VERS LE 1 2 DÉCEMBRE

Minute. — B. R. Fonds Saint Germain HaHay, Ms. 1 187, fol. 2 34 recto.

[A M. DE BELLIÈVRE

Mons' de Bellievre, Vos lettres du xviij^ du mois de novembre ont passé par les mains de mes ennemys à la Fere, qui les m'ont renvoyées ouvertes, plus, comme vous pouvés croire, pour me faire déplaisir que pour me faire service, car ils ont veu que je ne pouvois apprendre par icelles que une extresme nécessité que mes affaires et mes provinces de delà ont de ma présence, où ces gens de deçà voudroient que je

276 I.ETTHES MISSIVES

feiisse , il y a long temps , pour exécuter leurs desseings et employer leur armée, qui leur a esté jusques à présent inutile pour ceste seule cause, comme j'ay encores mieulx recogneu depuis que je suis en ce pays, que je ne faisois de plus loin. Mais j'ay receu celle du xxvij* du dict moys bien seurement; et comme elle est plus particulière et importante que Taultre, j'ay eu à plaisir qu'elle soit arrivée à bon port avec celle de mon cousin le Connestable , et les aultres qui les accompagnoient. Or maintenant que j'ay donné quelque ordre à la seureté de ceste frontière, vous pouvés faire estât certain que vous me verres bien tost par delà, si à mon retour à Paris, je trouve de quoy pouvoir partir et me desfrayer par les chemins; car je n'y veulx sesjourner que autant de temps qu'il en faudra employer à faire ceste provision, laquelle je m'attends de trouver bien advancée , puisque mon cousin le mareschal de Biron est party pour aller prendre l'armée et la mener en Bourgongne; car c'est l'un des principaulx points d'icelle, et ne fault pas que vous ny mes autres serviteurs croyiés que je suis demeuré en ces quartiers par les artiffices et traverses de mes dicts ennemys. Car je n'ay pas accoustumé de m'y arrester, sinon autant que je cognois qu'il est nécessaire pour le bien de mon service. Mais ma venue icy estoit tant [nécessaire] que si je m'en feusse esloigné sans icelle, j'eusse esté contrainct de rebrousser à my-cbemin, au lieu que y ayant estably l'ordre qu'il m'est possible d'y donner, j'entreprendray, après, l'aultre voyage bien plus gaiement et seui^ement. Je m'en vais doncques à Amiens et Abbeville poiu* y mettre la dernière main; quoy faict, je m'en iray à grandes traites à Paris, où je demeureray le moins qu'il me sera possible. Je ne vous veulx escrire vec plus de certitude le temps de mon partement, d'autant qu'il despend des moyens que j'auray de le faire; mais croyés, Mons"" de Bellievre, que j'ay encores plus grande envie de m'advancer que nul autre, et n'y perdray plus de temps; car encores que la présence de mon cousin le Connestable soit très utile par delà, et que, s'il en partoit, je sçay qu'il desespereroit tout le pays, toutesfois n'estant assez fort pour résister à l'armée ennemye quand elle arrivera, je cognois

DE HENRT IV. 277

bien que il ne m'y peut faire le service qu'il désire et dont mes affaires et subjects ont besoin. Mais comme en semblables occasions vous sçavés que souvent nous ne pouvons y apporter le remède qu'il est nécessaire , il fault aussy se resouldi^e et contenter de celuy qui est en nostre puissance, suivant quoy je désire que mon cousin ne parte maintenant du pays. Je l'en prie par la lettre que je luy escris, et vous par celle-cy de y tenir la main et le y conforter d'autant que vous aimés le contentement et le bien du service de vostre bon maistre. Voilà mon armée qui s'y achemine soubs la conduite du dict mareschal de Biron, de laquelle il sera fortiffié et assisté, en attendant mon arrivée, et je advanceray, comme vous ay predict, tant qu'il me sera possible.

