DE PERIGORD

Mons' de Bourdeille , Depuis que je vous ay escript , du x*^, de l'ellort que j'avois faict le jour précèdent contre ceste ville, sans toutesfois y avoir voulu donner l'assault, pour ne l'avoir trouvé raisonnable , j'ay vivement faict continuer le travail des approches et mines , et donné ordre à me fortifïier encores de plus grand nombre d'artillerie et munitions, pour ne la poinct faillir la seconde lois; ayant aussy faict dresser un cavallier en un endroict où je avois délibéré faire la plus forte batterie, duquel ils eussent esté veus en courtine par le dedans et battus par quelques pièces que je y avois faict monter, de sorte que la delfence de la bresche leur eust esté très difficile et très dangereuse : et estoient tous ces préparatifs tellement advancez , que je faisois estât de les employer aujourd'hviy, avec bonne espérance et toute apparence que les assiégez n'y pourroient résister. Aussy n'en ont-ils voulu attendre le coup , ayant dés avant-hier recherché et commencé d'entrer en quelque parlement, qui a esté si avant poursuivy, que hier la capitulation feut conclue de me rendre la place , si dans douze jours, dont celluy d'hier faict le premier, ils ne sont secourus d'armée qui me face lever le siège : à quoy j'ay plustost voulu condescendre que de bazarder la ville au sac et au pillage, et aultres desordres qui ensuivent ez villes prinses par force, que j'ay tousjours désiré éviter, mesme à l'endroict de mes subjects , lesquels ne peuvent souffrir aucune ruine qui ne retombe sur moy, comme redondant à l'affoiblissement de l'Estat. Je n'ay pas grande opinion qu'il leur puisse venir secours suffisant pour me faire lever le siège , non plus que l'armée ennemye n'a faict semblant, depuis sa retraite, de retourner à cest effect, ayant tousjours demeuré campée et retranchée en

un villaigc appelle Miraiimont, sur la frontière, du costé de Bapaume, travaillée de maladies et aultres incommoditez , et avec peu d'apparence jusques icy d'estre renforcée, combien qu'ils en ayent tousjours faict courir le bruit. Toutesfois voulant jouer au plus seur, je demande ma noblesse de l'Isle de France, Beaulce, Champaigne et Brye, à laquelle j'avois donné congé de s'aller un peu refraischir; les pouvant recevoir, dans sept ou hui et jours, les plus eslongnez, et les aultres plus tost, comme je m'asseure qu'ils ne fauldront à ceste occasion, non plus qu'ils ont faict à toutes les autres où je les ay appeliez pour le bien de mon service. Ce pendant j'ay esté fortiffié par la venue de mon cousin le duc de Montpensier et de l'admirai de Villars , qui arrivèrent hier, de prés de mil chevaulx et deux mil hommes de pied, qu'ils m'ont amenez de mon pays de Normandie. Et d'autant que je ne doubte que ne soyés en peine et expectation de l'événement de ce siège, comme sont tous ceulx qui aiment le bien de mes affaires, je vous ay bien voulu incontinent advertir de Testât où j'en suis à présent : priant Dieu, Mons*" de Bourdeille, vous avoir en sa saincte garde. Escript au camp devant Laon, le xxj® jour de juillet i 594..

HENRY

REVOL

1594. 2/i JUILLET.

Imprimé. — Mémoires de messire Philippes de Mornay, in-i", t. II, p. iig.

[A M. DU PLESSIS

^ Mons' du Plessis , Poiu* response à toutes les vostres , mesmement au faict particulier duquel Chorin m'a parlé de vostre part, maintenant que j'ay l'esprit moins embarassé d'affaires que je n'avois lorsque vostre laquais arriva, parce que Laon a capitulé, je vous diray que j'ay une extresme envie de vous veoir. Pour ce , je vous prie de

' Cette lettre était de la main du Roi.

me venir trouver incontinent que je seray à Paris; qui sera environ le quinziesme du prochain. Vostre séjour prés de moy sera fort coiul, car je ne désire vous y retenir plus de cinq ou six jours, et vous renvoyer aussy tost pour mettre fm à cest affaire. Bonjour, Mons"^ du Piessis. Ce XXI nj® juillet lÔQ/i, devant Laon.

HENRY

Cop. — Arcli. du Royaume. Sect. judiciaire. Registre du parlement de Paris, conseil , vol. 268 ,

fol. 108 recto.

A NOS AMEZ ET FEAULX CONSEILLERS LES GENS TENANS NOSTRE COURT DE PARLEMENT DE PARIS.

Nos amez et feaulx, Nous avons entendu que le procez d'entre nostre fille aisnée l'Université de nostre bonne ville de Paris et le collège des Jesuistes est devant vous, sur le point d'estre jugé, et que soubs couleur de quelques contestations de ce temps, et que le bien de nostre service semble y résister, l'on en veult empescher le jugement. Sur quoy nous vous dirons que n'ayant aultre but devant les yeux que la crainte de Dieu, ny plus recommandé que la justice de nostre Royaume , nous voidons et vous ordonnons très expressément de passer oultre au jugement du dict procès, gardant le bon droict et justice à qui il appartiendra, sans aulcune faveur ny animosité, ny acception de personne, quelle qu'elle soit, afin qu'à la descharge de nostre conscience , Dieu soit loué et honoré en nos bonnes et sainctes intentions, et par vos actions et justes jugemens, selon que les Roys nos prédécesseurs et nous vous avons instituez : priant , sur ce, Nostre Seigneur vous avoir, Nos amez et feaulx, en sa saincte et digne garde. Escript au camp devant Laon, le xxvnj^ juillet i^gà^-

Tous les historiens parlent de ce pro- contre les Jésuites. Les Mémoires de la ces de l'Université et des curés de Paris Ligue, I. VI, donnent la résolution et la

LETTRES DE HENRI IV. — IV. ib

\9li

Orig. — Arcliives de ia ville de Strasbourg. Copie transmise par M. L. Schneegans , correspondant

du ministJ^re de l'Instruction publique.