AUX TROIS ESTAIS DE CE ROYAUME

Messieurs ,

Quand il me ressoubvient que depuis quatre ans j'ay esté Tai^ument des tragœdies de France, le discours de nos voisins, le subject des armes civiles, et, soubs ces armes, dun monde de misères; quand je considère que , sur ung advenir aussi esloigné de la pensée des François, comme de mon désir, on a faict sentir à ce Royaume la présence d'infinies calamitez ; que , sur la vaine et misérable crainte de ma succession à cest Estât, on en a desseigné et basti l'usurpation; quand de ces yeuix que Dieu m'a principalement donnez pour les avoir tousjours ouverts au bien de ma patrie, tousjours tendres à ses maulx, je suis contrainct de la veoir en feu, ses principaulx piUiers dé»jà brus*

' «Je n*ay rien veu imprimé en ce siè- mon advis, d*un jugement plus clair, de de , dit de cette lettre Thistorien Pierre paroles plus belles , d*un ordre plus par- Mathieu, et rien ne s*est fait au delà, à fait. • (Hist. de France, L VTIF.]

lez, ses meilleures villes en cendres ; et qu encores, au lieu d'apporter de l'eau, d'estouffer ses flammes, d'aider à sauver ce qui reste d'ientier (comme je désire et voudrois l'avoir faict, et n'estre plus), on me force, malgré moy, de brusler moy-mesme, et de rendre ma desfense presqu'aussi fascheuse que les violeiices que font ceidx qui m'attaquent: ou je serois, de tous lès insensibles, le plus insensible qui fust jamais, ou bien il fault, pour la considération du public, que mon amc reçoive, mille fois le jour, des peines, des afilictions, des gesnes, que nulles peines, nulles afilictions, nulles géhennes ne sauroient esgaler, principalement quand je sçais que, de tous ces malheurs, les meschans me font le prétexte, les ignorans la cause, et que moy-mesmes, encore, qui m'en puis justifier, je m'en dis moy-mesme l'occasion. Mais en mon particulier (puisque je devois naistre soubs un tel siècle) , quand je me représente ce que Dieu a faict pour moy au commencement, au milieu, au progrez de ces derniers troubles; combien de tesmoignages il a rendu de la justice de ma cause et de mon innocence, non seulement en France, mais jusques aux nations estrangeres, non dans les esprits de mes amys, mais dans la bouclie encore de ceulx qui ne l'estoyent pas, non dans l'opinion du vulgaire seulement, mais (et Dieu le sçait) dans l'ame et la conscience de mon Roy; et combien, par plusieurs efiects, ce grand Dieu a faict paroistre qu'il avoit soing de moy, m'ayant miraculeusement defiendu , sauvé , asseuré contre des forces auxquelles il n'y avoit nulle apparence que je peusse faire teste : certes, si j'estois aultre que je ne suis, j'aurois autant de raison de me plaire au particulier de ma condition , comme le soubvenir de la publicque m'est désagréable. Messieurs, je ne le puis; jamais mon pays n'ira après moy; son utilité précédera tousjours la mienne, et tousjours on verra mon mal, mes dommages, mes afflictions courir devant celles de ma patrie. Mais pour le moins je ne me puis celer ce contentement que j'ay, d'avoir, à toutes les occasions qui se sont présentées, fait cognoistre, et par mes actions, et par mes paroles, et par mes escripts, combien j'avois de regret aux misères auxquelles nous nous allions embarquer, si les exemples du passé ne

nous rendoyent plus sages pour Tadvenir. Vous le sçavés, et je crois qu il n'y a personne si passionné aujourd'huy qui me puisse desnier ce tesmoignage ; ce qui me console tant, que certainement j'estime qu'oultre la justice de ma cause , rien n'a tant fléchi le courroux de Dieu contre moy, rien ne Ta tant esmeu à me deffendre que cela.

Or, s'il luy eust pieu tellement toucher le cœur du Roy mon seigneur, etlesvostres, qu'en l'assemblée que quelques ungs devos<iepputez ont faicte à Blois, prés Sa Majesté, j'eusse esté appelé, comme certes il me semble qu'il se devoit, et qu'il m'eust esté permis librement de proposer ce que j'eusse pensé estre de l'utilité de cest Estât, j'eusse faict voir que j'en avois , non seulement le désir au cœur, les paroles à la bouche, mais encore les efiects aux mains; que je n'ay poinct des ouvertures à desseing , des propositions conditionnées , de beaidx mots auxquels je ne vouldrois pas pourtant m'obliger; au contraire, de bonnes resolutions, de l'affection à la grandeur du Roy et du Royaume, autant qu'il se peut, voire aux despens de la mienne; et que, quand tout le monde y sera disposé, il ne fauldra ny traiter «ny capituler avec moy : ma conscience m'asseurant que rien ne m'a jamais rendu difficile, sinon sa considération et celle de mon honneur.

Puisque cela ne s'est poinct faict (ce que, peut-estre, la France comptera pour une de ses fauites , n'y ayant poinct de si bon médecin que celuy qui aime le malade), je veidx donc au moins vous faire entendre à ce dernier coup, et ce que je pense estre de mon debvoir, et ce que j'estime nécessaire au service de Dieu, du Roy mon souverain, et au bien de ce Royaume; afin que tous les subjects de ceste couronne en soyent instruicts, et que tous, pour ma descharge, sçachent mon intention, et, par mon intention, mon innocence.

