A MONS» DE CHASSINCOURT

Mons' de Ghassincoiut, Je suis en grand'peine de n'avoir aulcune nouvelle de vous, depuis le s' de Buzanval; car les allarmes croissent et les e£Fects s'en voyent en divers lieux, et ce pendant je demeure suspendu, ne recevant poinct commandement de Sa Majesté de ce que j'ay à faire. Et pouvés penser quel desplaisir ce me peut estre de voir passer tous les jours devant mesyeulx des choses contre son service, que je pourrois fort aisément rompre, et auxquelles je suis contraint de conniver, faute d'estre instruict de son intention, comme il le m'avoit faict espérer. D'ailleurs j'ay un aultre grief qui ne me presse gueres moins : c'est qu'il y en a qui prennent plaisir à tenir les villes et la Noblesse en défiance de moy, par tous les artifices qu'ils y peuvent employer; et d'autant plus qu'ib les voyent enclins à s'approcher de moy, pour l'asseurance qu'ils ont et doivent raisonnablement avoir qu'en ce remuement nul ne doibt estre plus affectionné au service

Du ROI DE NAVARRE. 25

de Sa Majesté que moy, qui de nature ne puis estre autre. Je voy clairement à quelle fin cela se fait, et le porterois plus patiemment s'il se faisoit sans préjudice du service de Sa Majesté. Mais au contraire ie mal croist, et les ennemis se jouent à leur plaisir; et tout, faulte de s^y opposer. Il se levé plusieurs compagnies, par commission et authorité de mons** le mareschal de Matignon, en mon gouvernement. J'en oy aussi peu parler que si je n'estois point gouverneur ; et en somme ù ay de sa part aucune communication des affaires de la Guyenne. Sy m'osé-je promettre que je ne serois inutile au service de Sa Majesté en ces pays; et tout le regret que j'en ay, c'est que je voy périr les occasions qui se pouvoyent mettre à profict, et advenir les inconveniens qu'il estoit facile d'éviter. Ceulx de la Ligue qui voyent cela s'en accouragent, prennent de là argument de conforter leiu^ adherens , leur faisant croire que c'est une farce qui se joue, dont tous les desseins retomberont enfin sur ceux de la Religion; et les choses passées donnent couleur à ceste invention. Ceux de la Religion, d'aultre part, quelque chose qu'on lem* puisse dire, quand ils considèrent qu'en un tel besoin je suis oublié et laissé derrière, et que je demeure comme eux, par conséquent despouillé pendant que chascun s'arme, au lieu de quitter la défiance, la reprennent, qu'en ce temps toutesfois il seroit nécessaire de leur arracher par tous moyens. Parmy tout cela, les perturbateurs font leur affaires, qui aultrement se trouveroyent si foibles et si abandonnés en ces quartiers, qu'ils n'auroyent de quoy fournir leurs places; et ne faudroit que les prevosts des mareschaulx pour les chasser. Faites entendre cela au Roy, car il luy importe : et luy dites que je porte impatiemment de voir à veuê d'œil empirer ses affaires, qui en un moment se pourroyent amender. Et ramentevés luy, Mons** de Chassincourt, que sa personne ne peut estre plus fidèlement desfenduê que par son sang propre , ny son Estât que par ceux qui ne peuvent estre conservés qu'en le conservant. Je ne sçay si en ceste nécessité je me dois plaindre que, sur Testât qui a esté envoyé aux trésoriers généraux de Guyenne, je me trouve des derniers pour ma pension, et, pour le regard de la

compositioa de Perigueux, presque tout le dernier. Tellement que je me voy hors d'espoir d'en toucher im denier ceste année. Remonstrés* le à Sa Majesté, mais selon vostre discrétion; car je ne veux, pas que mes plaintes particulières obscurcissent les publiques. Et au reste mandés^moy, tout au plus tost que pourrés, de vos nouvelles. Geste servira pour mons' de Clervant et pour vous. Je ne luy escris point, par ce que je Testime absent.

Mons"* le mareschal de Matignon m'a faict dire par quelques uns de mes serviteurs, et diverses fois, que tous ces remuëmens pour* royent bien enfin retomber sur moy, et que j'avois à y penser. Ditesle à mons' de Believre, et prenés advis de luy, si vous le devés dire au Roy mon seigneur, car cela me semble importer. Mais ne faites en cest article que ce qu il trouvera bon

[HENRY