A MON COUSIN LE DUC D'ELBOEUF

Mon Cousin, J'ay esté fort ^ise d'entendre de vos nouvelles par vostre lettre et par le s"" Chalcry, duquel j'ay aussy sceu comme les choses sont composées en ma ville de Poictiers et les affections des habitans d'icelle toutes conformes à mon service; à quoy je suis bien adverty que le bon exemple que leur en avés donné a de beaucoup

servy, dont je vous sçay fort bon gré. J'ay commandé que toutes les depeschesqui despendent de l'exécution des articles qui vous ont esté accordez vous soient faites et délivrées. Pour celle du gouvernement de ma ville de Poictiers, je vous prie, que, sans appréhender que je veuille rien changer de ce que je vous ay promis, vous trouviés bon de remettre à la prendre vous-mesme quand serés par deçà, croyant que ce que j'ay différé pour cest égard n'est qu'à bonnes lins, et que vous en demeurerés satisfaict et content; et afin que ce soit d'autant plus proche, je vous prie d'advancer vostre voyage le plus que vous pourrés, et ce pendant de faire acheminer tousjours d'avance le régiment que vous avés par delà, sur le chemin de Lyon, afin qu'il soit tout porté sur le lieu quand je passeray, qui sera bientost, faisant estât de partir au plus tard dans quinze jours. J'ay assemblé quelques moyens pour les despenses de mon voyage et des forces que je mené avec moy. Je fais bien estât que vous m'y accompagnerés, et vous prie de me venir prendre jusqu'icy. J'ay bonne opinion que mon cousin le duc de Guise sera aussy de la partie, car je vois ses affaires comme résolues. Cela estant, je fauray icy incontinent. Je ne vous recommande point l'ordre que vous aurés à establir au dict Poictiers avant vostre partement, et que toutes choses y soient en tranquillité et repos, parce que je m'asseure que vous y aurés assez de soing. Je ne vous diray point aussy de nos nouvelles de deçà, pour vous croistre l'envie de les bien entendre jusque sur le lieu, où vous pouvés estre asseuré que vous serés très bien receu. Sur ce, je prie Dieu, mon Cousin, vous avoir en sa saincte garde. Escript à Paris, le vj*^ octobre i 69^.

HENRY

Cop. — A Londres, State paper office. Mss. France. Transcription de M. Lengiet.

[A M. DE BEAUVOIR

Mons' de Beauvoir, J'ay faict response à vos lettres du xix® et \\f du mois d'aoust et du 1" septembre, par celles que je vous ay es-

DE HENRI JV. 223

criptes depuis hiiict jours. Depuis, j'ay continuellement travaillé à trouver des moyens de faire partir mon cousin le duc de Montpensier, pour le faire aller en Bretagne avec les gens de guerre destinez pour cest effect, qui sont tout prests, suivant nos promesses, auxquels je désire (et m'est encore plus nécessaire pour le bien de mes affaires) de satisfaire; mais il ne m'a esté jusqu'à présent possible de vaincre les difficultez qui s'y sont présentées, qui ne procèdent, je vous asseure, que de faulte d'argent, tant pour faire les dictes forces (entre lesquelles est le régiment de Suisses du colonnel Heit, composé de mil ou douze cens soldats, lesquels veulent estre, selon la coustume de ceste nation, asseurez de leur solde devant que de partir, mesmes quand il est question de servir hors de auprès de moy) que pour servir aux despenses de la personne et suite de mon dict cousin, lequel les a faictes si grandes durant tous ces troubles et incommoditez, desquels ses biens se sont ressentys comme les aultres, qu'il ne peut de luy-mesme y fournir, et faut par raison et nécessité que je luy aide. Pour ce faire, il a esté mis en avant certaines inventions de faire deniers, lesquelles comme elles ne peuvent qu'elles n'apportent quelque surcharge et incommodité à mes peuples , et qu'il faut aussy qu'elles soient approuvées et authorisées par mes courts de parlement, pom\ suivant les formes du Royaume, les mieux faire recepvoir et valoir, je y ay trouvé plus de longueur et de peine que je ne m'attendois et que le bien de mon service ne requiert, non par faulte d'affection de la part de mes officiers, mais à cause de la pauvreté du peuple, qui s'est plus recogneue et ressentye depuis ces prosperitez dernières que Dieu m'a données, que chascim a peu respirer et prendre haleine, des maux passez, que devant. Joinct qu'il m'a fallu que je me sois chargé de payer plusieurs grandes sommes de deniers pour acquérir et contenter les villes et gouverneurs qui ont abandonné mes ennemys et se sont rangez à mon service. Au moyen de quoy, j'ay advisé, pour ne retarder davantage l'acheminement des dicts gens de guerre, Suisses et François, destinez pour aller servir au pays de Bretagne, qui sont tous prests (comme je serois forcé de faire si j'attendois le partement

