MARE8CHAL DE FRANGE

Mon Cousin , Ayant sceu comme la volonté et intention du Roy mon seigneur est que les garnisons des villes de seureté soyent payées tant de ce qui leur est deub du passé que pour Tadvenir, et d'aultant qu'elles attendent il y a longtemps ce qui leur a esté ordonné, et ce pendant sou£Brent une grande nécessité qu'elles ne peuvent plus supporter, qui poiuroit estre cause, s'il ne leur est promptement poiu*veu, de les exciter à faire chose qui ne sçauroit tourner qu'à la foule du peuple, dont pourroit advenir de grandes plainctes; j'ay advisé de vous envoyer expressément le s' de la Burthe, mon conseiller et maistre des requestes, pour vous représenter encore mieulx ce faict, et vous pryer, comme je fais bien affectueusement, dy donner ordre promptement, à ce qu'ils puissent toucher ce que Sa Majesté leur a ordonné, ou aultrement y poiu*veoir, qu'on puisse éviter le mal qui se pourroit ensuivre, à faulte de leur payement, selon et ainsy que le dict de la Burthe vous proposera plus particulièrement. Sur lequel me remettant, pour ce regard, je ne vous la feray plus longue que pour vous prier de continuer en l'amitié et bonne volonté, que je m'asseure de vous rendre de plus en plus certain des effects de la mienne; en laquelle je prye Dieu, mon Cou-

* Voyei ci-dessus, lettre du a février i585, 1".

sin, vous avoir en sa saincte garde. De Nerac, ce xxif jour de feb-

vrier ]585.

Vostre bien aflectionné cousin et entier amy,

HENRY

Je vous prye de rechef, mon Cousin, de donner ordre au payement des garnisons.

[ 1585. 2 A FéVBIEB. ]

Orig. autographe. — B. B. Fonds Béthune, Ms. 8834, fol. la recto.