Je vous representeray premièrement mon estât : non pour me glorifier, toutes et quantesfois que je le feray Dieu m'abaissera; non pour vous dire que je parle à cheval et bien à mon aise, le mesme Dieu sçait en quoy gist mon contentement, en quoy je me fie, en quoy je mets mon principal appuy ; mais pour vous représenter deux choses : l'une , la condition de ces misef ables guerres , les avantages

que Von a eus contre moy, de combien on m'a assaîlly, de combien on y a profité ; afin au moins que vous jugiés sans passion que Dieu ne m'a poinct conservé contre tant de forces , sans miracle ; que ce nûracle ne seroit poinct, si Tinnocence, le bon droict et la justice n'estoient de mon costé. L'aultre , pour vous faire juges si ce que je dis maintenant, je le dis de peur; si j^ay occasion de flatter mes paroles, pour la crainte d'ung plus rude chastiement que ceulx que j'ay receus; si c'est l'appréhension de ma ruyne qui me faict ployer, ou, au contraire, si c'est le vray sentiment des misères de mon pays, l'amour de la paix, la grandeur de la France, qui me poussent à ce langage;

Je ferois le soldat, si je vous disois par ordre quelles armée» depuis quatre ans sont venues à moy. Vous penseriés que je vous voulusse conter mes vaillances. Non, ce n'est pas mon intention. Que pleust à Dieu que je n'eusse jamais esté capitaine, puisque mon apprentissage se devoit faire à tels despensw J'aurois bien plustost faict de vous demander quels chefs la France a encore de reste, après ceulx qui sont venus contre moy. J'ay veu en quatre ans dix armées, dix lieutenans de Roy, ayans derrière eux les forces et l'appuy du premier royaume de la Ghrestienté. Vous estimés que ce me soit gloire : tant s'en fault. Je vous diray, pour vous faire perdre ceste opinion, que , de ces dix armées , je n'ay eu affitire en effect qu'à une , que j'ay combattue etdeflPaite. Et en celle -là. Dieu s'est voulu particulièrement servir de mon moyen pour sa ruyne. Mais en toutes les aultres , je n'y ay eu quasi poinct de peine ; elles se sont presque fondues devant que de me veoir; et aussi tost en ay-je entendu la dissipation que la venue. L'ange, lavei^e de Dieu, leur a osté le moyen de me nuire. Ce n'est point à moy à qui la gloire de cela appartient ; je n'y ay presque rien apporté du mien.

Mais, en e£Fect, quel est leur effect? Sçachés-le de vos depputez qui sont des provinces où ceulx de la Religion ont quelques lieux de retraite. Considérés Testai auquel ils estoient auparavant la guerre , et celuy où ils sont à ceste heure. Et quant et quant vous jugerés

de quoy a servi, depuis quatre ans, la perte de la vie d'ung million d'hommes , la despense d'ime minière d'or, la niyne du peuple de France, que Ton a consenti à meilleur marché et plus aisément que s'il eust esté question de la deffaicte des Ottomans, ou de joindre à nostre couronne toutes celles de la Chrestienté.

S est impossible que vous demeuriés immobiles après cela, et que vous ne remarquiés que c est ung ouvrage et un effect extraordinaire. Là-dessus je vousdiray que, tout ainsi que cela doibt arrester vos yeulx et vos mains , pour cognoistre que si vous desbattés contre Dieu , vous desbattés en vain; de mesme je doibs lever les mains au ciel, pour me garder de m'enfler de ces prosperitez , et de m'en attribuer la cause. Estant très certain que, si je faisois aultrement. Dieu toumeroit sa vue ailleurs, et donneroit en deux mois plus d'avantage à mes ennemis sur moy, qu'en quatre ans je n'ay eu de faveurs de luy.

J'espère que je ne le feray poinct, par sa grâce ; et, pour cet effect, je veulx que ces escripts pour moy crient par tout le monde, qu'aujourd'huy je suis aussi prés de demander au Roy mon seigneur la paix, le repos de son Royaume et le mien , que j'ay faict jamais. Javois au commencement de ces armes le respect de ma consdence et de mon honneur , que j'ay tousjours supplié très humblement Sa Majesté de laisser entiers. Les guerres n'ont rien diminué de cela; mais elles n'ont rien adjouté aussi sur quoy je puisse me rendre difficile. Je l'en supplie donc très humblement. Et quant à vous. Messieurs, je pense que si vous l'aimés, si vous aimés son Estât, si vous en cognoisàés les maulx et les remèdes , vous devés avoir commandé à vos depputez, qui estoient à cette assemblée, de commencer et finir * leurs conclusions par-là. Je vous en prie, et vous en semonds aussi.

