A MESS^ LES MAIRE ET JURATZ DE LA VILLE DE BORDEAUX

Mess", Je ne vous sçaurois exprimer Tayse que je reçois de la faveur que Dieu m'a faicte de m'avoir preste ceste occasion pour tesmoigner à la France et à toute la Ghrestienté, que je n'ay jamais eu aultre but que de servir à mon Roy et à son Estât; et si, à cela, il est assisté de tous les vrais François et gens de bien , j'espère que Dieu luy fera la grâce de voir bientost son Royaulme remis en sa première splendeur, et le mal qui Ta si longuement affligé renvoyé sur les anciens ennemys d'icelle. J' envoyé le s' de Frontenac par delà pour vous le faire entendre, et le contentement que je reçois d'avoir cest heur et honneur d'estre si bien remis en la bonne grâce de Sa Majesté. Je tascheray de m'y conserver, en le bien servant et en luy faisant paroistre que j'ay tousjours eu en affection le bien de ses affaires aidtant que les miennes propres. J*embrasseray ses bons et loyaux subjects et serviteurs, pour unanimement nous employer à son service. Vous estes de ceulx-là, et partant je m'asseure que vous serés trez ayses de ce mien bon-heur, lequel je veulx entièrement rapporter au bien de son Estât et soulagement du pauvre peuple , que je procureray de tout mon pouvoir. Continués donc, Mess", je vous prie , la fidélité que vous avés jusqu'ici tesmoignée à Sa Majesté , en ce qui est du deub de vos charges, et croyés que, oultre le gré qu'Elle vous en sentira, que je la recognoistray aussy par tous les effects de l'amitié que je veulx garder à tout vostre ville; et comme vous avés eu en affection mes prédécesseurs, je vous prie aussy de m'aimer, et croire que mon amitié sera esgale à la leur envers vous , et qu'en cela je leur succederay tousjours, et vous en feray voir des tesmoignages , aux occasions que vous me vouldrés employer, soit vers Sa Majesté ou ailleurs. Je vous recommande doncque encore un coup son service , et comme tel vous prie pour Icelle , d'assister mons' le mares-

cbai; je ie fais aussy. Aimés-moy, et prenés asseurance que vous me

trouvères tousjours , Mess",

Vostre bien alTectionné et meilleur amy. HENRY.

A Montrichard, ce xvij' may 1689.

Orig. «ulognpbe. — B. R. Fonds Bétbune, Ms. 8470, Toi. 3o >cno.

Cop.— B. R.Suppl. (r. M». 1009-S,

Imprimé. — Ifolîct mir \a vit dt Henri U Graad, à la luite des Amoun du grand Alcandrc .

t. lt,p. 58. Pari*, Didotl'aSaé, 1786. iD-12.