A MONS» DE WALSINGHAM

Mons' de Walsinghant, Quand ce ne seroit que le tesmoignage que me rendez de la vertu et mérite du chevalier Williams, vous pouvez penser qu^il seroit le trez bien venu , et que je n'en vouldrois faire aidtre enqueste ; mais sa bonne réputation est si cogneue , oultre la singulière affection qu'il fait paroistre en mon endroict, et dont je me sens infiniment obligé , que ce me seroit un trez grand contentement de Tavoir prés de moy, sans Teicuse légitime qu'il a de demeurer avec le seigneur Drak , pour le service qu'il doibt à la Royne vostre souveraine, et en une si bonne expédition ^ Si aidtre commodité se présente de l'amener icy, croyez, Mons' de Walsinghant, que je mettray peine, tant pour Tamour de vous que pour sa valeur, de luy faire tout le bon traictement qu'il me sera possible. Je vous prie faire toujours estât de mon amitié, et croire que je suis

Vostre bien afifectioDBé et meilleur amy,

HENRY

Orig. — Archives de famille de M. le vicomte de Panât, membre de la Chambre des Députés.

A MONS» DE LESTELE,