Je sçais bien qu'en leiu*s cahiers, vous leur avés peu commander d'insérer ceste générale maxime , qu'il ne fault qu'une religion en un royaulme , et que le fondement d'un estât est la pieté , qui ne peut estre partout où Dieu est diversement servi ^. Je l'advouê, il est ainsi ;

* La nouvelle édition des Mémoires de contiquent mal, conclusion qui serait dans Moraay donne seule ici les mots , et far le sens catholique.

et, à mon très grand regret, je vois force gens qui se plaignent de cela, peu qui y veulent remédier. Or je me suis tousjours offert à la raison , et m'y offre encore. Que Ton prenne les voyes accoustumées en telles choses. S'il y en a d'extraordinaires, que Ton en cherche; et moy, et tous ceulx de la Religion, nous rangerons tousjours à ce que décernera ung concile libre. C'est le vray chemin; c'est celuy seul que de tout temps on a practiqué. Soubs celuy-là nous passerons condemnation. Mais de croire qu'à coups d'espée cela se puisse obtenir de nous, j'estime devant Dieu que. c'est une chose impossible. Et de faict, l'événement le monstre bien.

Il ne fault pas que je sois long sur ce propos, car c'est une matière dés^jà disputée. On m'a souvent sommé de changer de Religion. Mais comment ."^ la dague à la gorge. Quand je n'eusse poinct eu de respect à ma conscience , çeluy de mon honneur m'en eust empesché , par manière de dire. Qui ouït jamais parler que l'on voulust tuer ung Turc, ung payen naturel; le tuer, dis-je, pour sa Religion, devant que d'essayer de le convertir? Encore estimay-je que le plus grand de mes ennemis ne me pense pas plus esloigné de la cfaintc et de la cognoissance de Dieu, qu'un Turc; et cependant on est plus severe contre moy que l'on ne seroit contre ce barbare.

Que diroient de moy les plus affectionnez à la Religion catholique, si , après avoir vécu jusqu'à trente ans d'une sorte, ils me voy oient subitement changer ma Religion, soubs l'espérance d'ung royaume ? Que diroient ceulx qui m'ont veu et esprouvé courageux , si, honteusement, je quittois, par la peur, la façon de laquelle j'ay servi Dieu dés le jour de ma naissance? Voilà des raisons qui touchent l'honneur du monde. Mais, au fond, quelle conscience? Avoir esté nourri, instruict et eslevé en une profession de foy ; et, sans ouïr et sans parler, tout d'un coup, se jeter de l'aultre costé? Non, Messieurs, ce ne sera jamais le Roy de Navarre, y eust-il trente couronnes à gagner. Tant s'en fault qu'il luy en prenne envie , pour l'espérance d'une seule. Instruisesmoy, je ne suis poinct opiniastre. Frénésie chemin d'instruire, vous y profiterés infinipient. Car si vous me monstres une aultre vérité

que celle que je crois, je m'y rendray, et feray plus; car je pense que je ne laisseray nul de mon party qui ne s'y rende avec moy. Vous ferés ungbeau gain à Dieu, une belle conqueste de consciences en la mienne seule. Mais de nous conter des paroles, et, sans raisons, nous persuader qu à la seule vue des armes nous devons estre persuadez , jugés. Messieurs, s'il est raisonnable.

Or, laissons cela. Si vous désirés mon salut simplement, je vous remercie. Si vous ne souhaités ma conversion que pour la crainte que vous avés quung jour je vous contraigne, vous avés tort. Mes actions respondent à cela. La façon de laquelle je vis, et avec mes amis, et avec mes ennemis, en ma maison et à la guerre, donnent assez de preuves de mon humeur. Les villes où je suis, et qui depuis peu se sont rendues à moy, en feront foy. Il n'est pas vray-semblable qu'une poignée de gens de ma religion puisse contraindre ung nombre infini de catholiques à une chose à laquelle ce nombre infini n'a peu réduire ceste poignée. Et si j'ay, avec si peu de forces, desbattu et soubstenu si long temps ceste querelle, que pourroient donc faire cevlx qui, avec tant et tant de moyens, s'opposeroient, puissans, contre ma contrainctc pleine de foiblesse.^ Il n'y auroit poinct de prudence à ceste procédure.

n n'est pas question de cela à ceste heure. Je ne suis poinct en es* tat de vous faire ny bien ny mal pour encore , Dieu mercy ; je ne seray, s'il luy plaist, jamais en ceste espreuve, ny vous en ceste peine. Nous avons tous ung Roy qui me laissera bien de l'appréhension, quand il mourra de vieillesse. Ne nous tourmentons poinct tant de l'advenir bien esloigné, que nous oublyons le présent qui nous touche.

Dieu a faict veoir au jour le fond des desseings de tous ceulx qui pouvoient remuer en cest Estât. Il a descouvert les miens aussi. Nul de vous, nul de la France les ignore. N'est-ce pas une misère, qu'il n'y ait si petit ny si grand en ce Royaume , qui ne voye le mal , qui ne crie contre les armes , qui ne les nomme la fièvre continue et mortelle de cest Estât? et neantmoins, jusques icy, nul n'a ouvert la bouche pour y trouver le remède; qu'en toute ceste assemblée de Blo», nul n'ait osé

prononcer ce sacré mot de paix ; ce mot , dans reflTect duquel consiste le bien de ce Royaume ? Croyés , Messieurs , que ceste admirable et fatale stupidité est un des plus grands présages que Dieu nous ait donné du desclin de ce Royaume.

Nostre Estât est extrêmement malade; chascung le veoit. Par tous ces signes, on juge que la cause du mal est la guerre civile, maladie prescpie incurable, de laquelle nul Estât n^eschappa jamais ; ou, s'il en est relevé, si ceste apoplexie ne Ta emporté du tout, elle s'est au moins terminée en paralysie, en la perte entière de la moitié du corps.

