FINANCES DE NAVARRE ET ANTIEN DOMAINE

Mons' du Plessis , Vous sçavés comme j'ay donné à ma sœur tous les deniers résultats et revenus de mes domaines et terres de Flandres, de quelque nature que ce soit, deubs et escheus de toutes les années passées, jusques et compris l'année mil cinq cens quatre-vingtdouze, par qui et pour quelque cause que ce soit; laquelle en recognoissance des anciens services que Pomereu, trésorier et recepveur gênerai des dicts domaines, terres et rev.enus, a faicts à nostre maison , elle luy a, par ses lettres du vingt-septiesme novembre dernier, quitté

304 LETTRES iMISSIVES

et remis ce qu'il pouvoit eslre chargé et tenu par les souffrances de ses comptes de toutes les dictes années : desquelles soufîrances et des charges portées par icelles elle l'a entièrement deschargé, sans qu'il soit tenu faire aucunes poursuictes et diligence pour le restablissenienl des dictes souffrances, que celles par luy jà faictes, et aux charges et conditions portées par les dictes lettres. Par lesquelles ma dicte sœur m'ayant supplié les luy valider et autoriser, comme elle m'en a encores verbalement faict instante prière et requeste, je luy aurois sur ce octroyé les miennes du neufviesme janvier dernier; lesquelles, pour l'absence de mon sceau de Navarre, et du s' de CaUignon, chancelier du dict Navarre , je luy aurois faict expédier soubs le scel de mon secret et signées de ma propre main. Et pour ce qu'il est nécessaire qu'elles soient par vous visées, avant que de les présenter à la chambre de mes comptes de la Fere , où elles sont adressantes , j'ay bien voulu , en accompaignant celles que ma dicte sœur vous escript en faveur du dict de Pomereu, vous en faire encores ce mot de recommandation, par la présente ; affin que vous n'y faciès point de difficulté , et que ma dicte sœur en reçoive contentement, et le dict de Pomereu une partie de la gratification et bien qu'elle et moy desirons luy faire , en recognoissance de ses antiens services, par luy faicts à nos prédécesseurs roys et roynes de Navarre : et m'asseurant que vous vous conformerés à ce qui est de nostre volonté, je prieray le Créateur vous avoir, Mons"" Du Plessis, en sa saincte et digne garde. Escript à Paris,

le xij^jour de feb\Tier lÔgS.

HENRY

DE LOMEME.

* Faictes ce dont je vous escris, et vous ferés chose qui me sera fort agréable et à ma seur.

' Post-scriptum de la main du Roi.

Orig. — Arch. de la ville de Metz. Envoi de M. Clercx de Bellelanclie, archiviste.