A M. DE NOAILLES

Mons" de Noailles, J'estime que celle-cy vous trouvera au siège de Gimel, que le s" de Chambaret a entrepris. Toutesfois si vous n'aviés encore peu vous y acheminer, je vous prie, incontinent icelle receue, rassembler le plus de vos amys que vous pourrés, pour vous y rendre; car je me doubte que les ennemys veilleront le plus qu'ils pourront

pour le secours du dict Gimel, et ils ne l'entreprendront pas qu'ils ne recognoissent le temps que le dit s"" de Chambaret sera le plus foible. C'est pourquoy il est très nécessaire que vous vous y trouviés, si jà n'y estiés; car cela leur apportera sans doute beaucoup d'estonnement. Je m'asseure que vous n'y vouldrés pas manquer, puisqu'il y va de mon service et du bien de toute la province, que vous avés tousjours préférés à toute autre chose. Aussy pouvés-vous croire que je sçais fort bien cognoistre et recognoistre les mérites de ceux qui vous ressemblent. Faictes-moy donc ce service, et vous asseurés que je le tiendray en fort bonne considération. Sur ce, je prie Dieu, Mons"" de Noailles, vous avoir en sa saincte garde. Escript à Paris, ce xxnij*^ jour de septembre \5ç)li.

HENRY

FORGET