A LA REINE DOUAIRIÈRE

Madame , Quand il vous a pieu prendre la peine d'entreprendre le voyage de Bretaigne , si j'eusse jugé que mon cousin le duc de Mercœur, vostre frère, eut esté aussy peu disposé à la paix comme il a faict cognoistre par ce qui a esté traicté par les siens à la conférence , je vous eusse priée instamment de ne faire le dict voyage, pour les incommoditez qu'avés receues en iceluy. Vostre bonne affection en mon endroict et le désir que j'ay eu de voir réussir quelque fruict du dict traicté ont esté l'occasion de vostre dict voyage, duquel je ne vous suis iuoins obligé que s'il eust reussy à vostre contentement et au mien. Je sçais , Madame , combien vous avés apporté de vostre prudence et dextérité accoustumée, pour advancerle dict traicté, et que si mon dict cousin eust creu vos conseils et prudens advis, que l'issue du traicté eust esté plus heureuse que je ne la prévois. Dieu cognoist l'intérieur de nos cœurs et est le vray juge de nos intentions : la sincérité des miennes lui estant cogneue , j'espère que, par sa bonté, il en fera redonder le fruict sur tous mes subjects, le repos et le soulagement desquels je désire plus que chose du monde. Qui me faict d'autant plus recevoir avec desplaisir la rupture de la dicte conférence, ainsy que je la prévois, par ce qui m'a esté représenté par la dernière despesche que j'ay receue de mes depputez. J'ay beaucoup de contentement en moy-mesme que chacun cognoisse combien je désire la paix, et que j'ay apporté en ceste occasion tout ce que j'ay peu pour l'advancement d'icelle. Je sçais. Madame, que vous y avés apporté de vostre part tout ce qui estoit requis, pour aider à prendre une bonne resolution; ce qui ne se peut faire, puisque mon dict cousin, au lieu d'y

' La date nous est fournie par l'édition de la correspondance de Mornay, où nous puisons cette lettre.

apporter ce qui despend de luy, fait proposer de jour en jour de nouvelles diffîcultez, qui sont propres pour prolonger la dicte conférence, et non pour la terminer par quelque bon accord. L'estat de mes affaires ne peut permettre que mes dicts depputez s'amusent dadvantage par delà. Ils y ont trop perdu de lemps; vous, Madame, y avés receu trop d'incommoditcz : qui me faict désirer que mes dicts depputez s'en reviennent me trouver, si dans le premierjour d'apvril ils ne cognoissent les depputez de mon dict cousin plus disposez à prendre une bonne resolution pour la paix ; vous priant aussy. Madame , de quitter la demeure d'Ancenis et n'incommoder davantage vostre santé, vos affaires; remettant à vous remercier de tant de peines qu'avés prises à mon occasion, au temps que j'auray le contentement de vous voir; vous priant croire que j'auray cependant une continuelle volonté de m'en [revencher] en tout ce que je pourray pour vostre contentement : et je prie Dieu qu'il vous veuille donner, Madame, en santé, bonne et longue vie.

Vostre bon frere,

HENRY

Orig. — Arch. de Médicis, légation française, liasse 3. Copie transmise par M. le ministre

de France à Florence.

A MONS-^ DE GONDY