et qui les veuillent establir en vos maisons au préjudice de vos francliises et libertez, vous y contraignent. Ne doubtés point de la seureté de vostre religion : le contentement et repos que nous avons en nostre ame de la vraie congnoissance que nous tenons maintenant d'icelle, et d'estre reuny avec vous en une mesme Eglise catliolique, apostolique et romaine, ne donneront jamais lieu aux opinions contraires; la profession que nous en faisons est manifeste, et les sermens solempnels et publics donnez à nostre conversion, et depuis confirmez et réitérez à nostre sacre et sumption de l'Ordre du Sainct-Esprit , nous obligent de vivre et moiu?ir en icelle. N'appréhendés non plus la recherche de vos faultes passées; la promesse que nous vous faisons maintenant de vous les pardonner, et la doulceur et clémence qu'ont esprouvé en nous ceulx des villes dessus dictes et plusieurs de nos ennemys, sur la vie desquels la justice que Dieu a mise en nos mains et la rigueur de la guerre nous donnoient toute puissance, vous debvroient bien esloigner de ceste crainte. Ne vous laissés aussy esbranler des menaces et moins pipper et gaigner par les vaines promesses et offres des estrangers et leurs adherens; nous vous prenons dés à présent en nostre protection, la faveur de laquelle vous peut apporter plus de moyens, de biens et de richesses que toute l'Espagne et les Indes ensemble vous produire d'or et argent. Ne feignes donc de venir à nous, qui avons et aurons tousjours les bras ouverts pour recevoir et caresser d'une paternelle bienveillance et royalle clémence les plus errans et desvoyez de nos subjects. Nous vous remettons en la libre et entière jouissance de tous vos moyens et facultez et de tant de beaux et amples privilèges, droicts et immunitez que vos pères se sont acquis de nos prédécesseurs par leurs signallées loyaulté

DE HEMU IV. 135

el fidelliié, el debvés encores espérer davantage de nostre recognoissance , si vous l'embrassés comme il est requis pour voslre profTicl . utilité et commodité mesme : et prions le bon Dieu vous en faire la grâce. Donné à Paris, le premier jour d'avril lôg/i '.

HENRY

POTIEh.

Mandons à nostre cousin le duc de Luxembourg qu'il vous aille trouver, si en avés besoing, pour vous assister en ce que désirés de luy.

Orig. — Arch. de la ville de Rennes. Transcription de M. Maillet, bibliothécaire. Imprimé. — Copie de la lettre du Roy envoyée aux eschevins, manans et habituns de lu rille d'Anyen.

1894, in-8°, à Angers, chez Anthoine Herrault.