Quel remède ? Nul autre que la paix; la paix qui remet Tordre au cœur de ce Royaume , qui par Tordre lui rend sa force naturelle, qui par Tordre chasse les désobéissantes et malignes humeurs , purge les corrompues et les remplit de bon sang, de bonnes intentions, de bonnes volontez, qui, en somme, le font vivre. C'est la paix, c'est la paix qu'il fault demander à Dieu, pour son seul remède, pour sa seule guerison. Qui en cherche d'aultre, au lieu de le guérir le veult empoisonner.

Je vous conjure donc tous par cest escript, autant catholiques, serviteurs du Roy mon seigneur, comme ceulx qui ne le sont pas. Je vous appelle comme François. Je vous somme que vous ayés pitié de cest Estai, de vous mesmes qui, le sappans par le pied, ne vous sauverés jamais, que la ruine ne vous en accable; de moy, encore que me contraigniés par force à voir, à souffrir, à faire des. choses que , sans les armes, je mourrois mille fois plustost que de voir, de souffrir et de faire ; je vous conjure de despouiller à ce coupJes misérables passions de guerres et de violences qui dissipent et desmembrent ce bel Estât, et qui nous distraient, les uns par force, les aultres trop volontairement de Tobeissance de nostre Roy, qui nous ensanglantent du sang les uns des autres , et qui nous ont desjà tant de fois faict la risée des estrange'rs , et à la fin nous ferons leur conqueste : de quitter, dis-je , toutes nos aigreurs , pour reprendre les haleines de paix et d'union , les volontez d'obéissance et d'ordre , les esprits de concorde, par laquelle les moiadres Estais deviennent puissans Enipires , et par

iç^

laquelle le nostre a longuement fleuri le premier Royaume de eeulx de la Chrestienté.

Bien que j'aye mille et mille occasions de me plaindre , en mou particulier, de ceulx de la maison de Guise, d'eux, dis-je, nies parens, et parens de si proche, que, hors du nom que je porte, je n'en ay poinct de plus; bien qu en gênerai la France en ayt encore plus de subject que moy, Dieu sçait neantmoins le desplaisir que j'ay de les avoir veus entrer en ce chemin , dont le cœur m'a tousjours jugé que jamais ils n'en sortiroient à leur honneur. Dieu me soit tesmoing si, les cognoissant utiles au service du Roy, et je puis dire encore au mien (puisque j'ay cest honneur de luy appartenir de si prés , et que mon rang précède le leur), je n'eusse esté et ne serois très aise qu'ils employassent beaucoup de parties, que Dieu et la nature leur ont données, pour bien servir ceùlx à qui ils doivent service ; au lieu que les mauvais conseils les ont poussez au contraire. Tout aultre au monde, hormis moy, se riroit de leur malheur, seroit bien aise de voir l'indignation, les déclarations, les armes du Roy mon seigneur, tournées contre eulx. Moy, certes, je ne le puis faire, et ne le fais pas, si non autant que des deux maulx je suis contrainct de prenchre le moindre. Je parleray donc librement, à moy premièrement» et puis à eux, afin que nous soyons sans excuse.

Ne nous enorgueillissons ny les uns ny les aultxes. Quant à moy, encore que j'aye receu plus de faveur de Dieu en ceste guerre qu'en toutes les passées, et qu'au lieu que les deux aultres partis (quel malheur quil les faille ainsi nommer 1) se sont afibiblis, le mien, en apparence, s'est fortifié; je sçais bien, neantmoins, que, toutes les fois que je sortiray de mon debvoir, îl ne me bénira plus ; et j^en sortiray, quand sans raison et de gaieté de cœur je m^attaqueray à mon Roy, et troubleray le repos de son Royaume.

De mesme eux , qui , depuis ces quatre dernières années, ont mieolx aimé les armes que la paix, qui , les premiers, ont remué en cest Estai, et ont faict ce troisiesme party , si indigne de la foy de France, et je diray encore, de celle de leurs aïeuls, puisque Dien, par ses ji^;e-

mens, leur monstre qu'il n'a pas eu agréable ce qu'ils ont faict, puisqu'il touche l'esprit de nostre Roy, pour les recevoir à sa doulceur accoustumée, comme luy-mesme le déclare; qu'ils se contentent. Nous avons tous assez faict et souffert de mal. Nous avons esté quatre ans ivres, insensez et furieux. N'est-ce pas assez? Dieu ne nous a-t-ilpas assez frappez les uns et les aultres, pour nous faire revenir de nostre endormissement , poiu* nous rendre sages à la fin , et pour appaiser nos furies?

