A DIVERS PRINCES

Monsieur, Je pense que vous aurés esté suffisanunent informé de ces nouveaulx remuèmens que ceulx de la maison de Lorraine ont suscitez depuis quelques mois en ce Royaume ; prétendant sans doubte par iceulx la ruine et discipation de cest Estât; sans laquelle ils sçavent très bien qu'ils ne peuvent parvenir à leurs imaginations. Ce sont choses, Monsieur, que j'estime vous estre cogneuës; car il n'a pas tenu à eux qu'ils n en ayent abbreuvé toute la Chrestienté. Et pour ce , ne m'est besoing de les vous déclarer plus spécialement. Tant y a, qu'à l'occasion des sus-dicts remuèmens, de quelque prétexte qu'ils 5e soyent voulu couvrir, ils ont esté recognus et déclarez par le Roy mon seigneur, criminels de leze-majesté et perturbateurs de son Estât. Et en ceste qualité a ordonné à tous ses lieutenans generaulx, courts de parlement et officiers, de leur courre sus, tant par force ouverte que par rigueur de justice, dont sont ensuivis quelques exploicts d'armes et plusieurs arrests dans ses courts souveraines; et partie d'iceulx ont esté mesmes exécutez. Vous avés aussi esté bien adverty, Monsieur, comme entre leurs prétextes ils m'avoient directement pris à partie à divers titres. Chose non nouvelle de leur part, ayant de long temps ceulx de ceste maison travaillé à la ruine des princes du sang de ce Royaulme, entre lesquels je tiens aujourd'huy le premier lieu. Et aussi esperé-je que vous aurés entendu les protestations que j'ay faictes au Roy mon dict seigneur, par certaine déclaration que je luy ay envoiée, escripte et signée de ma main , pour leur oster toute occasion de le troubler. Ils objectoient la religion dont je fais profession : y ayant esté nourri et instruict dés ma jeunesse, j'estime. Monsieur, que nul ne doibt

^ Date fournie par Mornay. dition de Mornay ajoute en marge : « Ma-

' Au titre de cette lettre circulaire, Té- tatis matandis, par M. de Qervant •

requérir de moy, qu'à leur appétit je force ma conscience. Mais je me suis soumis à un concile, que j'ay prié Sa Majesté de moyenner, promettant d'acquiescer à ce qui y sera dict. Ils proposoient aussi quelques griefs touchant l'administration de cest Estât; je m'en suis remis à une assemblée des trois Estats, selon les statuts de ce Royaume, quand il plaira au Roy mon seigneur la convoquer. Au reste, Monsieur, de ce qu'ils pretendoient contre mon particulier, pour oster Sa Majesté de peine, je l'ay requise très instamment de nous laisser demesler ceste querelle, ou de leurs forces aux miennes, ou, pourabbreger la misère du peuple, de ma personne à celle du sieur de Guise, ou de plus à plus, comme il voudra, soit dedans soit dehors ce Royaume, en lieu de libre accez, nonobstant l'inégalité et disproportion qui est trop manifeste entre nous. Je pense. Monsieur, que vous jugerés toutes ces offres équitables, ne pouvant, à mon advis, faire plus cbrestiennement que de me sousmettre au jugement de l'Eglise en ce qui concerne ma religion; ny plus raisonnablement que de me ranger aux loix et statuts de ce Royaume, encore que ce n'est aux estrangers d'en cercher la reformation; ny plus honorablement que de descendre au-dessous de moy pour m'esgaler à eux, estant mesme déclarez ennemis de cest Estât, et se déclarant les miens, comme ils ont faict de gayeté de cœur. Nonobstant, Monsieur, pendant que, pour contenter le Roy, je supporte tout en patience, sans prendre les armes (lors toutesfois que les armes se remuent de toutes parts autour de moy), ils ont tant gaigné, partie par l'ostentation de leurs forces, et partie par la collusion d'aulcuns leurs adherens qui estoient demeurez prés du Roy, qu'ils ont forcé et contrainct Sa Majesté à une paix avec eux, qui m'est convertie à guerre ouverte, et sans doubte, si Dieu n'y pourvoit par sa clémence, en ruine inévitable à cest Estât; une paix faicte avec les estrangers au dommage des princes du sang; avec la maison de Lorraine, aux despens de la maison de France; avec les rebelles, aux despens des plus obeîssans; avec les perturbateurs, aux despens de ceux qui ont racheté la paix publique par toutes les ofires qu'ils ont peu, comme

dessus. Et par là, jugés, Monsieur, combien elle m'est insuportable, voyant aujourd'huy les armes mises en la main des ennemis de cest Estât et les miens , sous le nom du Roy, duqud toutesfois je sçay que les vœux et les soupirs combattent pour moy contre eux, encore que j'en voye led bras avec eux et contre moy.

Or, Monsieur, à une telle violence, faicte au Roy, mon souverain seigneur, faicte à sa maison, à cest Estât, et à moy-mesme, je me suis délibéré de m'opposer de tout mon cœur; et à ceste fin rallier auprès de moy, selon le lieu que je tiens en ce Royaume, tous les bons et vrays François, sans acception ny exception de la Religion, n'estant aujourd'huy question icy que de la défense de l'Estat contre l'usurpation de l'estranger. Me confie aussi que tous les bons alliez et fidèles amis de ceste couronne considéreront le droict et la nécessité de la juste cause que je prends, et ne m'abandonneront en cest endroict. Mais particulièrement , Monsieur, je m'adresse à vous, duquel je cognois l'affection envers le Roy et son Estât, m'asseurant que vous desployerés et employerés volontiers vostre pouvoir, auctorité et moyens pour reprimer les perturbateurs et leurs desseings; sçachant bien aussi combien il importe à tous princes et estats de ne laisser tels exemples d'usurpation à la postérité, et combien sur tout à tous les estats et princes de la Chrestienté, de ne permettre la mutation qu'ils entreprennent en un tel Royaume, qui, depuis tant d'années et de siècles, tient en contrepoids^ toute l'Europe. Or ce-cy me suffira. Seulement, parce que je désire fort que mes actions vous soyent cognuês et approuvées, je vous prie , Monsieur, de prendre la peine de voir ma dedaration susmentionnée , et celle que depuis j'ay &icte sur la paix particulière conclue avec les perturbateurs , au préjudice de la paix et foy publique^. Et sur ce, Monsieur, etc.

[HENRY

^ « Ce mot D*esl pas pour tous. » (Note et protestation du Roy de Navarre, de monde Momay. ) siear le prince de Condé et monsiear le duc ^ Cest la pièce intilulée : Déclaration deMontmorencysurlapaix faicte avec ceux