CHAMPAIGNE ET DE BRIE

Mon Cousin, Ayant continué la trefve avec le duc de Lorraine

jusqu'à la fm de la présente année, je désire qu elle s'observe en toute

l'estendue de vostre gouvernement, et vous envoyé à cest effect les

lettres que j'en escris à tous les gouverneurs qui sont en l'estendue de

vostre charge, auxquels vous les ferés tenir et leur enjoindrés très

expressément de n'y contrevenir en façon que ce soit, comme je vous

prie d'y avoir l'œil de vostre part, pourveu que le dict duc de Lor-

rainne y satisface de la sienne. N'estant la présente à aultre fm, je prie

Dieu qu'il vous ayt, mon Cousin, en sa saincte et digne garde. Au

camp de Laon, le ij^ joiu* d'aoust lÔg/i-

HENRY

POTIER

Imprimé. — Mémoires de messire Philippes de Momuy, in-/|.", p. 3/i.o.

[A M. DU PLESSIS

^ Mons*^ du Plessis, Suivant ce que je vous ay cy-devant escript, je vous feray encore ce mot pom^ vous dire que je désire que vous me veniés trouver promptement à Paris, pour l'affaire duquel j'ay commandé à Lomenie de vous escrire , que j'affectionne , comme vous-

■ Cette lettre était de la main du Roi.

mesmes en pouvés juger la conséquence , et pour d'autres choses que

je ne veulx commettre à ceste lettre. Je ne vous retiendray que fort

peu. Mais ne faictes faute de venir; car je désire vous veoir et mettre

fin à cest affaire avant mon partement pour mon voyage de Lyon.

Par ce porteur vous sçaurés de mes nouvelles. Sur ce, je finiray pour

prier Dieu vous avoir, Mons*" du Plessis, en sa saincte garde. Ce

ij^ aoust 1 594.

HENRY

Cop. — B. R. Suppl. fr. Ms. 1009-1.

Imprimé. — Œconomies royales, édit. orig. t. I, p. 219.

[A M. DE ROSNY

Mon amy. D'autant que vous estes le principal interprète de toutes les resolutions qui sont comprises au traicté que vous avés par mon commandement négocié avec mon cousin l'admirai , vous me ferés service très agréable, lorsqu'il se présente des difficultez, oppositions ou empeschemens (comme je ne doubte poinct qu'il n'y en ayt desjà plus que je vouldrois) sur l'exécution et accomplissement du traicté, que vous informiés ceulx de mon conseil de tout ce qui s'est passé, et leur faciès cognoistre comme il a fallu fermer les yeux à beaucoup de choses importantes à mon auctorité et à mon service , pour parvenir à un bien si désiré et de telle conséquence, comme aussy postposer l'interest de beaucoup de particuliers, comme le mien propre, au bien, repos et soulagement de toute ma province de Normandie, tenant au surplus la main en tout ce qui vous sera possible , à l'effect de mes promesses portées par les dicts articles, du manquement desquelles vous recevriés autant de regret que moy-mesme : qui prie Dieu vous tenir en sa saincte garde. Escript au camp de Laon, le ij*^ jour d'aoust iS^/i.

HENRY

POTIER

Orig. — Archives municipales de Bourges. Copie transmise par M. ie baron de Girardol.