HENRY.] 1585. — 17 MAI

Orig. — Biblioth. impér. de Saint -Pétenboarg, Ms. 915, lettre n* 37. Copie trantmise par

M. Allier, correspondant du ministère de Tlnstroction publique.

Cop. — B. R. Soppl. fr. Ms. 1009-4.

Imprimé. -— Mémoires de messire Plùlippes de Momay» ieigneur du PUssu Mariip etc. t. I, p. 4 1 4.

Édit. de La Forest, lôsS, în-4*.

AU ROY, MON SOUVERAIN SEIGNEUR

* Monseigneur, J'ay receu celle qui a pieu à Vostre Majesté m'escrire du viij* de ce mois. Je vous supplie très humblement, Monsei-

^ « Dressée par M. du Plessis. » (Mém. d$ Momay. ]

gneur, croire que je n ay ny n'auray jamais rien plus proche que l'obeissance de vos commandemens, quand mesmes il iroit de ma propre vie. Mais aussy m'asseuré*-je, Monseigneiu*, que vous n'entendes pas que ceuk qui ont entrepris contre votre Estât , attentent tout ce qu il leur plaira, impuneement, et moins encor qu'ils abusent de la très humble obéissance que je vous désire rendre, à ma ruine, et peutestre aussy à vostre dommage.. Ils ne cèlent point en tous leurs discours , tant publics que privez , qu'ils «ont armez pour exterminer vos très humbles subjects de la Religion , et que particulièrement ils en veulent à ma personne ; encor que toutes personnes d'entendement ont assés de quoy juger que ce ne leur est qu'un prétexte pour acheminer leurs desseins contre l'Estat de Vostre Majesté. Tous les jours aussy se descouvrent entreprises sur les villes habitées par les dicts de la Religion; et plusieurs maisons de gentils-hommes, en diverses provinces, ont esté par eux violemment saisies; et tout fraischement ils ont assailly mon chasteau de l'Isle en Jourdan , où les eschelles et quelques armes sont demeurées pour preuve de l'entreprise^ Vostre Majesté, Monseigneur, peut considérer si ces occasions ont esté suffisantes pour mettre en allarme vos dicts subjects de la Religion, et pour les &ire penser à leur conservation ; mesmes quand ils ont veu que les troupes des perturbateurs se levoient et marbhoient partout ouvertement, sans contredict, et qu'elles passoient à leurs portes, sans qu'il leur iust permis de s'opposer,' et sans que d'ailleurs on leur donnast aulcun empeschement, comme si elles eussent esté sacrées. Ce nonobstant, Monseigneur, j'y ay donné tel ordre, préférant peutestre l'obéissance de vos commandemens au besoin de vostre service, que jusques icy il n'a bougé personne des dicts de la Religion, sur Tasseurance que je leur ay donnée que Vostre Majesté sçauroit bien pourveoir à la repression de ses ennemis, et à leur conservation tout ensemble. Ce qui les a mis principalement en peine, Monseigneur, et qui est une difficulté que je ne leur puis bonnement soiddre , c'est la voix commune, mesmes de vos principaulx officiers es villes et provinces de deçà, qui ne feignent de dire que ces troubles se pacifie-