Ce pendant mettes peine de faire patienter ma ville de Lyon et la contenir en obéissance; où j'eusse esté bien ayse de pouvoir arriver à temps pour me trouver au changement des eschevins et magistrats. Mais puisqu'il est monstre impossible , je leur escris qu'ils en sm'seoient l'élection jusques à mon arrivée. A quoy je vous prie les faire respondre, car, à vous dire la vérité, je crains qu'ils en élisent d'autres qui ne me soient si asseurez que sont ceulx qui servent de présent, et. comme les dicts magistrats y ont maintenant tout pouvoir, que cela soit cause d'y empirer les affaires; lesquelles il fault mettre peine de contenir, pour le moins en Testât qu'elles sont, jusques à mon arrivée. Je vous prie continuer aussy à faire le semblable pour la province , où ce n'a esté peu faict d'avoir faict prolonger la trefve jusques à la fin de ceste année; mais [advisés], s'il est possible, qu'elle le soit encores pour trois mois de plus, affin que j'aye loisir de pourveoir aux maulx qui y sont, au contentement d'un chacun. J'en prie mon cousin le Connestable, par ma lettre, afin que il y continue ses bons offices, comme je siùs très asseuré que vous n'y espargnerés ceulx qui despendront de vous; et me semble que ceste guerre de religion, dont vostre lettre faict mention, seroit aujourd'luiy aussy mal receue que fondée si elle estoit mise en jeu, puisque je suis catholique et que nous en avons commencé par deçà une d'Estat , qui discernera, encores

plus clairement que les précédentes, les traistres d'avec les gens de bien. Et s'il s'en trouve d'assez malheureux que de s'attacher à ce prétexte, j'espère en Dieu qu'il me fera la grâce de les rendre aussy honteux que les aultres; vous voulant bien dire que je serois très marry que cella advînt, et que je feray tout ce que je pourray pour l'esviter, ainsy que je désire que facent tous mes bons serviteurs. Mais quand il adviendra, je n'en seray plus estonné que j'ay esté de tout le passé, me confiant en Dieii, qui cognoist la justice de ma cause, et en l'affeclion et fidélité de mes bons serviteurs, desquels je sçay bien que je ne seray abandonné. Toutesfois je suis très marry de ces mandemens depeschez par mon cousin le duc d'Espernon et le s"" de Lesdiguieres, qui les ont aigrys davantage. Mettes peine d'y apporter quelque remède et en priés aussy mon cousin le Connestable , de l'affection duquel j'ay telle asseurance, que je croy fermement que il n'y espargnera chose aucune qui soit en son pouvoir. Si tost que je seray arrivé à Paris, je depescheray quelqu'un vers eulx, par lequel je vous escriray et feray sçavoir mon intention, tant sur les dicts mandemens que sur tout ce qui les concerne , affin d'y apporter quelque tempérament qui les puisse retenir et contenter, en attendant que ma présence face le reste.

Au demom-ant, le s"" Jeronime de Gondy m'a fait advertir avoir envoyé commission à Lyon, pour vous faire donner douze ou quinze mil escuz sur la somme que vous sçavés qui me doibt estre fournye de ce costé-là , pour employer au secours de Basqueras ; et parce que vous ne m'avés point mandé que vous vous en soyés servy, je veulx croire que ils seront encores en leur entier, comme je désire et vous prie les y conserver, car je n'ay point d'aultre argent pour payer mes Suisses, et les retenir auprès de moy quand je seray par delà, que cestuy-là , auquel l'on ne pourroit faire bresche sans m'incommoder grandement. Je vous prie doncques d'en avoir le soing que vous avés accoustumé de apporter à tout ce qui importe à mon service et vous est recommandé de moy. Je ne vous diray rien par ceste-cy de la poursuirte que font les Suisses pour le paiement de ce qui leur

DE lIEiM\I IV. 279

estdeub, des ambassadeurs qu'ils vous ont dict vouloir envoyer devers moy, non plus que de la venue par deçà de ceulx de la republique de Venise, d'autant que je vous en ay escript mon intention bien particulièrement par mes dernières, qui ont esté faictes douilles. Je prie Dieu, Mons"" de Bellievre, qu'il vous ayt en sa saincte et digne garde.

HENRY

1 594. — 1 Ix DÉCEMBRE.

Cop. — CoHection de feu M. Auguis.

Imprimé. — Histoire du Poitou, par Thibaddeau , t. V, p. 220.