A MESS" LES MAIRE ET JURATZ DE LA VILLE DE BOURDEAUX

Mess", Par tant tfoccurences et d'occasions qui se présentent, je desirerois vous faire plus souvent entendre de mes nouvelles , et vous tesmoigner le désir et affection que j'ay à vostre bien , repos et conservation. Ce que ne pouvant faire en présence, et envoyant mons^ de la Marsilliere devers mon cousin mons' le mareschal de Matignon, je luy ay recommandé vous voir aussy de ma part et vous représenter mes intentions , avec quelques particularitez convenables aux ofiBciers que je présente. Je vous prie, Mess", le vouloir bien ouïr et croire , et à Dieu qu'il vous ayt en sa saincte et digne garde. De Bergerac, ce

dernier avril i585.

Vostre bien bon amy,

HENRY

[1585. — AVRILS] Orig. autographe. — Collection de M. Cintrai. Copie traosmiae par M. Feuillet de Conches.

A MONS* DE SAINCT GENYES

Mons' de SainctGenyes, J'ay veu Tordre qu'avés donné par delà, dont j'ay receu beaucoup de contentement. Puisqu'il n'y a rien qui remue en Espaigne, je suis d'advis que ma sœur ne bouge, comme je luy ay mandé. Quant aux fortifications, je pense qu'il faudra perdre la basse-court pour sauver la maison, à plus forte raison le viUage. Je vous prye m'advertir souvent de tout ce que poiurrés descouvrir de delà, et pourvoir à tout ce que cognoistrés estre nécessaire, selon la confiance qu'a en vous

Vostre bien bon maistre et meilleur amy,

HENRY

* Date fournie par une note, dSine écriture du xvi* siècle, sur longinal.

Orig. — B. R. Fonds Bélbune, Ms. 8859, fol. Sg recto. Cop. ~ B. R. Suppl. fr. Ms. 1000-4.

A MON œUSIN MONS* DE MATIGNON,

MARESCHAL DE FBANGE

Mon Cousin, Je pense que la Marsilliere, que je vous ay envoyé, vous aura faict plaincte de la prinse d'ung marchand de la Religion, qui est d'Escassefort \ nommé Léonard Brimer» qui iust prins sabmedy dernier, auprès de Marmande , par le capitaine des Claux de Roquebrunne ; et le tient encores prisonnier sans qu'il le veuille eslargir, qu'il n'en ayt quelque rançon. Vous pouvés juger la conséquence que tels actes peuvent apporter, qui me faict vous prier d'escrire au dict des Claux pour son eslargissement : ce que m'asseiu^nt que vous ferés, je ne vous en diray aultre chose, sinon que je prieray le Créateur, mon Cousin, vous tenir en sa saincte et digne garde. De Bergerac, ce ij^ de may i585.

Vostre affectionné cousin et asseuré amy,

HENRY