ront à leurs despens, et retomberont enfin dessus leurs testes; que les choses en sont des-jà si avant, qu'ils les font tenir comme faictes et conclues. Ce qui leur est d'aultant plus aisé de croire, qu^ils ne voient aulcune opposition aux desseins des dicts perturbateurs, et que d'ailleurs ils sçavent que, de tout ce qui s'est traicté ou pourparlé jusques icy avec les dicts de la Ligue, Je n'en ay aulcune communication ny cognoissance de la part de Vostre Majesté, ny de ses ministres de deçà, desquels je pense, pour ce regard, avoir à. me plaindre; moy, toutesfois, Monseigneur, à l'ombre duquel vos ennemis cerchent la ruine de vostre Estât, et qui, plus qu'aulcun aultre, doibs ressentir la mienne en la vostre. Et ne vous celeray. Monseigneur, que des-jà le bruit est partout qu'on leiu* consent la revocation de vostre edict de pacification; ce que j'ay bien de la peine à les empescher de croire, leur remonstrant qu'il n'y a pas d'apparence que Vostre Majesté voulust contenter des estrangers aux despens des princes qui ont cest honneur de le toucher de si prés , ny rachepter la paix avec ceux qui troublent vostre Estât , au dommage de ceulx qui ne désirent que trainer leur vie sous l'obéissance de vos edicts. C'est pourquoy. Monseigneur, pour retenir et contenir plus aiseement vos dicts subjects de la Religion, j'ay pensé de les occuper en leur permettant de reparer et fortifier leurs villes : ce qui se faict en la plupart des lieux, non seulement sans contraincte, mais mesme de gré à gré, et avec l'allégresse du peuple et des circon voisins, qui pensent travailler pour la conservation de leurs propres vies; et avec tel ordre, au reste, et si peu de foule d'im chascun, que je m'asseure que Vostre Majesté, en estant bien informée, en auroit contentement.

A ce propos, j'ay à me plaindre à Vostre Majesté d'aulcuns auxquels vous avés donné charge de vous mener des forces par delà pour vostre service, qui s'excusent, ou de ne vous aller trouver, ou de ne vous mener telles troupes qu'ils auroient promis^ sous ombre des remuêmens qu'ils disent craindre de ceux de la Religion. Je ne sçay. Monseigneur, si ce seroient peut-estre personnes mal affectionnées à vostre service , telles que vous en avés recogneu assés d'aultres, en ces

demiefs remuêmens, qui vous serviront, ou avec moins de fidélité, ou avec moins d'ardeur que vous n'avés attendu d'eux ; mais j'oseray encor un coup vous respondre que de la part de vos dicts subjects de la Religion , il ne s'est fait jusques icy et ne se prépare pour Tadvenir, remuement quelconque, ny en gênerai, ny en particulier; encor qu'à la vérité tous sont en une juste allarme, et de ce qu'ils voyent et de ce qu'ils oyent; si on n'appelle remuêmens quelques remuêmens de terre, qui se font pour leur deifense , et pour le regret qu'ils auroient de tomber es mains des ennemis de vostre Estât. Au reste , Monsei^ gneur, me voyant environné de toutes parts des ennemis de Vostre Majesté , j'ay mandé prés de moy ma compagnie , pour estre plus prés à vous faire service, quand je recevray vos commandemens ; au payement de laquelle je supplie très humblement Vostre Majesté vouloir commander qu'il soit pourveu, comme aussy au payement des garnisons des villes de seureté de cesie province, selon qu'il pleut à Vostre Majesté le leur accorder dés le dixiesme décembre; lesquelles, depuis ce temps, n'ont receu qu'un mois, et dés lors leur en estoit deu presque une année. J'aurois regret, Monseigneur, qu'à faulte de payement, elles fissent quelque desordre ; désirant au contraire que tout ce que je suis et que je puis soit un exemple d'obéissance et de debvoir en tout ce qui concerne le contentement particulier de Vostre Majesté, et le bien de vostre service. Et pour ce, Monseigneur, je supplie très humblement Vostre Majesté de m'y ayder, en commandant les expéditions nécessaires à nos dictes fins.

Monseigneur, Je finiray en suppliant le Créateur qu'il donne à Vostre Majesté bonne et longue vie, et prospérité en tous ses affaires. De Bergerac, le xvij* de may i586 ^.

Vostre très humble et très obéissant subject et serviteur,

HENRY

* D après les comptes de sa petite écurie, le roi de Navarre séjourna, œtte année , À Bergerac, du i" au aS mai.

Orig. — Arch. de M. le comte H. C. de Meslon. Envoi de M. le lecréteire gén^l du défieneinent

de le Giroode.