VERS LE MOIS DE FÉVRIER

Orig. autographe. — B. R. Fonds des Cinq-cents de Colbert, Ms. 9, foi. 194.

[AU ROY, MON SOUVERAIN SEIGNEUR

Monseigneur, Je suis contraint par la raison et par les mérites et ancien eage de m' du Ferryer, lequel m*est venu trover et servir en estât de chancelier par le commandement esprés de Vostre Majesté, de vous faire une très humble requeste pour luy : qui est, qu'atendu ses anciens et recommandables services, tant en vos cours de parlemens que autres légations et ambassades, où il a esté employé et a si dignement servy avec honneur et réputation, il vous plaise commander qu'il soit payé de ce qui lui est deu et vérifié en vostre chambre des comptes, non poiu* recompense, mais pour sa dépense, entretenement et argent déboursé , estant à Venise ; et en outre commander que le payement de sa pension de deux mil livres luy soit continué; dont il avoit toujoiu:s esté payé depuis vingt et sept ans, et qui luy a esté par le feu roy François baillée , non poiu* le regard d'auctm estât ou office qu'il eust, mais pour vostre service, qu'il fisten Italie poiu* la reconciliation de feue madame de Ferrare avec son fils, laquelle il amena en France. Ce qui m'en fait parler avec plus de sujet. Monseigneur, outre les considérations de ses mérites et services et de son vieil eage et quil en a esté tousjours payé, jusqu'à ce qu'il est venu auprès de moy, ce qui ne luy devroit nuire, attendu l'honneur que j'ay de vous appartenir dé si prés, ne servir d'occasion de le priver des effects de vostre bonté, mais plus tost luy ayder à estre gratifié de Vostre Majesté , de laquelle il a eu commandement pour y venir; et d'autre part il est de telle intégrité, qu'il vous faict icy service et n'y voudroit estre autrement. Espérant, Monseigneur, que la très humble prière que j'en fais à Vostre Majesté pour le dict sieur du Feryer aura quelque poids envers Elle, outre les considérations de ses mérites et de son eage , me gardera de vous ennuyer de plus longue lettre, si ce

n'est pour prier Dieu , Monseigneur, vouloir longuement et heureusement conserver Vostre Majesté^ et pour la supplier de me vouloir tousjours tenir pour

Son très humble, très obéissant et très fidel sujet et serviteur,

HENRY