Or si, après cela, il est loisible que, comme très humble et très fidèle subject du Roy mon seigneur, je die quelque bon avis à ceulx qui le conseillent : qui a jamais ouy parler qu'un Estât puisse durer, quand il y a deux partis dedans , qui ont les armes à la main ? Que sera-ce de cettuy-cy, où il y en a trois? Comment luy peut-on persuader de faire une guerre civile , et contre deux tout à un coup ? Il n'y a poinct d'exemple, poinct d'histoire, poinct de raison qui luy promette une bonne issue de oela. Il fault qu'il fasse la paix générale avec tous ses subjects, tant d'^un costé que d'aultre, tant d'une que d'aultre religion , ou qu'il rallie au moins avec luy ceulx qui le moins s'escarterônt de son obéissance. Et à ce propos, qu'un chascun jugede mon intention. Voilà comme je rends le mal pour le bien, comme j'entends l'animer contre ses subjects qui ont esté de ceste belle Ligue. Et vous sçavez tous, Messieurs, 'neantmoins, que, quand je le voudrois faire , et en sa nécessité luy porter mon. service ( comme je le feray, s'il me le commande), en apparence humaine, je traverseray beaucoup leurs desseings, et leur tailleray bien de la besogne.

J'appelle à ceste heure tous les aultres de cest Estât qui sont restez spectateurs de nos folies. J'appelle nostre noblesse , nostre clergé , nos villes, nostre peuple; c'est à eux que je parle. Qu'ils considèrent où nous allons entrer, ce que deviendra la France, quelle sera la face de nostre Estât, si ce mal continue; que fera la noblesse, si nostre Gouvernement se change, comme il le fera indubitablement, et vous le voyés desjà ; si les villes , par la crainte des partisans , sont contrainctes de se renfermer dans leurs portes, de ne souffrir

personne leur commander, et de se cantonner à la suisse ? Il n'y en a nulle de ceste volonté , je m'en asseure ; mais il est à craindre que la guerre les y force à la longue , et , à mon grand regret , j'en vois desjà naistre les commencemens , qui, avec eux, portent un miel, une doulce apparence, à laquelle le meilleur et le plus loyal bourgeois du monde se laisse aisément emporter.

Que deviendront les villes, quand, sous une apparence vaine de liberté , elles atu-ont renversé l'ancien ordre de ce bel Estât ? quand elles auront toute la noblesse ennemie, le plat pays, envieux et désireux quant et quant de les saccager, s'imaginant dans leurs coffres , dans leurs boutiques, des richesses sans compte?

Que feront leurs principaux habi tans qui tiennent tous les offices de la monarchie, ou aux Finances, ou à la Justice, ou à la Police , ou aux Armes , et comptent chascun entre leur fortune domestique , la valeur de leur estât ? Cela est perdu , si la monarchie se perd. Qui leur donnera le libre exercice de la marchandise? Qui leur garantira letu-s possessions aux champs? Qui tiendra Tauctorité de leur justice? Quels en seront les degrés ? Qui commandera leurs armées? Somme : quel sera leur osdre ? Pauvres abusez ! Ceste fureur durera pour un temps, tout ainsy comme l'on dit que la fièvre pour un temps nourrit le malade. Mais de penser que sur des fondemens de colère et de vengeance on puisse establir une intelligence asseurée et une forme d'Estat durable, cela ne se peut, n'ayant jamais esté ny veu ny leu qu'un Estât se soit changé , sans la ruine des villes, qui en sont tousjours les principaulx appuys.

Et toy. Peuple , quand ta noblesse et tes villes seront divisées , quel repos auras-tu? Peuple, le grenier du royaume, le champ fertile de cest Estât ; de qui le travail nourrit les princes , la sueur les abreuve , les mestiers les entretiennent, l'industrie leur donne les délices à rechange; à qui auras-tu recours, quand la noblesse te foulera, quand les villes te feront contribuer? Au Roy, qui ne commandera ny aux uns ny aux aultres ? Aux officiers de sa justice , où seront-ils ? A ses lieutenans, quelle sera leur puissance? Au maire d'une ville, quel

droict aura-il sur la noblesse? Au chef de la noblesse, quel ordre parmi eux? Pitié, confusion, desordre, misères par-tout. Et voilà le fruict de la guerre.

Ce n'est pas par oubli que je ne dis mot de ceulx du Clergé, mais je ne veulx parler d'eux, craignant qu'ils ne m'advouent, m'estimant plus leur ennemy que je ne suis. A la vérité, j'ay plus d'occasion de me plaindre de leur ordre que de tous les deux aultres de la France ; mais n'importe, il y a des gens de bien parmy eux. Quant à leur profession et leur relligion , en quelque chose je leur suis contraire ; en nulle, leur ennemy; en d'aultres, nous sommes d'accord, ne fust-ce qu'en ce qui touche la conservation des privilèges de l'Eglise de France, contre les usurpations des Papes. Quoy que ce soit, si j'avois avec eux toutes les prises du monde, je les mettrois soubs le pied à ceste heure, emporté par une plus forte considération, qui est celle du service de mon Roy et du bien de cest Estât. Cependant , qu'esperent-ils de faire ? La guerre épuise leurs décimes au pays où ils ont plus de crédit; aux lieux où j'ay puissance, je leur retiens quasi tout, et à cela je ne puis remédier. Mais à la longue, la dissension s'estant mise entièrement, que peuvent-il^ devenir? Qu'ils regardent quel chemin prennent nos villes, nos peuples, nostre noblesse, et qu'ils considèrent, eux qui ont ou doibvent avoir la pieté en recommandation , s'il y a rien qui y soit si contraire que les vices et debordemens ; s'il y a rien qui déborde tant les hommes que la licence de la guerre civile. Qu'ils jugent encores si, eux qui ne se sont enrichis et augmentez que par la paix, par l'ordre, par Tobeissance à nos Roys, par la dévotion ,Vi*iront pas désormais en diminuant par la guerre, les confusions, l'impiété et la mutine désobéissance.

