AOÛT. — IV

Orig. — Arch. de M. le baron de ScorbUc, à Montauban. Copie transmise par M. Gustave de Glaasade, ooirespondaDt du mmîetère de nnstructioB publique.

A MESS*» DE MON CONSEIL, LES S" DE GRATENX, MON CHANCELIER, DE TERRIDE , DU PLESSIS ET D'ESCORBIAC.

Mess"^, Je vous ay escript ces jours passez les nouvelles que j'avois de nostre secours des estrangers; et maintenant j'ay receu d'aultres lettres par lesquelles j'en suis plus asseuré : que l'armée a commancé de marcher vers la frontière, et que le s"" de Clervaut a mis huict cents arquebusiers dans Auxonne, sur le bruict qui couroit qu'on la vouloit surprendre ou assiéger. Ce qui me faict tant mieulx espérer que Dieu nous aydera. J'ay délibéré aller au devant de l'armée , comme vous ay escript , et auray occasion de faire de la despense extraordinaire, et à ces fins j'ay mandé par-tout qu'on face fonds et provision de deniers le plus qu'il sera possible, pour m'en ayder à ce voyage. J'estime que vous l'aurés faict par delà, ainsy que je vous avois escript; et s'il y reste quelque chose à faire, je vous prieray d'advancer et diligenter sans rien espargner; et faictes que les deniers de toutes les receptes soient promptement assemblez et portez à Mon-

tauban , et les faictes bien garder pour estre tous prests à partir quand je vous manderay, qui sera bientost. Je fais estât que vous aurés une bonne somme pour m^ayder à ce besoing. Je vous prye donc, faictes si bien que je ne sois frustré de mon espérance, et advertissez-moy plus souvent de toutes voz nouvelles, et mesme de ce qu aurez entendu de Languedoc. Sur ce, je prie Dieu, Mess", vous avoir en sa saincte garde. A la Rochelle, ce xxiV^ aoust 1 586.

Vostre très affectioDné maistre et parfaict amy,

HENRY