de mon cousin le duc de Montpensier) , de les renvoyer devant soubs la conduicle du s' de S'-Luc, pour le voyage duquel, comme il faudra moins d'argent que pour celuy de mon cousin, il sera plus facile aussy d'y fournir que à Fauitre. Quoy faisant, mon cousin le mareschal d'Aumont, lequel a desjà de bonnes troupes avec luy, en sera tant plus tost secouru et renforcé, et pourra employer avec le dict s' de S*- Luc la belle saison qui nous reste de ceste année pour exécuter l'entreprise sur le fort de Brest, qui a esté résolue pour le bien comnmn de nos affaires; et si la Royne, madame ma bonne sœur et cousine, juge à propos et veuille que mon cousin le duc de Montpensier suive les dictes forces et aille encore au dict pays, c'est cliose qu'il pourra faire après plus commodément. Ce pendant je me serviray icy de sa présence pour m'assister aux affaires qui s'offrent, où elle m'est très nécessaire; car il s'y fait encore des menées qui ne me laissent de repos , qui ont besoin d'un contrepoids , à quoy mon cousin le duc de Montpensier me peut servir plus que nul aultre , pour sa qualité et l'affection qu'il me porte, comme j'ay plus particulièrement dict à l'agent de la dicte dame.

Partant, je vous prie faire trouver bon à la Royne, madame ma bonne sœur, son retardement et sa demeure auprès de moy, comme chose à laquelle j'ay esté contrainct de me resouldre pour les raisons sus dictes, et principalement pour la dernière que vous luy dires, encores confidemment, comme à la personne du monde que j'honore le plus, dont je désire conserver plus chèrement la bonne grâce et ay plus souvent esprouvé l'amitié. Mon cousin m"" le mareschal d'Aumont, ayant desjà recueilly et mis en besogne les gens de guerre qu'elle a envoyez au dict pays de Bretagne assez heureusement, continuera à y faire tel debvoir que je me promets qu'elle en demeurera contente, comme je le suis avec grande raison du secours qu'il luy a pieu m'y donner, par le moyen duquel j'ay sceu que le duc de Mercure ^ a esté

* Cette orthographe bizarre du nom de mes ou manuscrits, tient à la prononcia- Mercœur, telle qu'on la trouve dans le plus tion, alors usitée, de plusieurs mots tergrand nombre des écrits du temps , impri- minés en eur. Tallemant des Réaux dit de

contrainct, après s'estre approché de Morlais pour secourir le chasteau, de se retirer; de sorte que j'estime que mon dict cousin le mareschal s'en sera depuis rendu maistre , dont j'attends tous les jours la certitude. Davantage, quand le dicl s"^ de S -Luc sera arrivé, il renforcera encore la partie avec les Suisses et François qu'il y conduira; de façon qu'il ne demeurera rien à y exécuter de ce que nous desirons. Quoy voyant et craignant, le dict duc de Mercure, il m'a faict demander une trefve par la Royne ma belle-sœur et la sienne^, qui est par delà, que j'ay refusée, et vous asseure qu'il ne se passera rien pour ce regard que je n'en advertisse la dicte dame Royne ^, pour le respect que je luy porte.

Au demeurant, m'ayant esté remonstré par vostre lils l'extresme besoing qu'ont vos affaires domestiques que vous faciès un voyage par deçà de trois ou quatre mois, pour y donner quelque ordre, et désirant vostre bien et contentement, je trouve bon que vouspreniés congé de la Royne , madame ma bonne sœur, pour ce faire , l'asseurant de vostre brief retour; et combien que vostre présence soit très nécessaire par delà, pour le bien de mon service, toutesfois je vous asseure que je seray très aise de vous veoir, et que serés le très bien venu. Vous laisserés par delà quelqu'un des vostres, pour m'advertir de ce qui adviendra et recepvoir vos commandemens. Vostre homme est demeuré icy, afin de recepvoir quelque argent pour faire les frais de vostre voyage , ayant commandé à ceulx de mon conseil d'y pourveoir, comme j'espère qu'ils pourront faire dans quatre ou cinq jours. Je prie Dieu, Mons"^ de Beauvoir, qu'il vous ayt en sa saincte et digne garde. Escript

à Paris, le vij'^jour d'octobre iSgà-

HENRY

Malherbe -.«Il ne vouloil point qu'on rimât * C'est-àdire, ma belle-sœur et sa sœur,

sur bonheur ni sur malheur, parce que les ^ Il ne s'agit plus là de la reine Louise,

Parisiens n'en prononcent que l'it, comme dont il vient d'être question en dernier,

s'il y avait bonhur, malhur. » {Historiettes , mais d'Elisabeth, t. 1, p. 267, édition in- 12.)

Orig.

Arch. de M. le marquis de Solages, à Craniaux (Tarn).

Fmprimé. — Hist. généalog, des pairs de France, etc. par Couucelles, t. II, art. de Soliijjes, p. 17.