Après avoir parlé à tout le monde en particulier, je dis encores

cecy en gênerai : soit que Dieu bénisse les desseings de nostre Roy,

et qu'il vienne à bout de tous les mutins de son Royaume, il est

* misérable s'il fault qu'il les fasse tous punir comme ils le mentent.

Quoyl punir une grande partie de ses villes, une grande partie de ses

subjects? Ce seroit trop. Cest un mal-heur; c'est une rage que Dieu a envoyée en ce Royaume , pour nous punir de nos faultes. Il le fault oublier, il le fault pardonner, et ne sçavoir non plus mauvais gré à nos peuples, à nos villes, qu à ung furieux quand il frappe, qu'à ung insensé quand il se promené tout nud. Soit au contraire, si ceulx de la Ligue se fortifient tellement, quils luy résistent, comme certes il y a apparence ( et j'ay peur que sa patience soit leur principale force , Dieu voulant peut-estre exercer sur nous des jugemens que nous ne sçavons pas), que sera-ce de nous et de hiy? Que dironsnous des François? Quelle honte que nous ayons chassé nos Roysl tache qui ne souilla jamais la robbe de nos pères, et le seul advantage que nous avons sur tous les vassaulx de la Chrestienté !

Cependant n est-ce pas un grand mal-heur pour moy que je sois contrainct de demeurer oisif? On ma mis les armes en main par force. Contre qui les employeray-je à cette heure? Contre mon Roy? Dieu luy a touché le cœur. Faisant pour luy, il a faict pour moy contre ceulx de la Ligue. Pourquoy les mettrois-je au desespoir? Pourquoy, moy qui presche la paix en France, aigrirois-je le Roy contre eux, et osterois-je, par Tapprehension de mes forces, à luy Tenvie , à eux Tesperance de reconciliation ? Et voyés ma peine ; car, si je demeure oisif, il est à craindre qu'ils fassent encores quelque accord, et à mes despens, comme j'ayveu deux ou trois fois advenir; ou qu'ils aflPoiblissent tellement le Roy, et se rendent si forts, que moy, après sa ruine, n'auray gueres de force ny de volonté pour empescher la mienne.

Messieurs, je parle ainsy à vous, que je sçay, à mon très grand regret, n'estre tous composez d'une humeur. Les déclarations du Roy, mon seigneur, et principalement ses dernières, publient assés qu'il y en avoit entre vos députez , et quasi la plus grande partie , à la dévotion d'aultre que de luy. Si vous avés tant soit peu de jugement, vous conclurés avec moy que je suis en grand hazard. Aussi est le Roy; aussi est le troisiesme party; aussi estes-vous, et en gros et en détail. Nous sommes dans une maison qui va fondre, dans ung

bateau qui se perd, et n'y a nul remède que la paix : qu'on s'en imagine , qu on en cherche tant d'aultres que Ton vouldra.

Pour conclusion donc, moy, plus affectionné (je le puis dire) et plus intéressé en cecy que vous tous , je la demande , au nom de tous, au Roy mon seigneur; je la demande pour moy, pour tous les François, pour la France. Qui la fera aultrement, elle nest pas bien faicte. Je proteste de me rendre mille fois plus traitable que je ne feus jamais, si jamais j'ay esté difficile. Je veulx servir d'exemple à tous, par l'obéissance que je monstre à mon Roy.

Mais , après vous avoir tant et tant de fois protesté et déclaré ce qui est de mon debvoir et de nostre profict commun, je déclare donc à la fin : Premièrement à ceulx qui sont du parti du Roy, mon seigneur, que s'ils ne luy conseillent de se servir de moy et des moyens que Dieu m'a donnez , s'ils ne s'accordent à cestc saincte délibération, non de faire la guerre à ceulx de Lorraine, non à Paris, à Orléans ou à Thoulouse, mais à ceulx qui empescheront la paix et l'obéissance deue à ceste Couronne, qu'ils seront seuls coulpables des mal-heurs qui arriveront au Roy et à ce Royaume, et moy au contraire , déchargé de ce blasme , et acquitté de la foy que j'ay à mon Prince, duquel j'ay, autant que j'ay peu, empescb^* et empescheray le mal , veuillent-ils ou non.

Et quant à ceulx qui retiennent encores le nom et le parti de la Ligue, je les conjure, comme François, je leur commanderois volontiers encores, comme à ceulx qui ont cest honneur de m'appartenir, et de qui les pères eussent receu ce commandement à beaucoup de faveur, je m'en asseure (si ce n'est de ceste façon, je le feray, neantmoins après le Roy, comme le premier prince et le premier magistrat de France), qu'ils pensent à eux; qu'ils se contentent de leurs pertes, comme je fais des miennes; qu'ils oublient le particulier pour le public; qu'ils donnent leurs passions, leurs querelles, leurs vengeances et leurs ambitions au bien de la France, leur mère, au service de Leur Roy, à leur repos et au nostre. S'ils font aultrement, j'espère que Dieu n'abandonnera poinct tant le Roy, qu'il n'achevé

en luy son ouvrage , et qu'il ne luy donne envie d'appeler ses serviteurs prés de luy , et moy le premier, qui ne veulx aultre titre , et qui, y allant pour cest effect, auray assés de force et de bon droict pour l'assister et luy aider à oster du monde leur mémoire, et de la France leur party.

