ARMÉE EN FRANCE

Comme nous avons, dés là première revocation de Fedict de paix, assez particulièrement faict congnoistre , par nostre dicte déclaration et protestation, à tous oeuix qui sont de sain et entier jugement, et qui ne sont prévenus d'«ulcune passion , que le subject de la prinse de nos armes n'a esté que pour garentir et deffendre le Roy, nostre souverain seigneur, nostre maison et tous les bons François de Toppression des ennemis conjurez de ceste couronne et de TEstat, et que nos actions et desportemens contre les assaults et les orages de quatre ou cinq armées que nous avons eues sur les bras pendant Tespace de buit mois et plus, nous servent de certain €t asseurc tesmoignage de nostre intention, n ayant jusques icy opposé contre leurs forces aulcuns moyens contraires, quoique nous en ayons eu les facultez : mais nous

* Il se trouve encore , dans les ardiîves de même date que celle-ci, presque en tout de M . le comte de Meslon , une autre lettre semblable , et adressée égaletneat à Meskin.

sommes tenus dans une guerre défensive , nous renfermans dans nos places sans nous mettre en eampaigne , afin de soulager le peu{Je des misères et des calamitez que causent les gens de guerre, quelque disciplinez qu'ils soient ; comme aussi espérant que nostre patience attiediroit la fureur et la rage de ceulx de la maison de Lorraine « et que ce pendant Sa Majesté recognoistroit la vérité de leurs pernicieux desseings > qui e^t d'exterminer totalement la maison de France, et de parvenir à usurper ce Royaume, jadis si florissant, suivant le plan que leurs prédécesseurs leur ont tracé , et dont les mémoires trouvez entre les papiers pris à Aussonne font foy , oultre les aultres preuves certaines que Von en a d'ailleurs, et que Sa Majesté apr^ l'avoir cognu y apporteroit le remède qu'elle estimeroit le plus nécessaire et le plus salutaire. Malgré cela Sa Majesté, en proie aux artifices des partisans de Geste maison et de la Ligue , se trouve tellement resserrée par les Ligueurs , et leur audace est aecreue à un tel poinct que , depuis trois ou quatre mois , ils ont plusieurs fois et à diverses reprises osé entreprendre contre sa personne et contre la ville capitale de son Royaume, ils ont soulevé et faict armer de nuict la populace, se sont emparez de quatre ou cinq places dans le gouvernement de Picardie , attaqué et défait les troupes que le Roy y envoyoit, afin de conserver les places qu'ils avoient surprinses. Ils ont mesme retenu prisonnier celuy qui condujsoit ce seconrs. Lorsque Sa Majesté les a sommez de luy remettre les places, ils ont commencé à capituler avec Elle, et ont eu l'audace de luy demander Angers et Valence , qu'ils se plaignent qu'on leur a enlevez , comme s'ils y avoient quelques droits. C'est ainsy que Sa Majesté s'est veue forcée , pour acquérir leur amitié , de leur abandonner les places qu'ils luy ont prinses en Picardie , et de leur rendre les prisonniers qui avoient attenté sur Bologne , au lieu d'en faire une punition exemplaire , ainsy que des aucteurs de ces troubles , telle que la meriteroient des criminels de leze-majesté. Par quoy.

Nous, Henry, roy de Navarre, premier prince et pair de France, Henry de Bourbon, prince de Condé, et Henry de Montmorency, premier officier de la couronne et mareschal de France, craignans que

rambitioD démesurée des Ligueurs n'apporte enBn la ruine totale de cest Estât, dont la conservation nous est en singulière recommandation, i laquelle nostre debvoir et le rang qu'il a pieu à Dieu nous y donner, nous oblige, contraincts, k notre trez grand regret, d'employer la force, comme le seul remède et moyen extraordinaire qui puisse apporter quelque soulagement à la France accablée et gémissante soubs le poids de la tyrannie des Ligueurs : déclarons et protestons que les armées que nous sommes déterminez à mettre en campaigne et joindre au secours des alliez et confederez de ce Royaume (tous affectionnez au repos et au bien d'iceluy, ainsy qu'ils en ont donné des tesmoignages certains et asseurez par les ambassadeiurs qu'ils ont depeschez vers Sa Majesté), ne sont poinct pour nous opposer à Sa Majesté, de laquelle nous ferons toujours cognoistre par des effects réels combien nous sommes ses trez humbles, trez obeissans et irez fidèles subjects et serviteurs ; mais pour la deslivrer de l'oppression et de la tyrannie des Lorrains, ses plus cruels ennemys, et lesnostres, luy faire cognoistre l'autorité qu'ils ont usurpée et qu'ils usurpent encores tous les jours ; remettre le Roy en estât d'estre obeï de tous ses subjects, restablir les princes, seigneurs et gentilshommes françois dans les prééminences, le crédit, les honneurs et les dignitez deues à leur rang et à leiu' naissance ; pourvoir, par une assemblée générale et libre de ce Royaume , légitimement convoquée , au soulagement du peuple par l'abolition des imposts dont il est accablé, à destruire une auctorité estrangere, et par là establir une paix ferme et solide dans le Royaume.

Supplions Vostre Majesté d'avoir pour agréable la prinse de noz armes, et de croire que nous ne les prenons que pour luy, pour sa liberté et pour son service ; que nous sommes prêts d'aller La trouver dans tel endroict qu'il luy plaira nous commander. Prions aussy tous roys, princes, seigneurs, gentilshommes, courts depariement, bourgeois, villes et comunautez, tant voisins, alliez que subjects de ceste couronne, de nous vouloir assister et secourir dans une aussy saincte et aussy louable entreprinse, soit de leurs personnes, vivres, armes

ou aultres moyens , afin que notre desseing ne demeure poinct sans exécution, et que la paix, si nécessaire à la France, ne soit poinct retardée par leur négligence.

Déclarons tous ceulx qui s'y opposeront directement ou indirectement, tant ecclésiastiques qu'aultres catholiques, ennemis conjiurez de cest Estât et de la tranquillité de ce Royaume ; protestant les prendre en nostre protection et saulve-garde , et les vouloir maintenir et conserver dans le mesme estât et religion qu'ils sont à présent, ainsy que dans tous leiu:s biens, privilèges et libertez, sans rien innover ni altérer en aulcune façon, ainsi que nous agissons en Guyenne, Languedoc et Daulphiné.

Donné à Fontenay le Comte, le quatorziesme jour de juillet mil

cinq cens quatre-vingt-sept.

HENRY