Finalement , après avoir faict ce qui est de mon debvoir en ceste si solemnelle protestation que je fais, si je recognois les ungs ou les aultres, ou si endormis, ou si mal affectionnez que nul ne s'en esmeuve, j'appelleray Dieu, tesmoing de mes actions passées, à mon aide, pour celles de l'advenir; et, vray serviteur de mon Roy, vray François, digne dé l'honneur que j'ay d'estre premier prince de ce Royaume, quand tout le monde en auroit conjuré la ruyne, je proteste, devant Dieu et les hommes, qu'au hazard de dix mille vies, j'essayeray tout seul de l'empescher.

J'appelle avec moy tous ceulx qui auront ce sainct désir, de quelque qualité et condition qu'ils puissent estre, espérant que^si Dieu bénit mon desseing, autant comme je monstre de hardiesse à l'entreprise , autant auray-je de fidélité , après en avoir veu la fin ; rendant à mon Roy mon obéissance, à mon pays mon debvoir, et à moy-mesme mon repos et mon contentement dans la liberté de tous les gens de bien.

Et ce pendant , jusqu'à ce qu'il ait pieu à Dieu donner le loisir au Roy mon seigneur de pourvoir aux affaires de son Estât, y remettant la paix qui y est si nécessaire, je déclare, comme celuy qui ay cest honneur de tenir le premier lieu soubs son obéissance, que si, en son absence, je ne le puis si bien servir que je l'establisse par tout son Royaume, je le feray, au moins en partie, es lieux où j'auray plus de pouvoir de faire recognoistre son autorité. Et pour cest effect, je prends en ma protection, et saulve-garde du Roy mon seigneur et la mienne, tous ceulx , de quelque qualité, relligiôn et condition qu'ils soyent, tant de la noblesse, des villes, que du peuple, qui se voudront unir avec moy en çeste bonne resolution; sans permettre qu'en Leurs personnes et biens il soit touché en manière quelconque, en

aultre sorte qu'en temps de pleine paix, et que, par les loix du Royaume, on a accoustumé dy touclier, procurant, en tout ce qui me sera possible , le soulagement du pauvre peuple oppressé.

Et bien que, plus que nul aultre, j'aye regret de voir les différences de la relligion , et que , plus que nul aultre , j'en souhaite les remèdes, neant-moins, recognoissant bien que c'est de Dieu seul, et non des armes et de la violence , qu'il les faut attendre , je proteste devant luy; et à ceste protestation j'engage ma foy et mon honneur, que par sa grâce j'ay jusqu'icy conservez entiers, -que tout ainsi que je n'ay peu souffrir que l'on m'ait contrainct en ma conscience, aussi ne souffriray-je ny ne permettray-je jamais que les Catholiques soient contraincts en la leur, ny en l'exercice libre de leur religion. Déclarant en oultre qu'aux villes qui , avec moy, s'uniront en ceste volonté , qui se mettront soubs l'obéissance du Roy mon seigneur, et la mienne, je ne permettray qu'il soit innové aulcune chose, ny en la police , ny en l'Eglise , sinon en tant que cela concernera la liberté d ung chascun : prenant de rechef, tant les personnes que les biens des Catholiques, et spécialement des ecclésiastiques, soubs ma protection et saulve-garde ; ayant de long -temps appris que le vray et unique moyen de reunir les peuples au service de Dieu, et d'establir la pieté en ung Estât , c'est la doulceur, la paix et les bons exemples, non la guerre ny les desordres, par lesquels les vices et les méchancetés naissent au monde. Faict à Chastellerault, le nij^ mars 1 689^.

HENRY

DE LOMSNIE^.

^ • Le meame jour que cesle letlre fuU jettent 1 œil sur le duc de Mayenne , le

veue à la cour, dit Mathieu, le Boy receut nommant lieutenant gênerai de TEstat et

Tadvis qu*à inesme jour de la date d'icelie, Coronue de France, attendant lesdits £s-

sçavoir le qualriesme de mars, le conseil tats; ordonnant qu*en toutes expéditions,

delà Ligue 8*estoit assemUé pour Telec- tant de justice qu*autre8, sera mis le nom

lion et nomination d*un chef et conduc- du dit duc, eU:. > (Hist. de France, 1. VIII.)

teur gênerai , qui feist estât de Roy, atlen- ^ Dans la nouvelle édition des Mémoires

dant leur assemblée qu*ils appelloient les de Mornay, celte déclaration est contre-

Ëstats du Royaume. Et consîderans qu*ils signée Lallier.

ne pouvoient tenir si promptement ils ^

Orig. — Anciennes archives du château de la Force. Communicpié par M. Dardel à M. Gras,

archiviste de la Gironde , qui en a transmis la copie.

A MONS* DE SAVEYLLES.

Mous' de Saveylles, Nous ne sommes qu'à six lieues de Tarmée du Roy. Si cestoit celle de la Ligue, elle eust desjà fait le saut. Je désire estre accompagné, et pour ce je vous prye me venir trouver avec la noblesse du pays. Amenés avec vous le plus de nos amys que vous pourréSf avec asseurance qu'eux et vous serés les trez bien venus. Nous avons prins Loudun , Thouars , Monstreuil-BeHay et Chastelleraut. Vous couperez droict à Loudun. C'est à cette heure qu'il se faut évertuer. Je vous attends en bonne dévotion , avec asseurance que vous ne voudrés nullement manquer, au besoin, à

Vostre bien affectionné et plus asseuré amy,

HENRY

^ Nous avons encore prins Lisle-Bouchart.

A La Haye ^, ce dimanche cinquiesme mars.

Orig. autogn]A& — Bibiioth. de TArsenal, Mas. Histoire, n* 179, t. i*.

Gop. — B. R. Sap[4. fr. Ms. 2289-9, et Ms. 1009-4.

Imprimé. — Mercure Je France, année 1766, toI. II, p. 5g. — L'Esprit de Henri IV, Paris, 1770, in-8% p. 157.—- Vie miliUire et privée de Henri IV, Paris, an zi, in-8*, p. 137. — Lettres de Henri ÎV, de, publiées par N. L. P. Paris, i8i4 , in*i 3 , p. 43. — Journal miUtawe de Henri IV, par M. le comte de Valori. Paris, iSai , in-8*, p. 397.

[A MADAME LA COMTESSE DE GRAMONT

Mon cœur. Dieu me continue ses bénédictions. Depuis la prise de Chastelleraut j^ay prins Tisle Bouchart, passage sur la Vienne et la

' Ce post-scriptum et la date sont de la Loire , à quatre lieues de Châtellerault,

main du roi. petite ville qui vit , quelques années après ,

' La Haye en Touraine, sur la Creuse, naître René Descartes, aujourd'hui du département d*Indre-et-

LETTRES liHSSIVES

Creuse, bonne ville et aisée à fortifier. Nous sommes àMontbason, six lieues prés de Tours, où est le Roy. Son armée est logée jusques à deux lieues de la nostre, saas que nous nous demandions rien; nos gens de guerre se rencontrent et s^embrassent, au lieu de se frapper, sans qu il y ait trefve ny commandement exprés de ce faire. Force de ceulx du Roy se viennent rendre à nous; et des miens nul ne veult changer de maistre. Je crois que Sa Majesté se servira de moy : aultrement il est mal, et sa perte nous est un préjugé doumageable. Je m'en revoys à Giasteleraut prendre quelques maisons qui font la guerre. Dites à Castille qu'il se haste de se mettre aux champs. C'est à ce coup qu'il fault que tous mes serviteurs fassent merveilles. Car, par raison naturelle, avril et may prépareront la ruine d'un des partis; ce ne sera pas du mien, car c'est celui de Dieu. Mon ame , le plus grand regret que j'aye en l'ame, c'est de me voir si esloigné de vous, et que je ne vous puis rendre tesmoignage que par escript de l'amour que j'ay et auray toute ma vie pour vous. Ce 8"°* mars , de Monbason. Je vous prie, envoyés-moy vostre fils^

' Antoine de Gramont , comte de Gramont et de Guiche, fils de Philibert de Gramont et de Diane d*Ândouins, fut chevalier des ordres du Roi, vice-roi de Navarre, gouverneur et maire perpétuel et héréditaire de Bayonne. Louis XIV le fit duc et pair le i3 décembre 16 A3. Il mourut l'année suivante. Il eut pour fils le célèbre chevalier de Gramont, qui dit dans

ses Mémoires : « Je ne sais peut-être pas qu*il ti'a tenu qu'à mon père d*ètre le fils de Henri IV I Le Roi vouloità toute force le reconnoistre , et jamais ce traître d*homme n'y voulut consentir. Vois un peu ce que ce seroit que les Gramont sans ce beau travefs ! Ils auroient le pas devant les Césars de Vendosmel Tu as beau rire, c*est l'Évangile. »

[1589.] — 8 MARS.— n™.

Orig. autographe. — Collection de M. Lefèvre, libraire à Paris. Copie transmise par M. Monmerqué,

membre de TlnsUtut

[AU ROY, MON SOUVERAIN SEIGNEUR

Monseigneur, Je vous ay depesché ce porteur exprés pour me plaindre à vous de mons' de Matignon, lequel, nonobstant la trefve^ et les commandemens que Vostre Majesté m'a mandé, par Serillac et Chemereau , avoir faits à des gouverneurs de ne faire aulcun mal à

ceux qui me viendroient treuver, a défait une troupe de cinquante arquebusiers qui venoient. Je vous supplie , Monseigneur, me mander si vous Tavoués ou non, afin que, selon cela, je sçache comme je me dois gouverner. J'ay donné charge à ce porteur de vou^ dire tout plein de choses sur cela; je vous supplie le croire comme moymesme : et je prierai Dieu,

Monseigneur, vous donner, en santé, très heureuse et longue vie. De Bourgueil , le viij* de mars.

Vostre très humble et très obéissant subject et serviteur,

HENRY

' La trèYe que Momay préparait alors auprès de Henri m ne fut conclue et signée que le 3 avril. Cette lettre prouverait

qu'il y eut auparavant une sorte de suspension d'armes ou trêve provisoire.

Imprimé. — £5501*5 sur rhisfoire de la ville de Londan, par Ddmodstier de Lafond. Poitiers, 1778,

in-8*. repartie, p. 67.