A MESS" LES DÉPUTÉS DES PAYS BAS

Mess", J'ay esté très marry que vos depputez ayent trouvé l' estât de ce Royaume tel que le Roy mon seigneur n'ait peu embrasser vos

affaires, comme il eust esté à désirer. Ces grands remuëmens qui ont paru en divers endroicts en ont esté cause , au commencement desquels les meilleurs ingénieurs demeurent en suspens; et les plus sages, ne sçachans quelle forme ils ont à prendre , estiment ne pouvoir rien faire plus à propos que de ne rien faire. Mais je ne fais poinct de doubte que, comme le Roy mon dict seigneur aura connu où ils tendent et d'où ils procèdent, il reconnoistra , selon sa prudence, son interest au nostre , et sçaura bien choisir les moyens de nous conserver, lesquels vous sçavés humainement estre en sa main. Le sieur Caluart vous dira qu'à ceste fin je luy ay faict une despesche bien expresse par le baron de Salignac , auquel aussy j'ay commandé de vous tenir advertis du progrez de sa negotiation. Et vous diray, Mess", que ce m*a esté un regret de n'avoir receu vos lettres (par lesquelles vous me requeriés d'intercéder vers le Roy mon seigneur pour vos affaires), qu'après qu'ils ont eu une response finale sur icelles, parce que le moyen m'a esté osté de vous faire paroistre en cest endroict ma bonne volonté , et peut-estre aussi de vous en faire toucher les effects, par le moyen de diverses ouvertures que j'eusse peu faire à Sa Majesté pour vostre secours, desquelles je ne fais point de doubte que l'une ou l'aultre luy eust esté agréable. Pour mon regard, ce m'est un singulier contentement de cognoistre par vos lettres la correspondance que vous désirés que nous ayons ensemlde, qui nous est et nous sera doresnavant plus nécessaire que jamais. Et quant au conseil et à Taide que vos depputez ont requis de moy par le s' Caluart, le conseil. Mess", que je vous puis donner, c'est que vous vous resolviés et remettiés en Dieu, qui a en sa main l'issue de vos affaires, et duquel vous avés par cy-devant tant de fois esprouvé le secours et l'assistance ; que pareillement vous demeuriés de plus en plus unis et liez ensemble , contre les praticques et me- • nées de vos ennemis , qui ne tascheront qu'à vous diviser les uns des aultres, pour avoir meilleur marché, comme desjà avés veu, d'un chascun à part ; et ce pendant, que vous patientiés constamment en la deffense de la vraye religion et de vostre patrie, que Dieu semble

desjà secourir en quelque façon , quant il met au cœur de vostre eonemy d'entreprendre contre cest Estât : ce qu'il ne peut sans une grande distraction.

Et quant h l'ayde, Mess", je pense que vous ne doublés pas que ces remuëmens ne m'ayent apporté plusieurs nouveaulx affaires qui distrayant mon .esprit et mes moyens en diverses parts, et me retranchent d'autant le pouvoir de vous assister, encor que la volonté m'en demeure toute entière. Neantmoins le s' de Keboius, comme vous dira le s' Caluart, au plus lost qu'il luy sera possible , vous mènera deux mille hommes de pied; pour l'acheminement desquels luy feray deslivrer l'aident qui luy sera nécessaire. Et l'ay d'autant plus volontiers choisy, que le s' Caluart m'a asseuré que vous aviés bonne opinion de luy et qu'iï vous estoit agréable. Et quand le temps nous aura faict voir un peu plus clair es affaires de ce Royaume, qui ne peuvent longuement demeiu-er en ceste obscurité, je vous feray cognoistre , Mess", que j'estime vos affaires les miens propres , tant en m'en rendant solliciteur envers le Roy mon seigneur, qu'en vous départant de mon particulier ce que Dieu m'aura donné d'amys et de moyens. Je remettray le surplus sur le sieur Caluart, qui vous pourra discourir de Testât des pays de deçà , etc.

Orig. — Biblioïk. impér. de Saint-Pétenboarg, M». 915, )«tire d* 37. Copie traiwniae par

M. Allier, correspoodanl du minuière d« l'InatractioD pnUique.

Cop. — B. B. Suppl. fr. Ml. 1009-4.

Impriraj. — JURMÎnv di mêuin PkSippti de Momaj. làgntar da PUuù MHi, etc. 1 1, p. Ai4-

ÉdiL àc La Foreit, i6jS, iu-i*.

AU ROY. MON SOUVERAIN SEIGNEUR

* Monseigneur, J'ay receu celle qui a pieu k Vostre Majesté m'escrire du vnj' de ce mois. Je vous supplie très htunblemeut, Monaeir

• Dressée par U. du Plessis. • ( Mém. de MoTnay. )

gneur, croire que je n ay ny n'auray jamais rien plus proche que Tobeissance de vos commandemens « quand mesmes il iroit de ma propre vie. Mais aussy m'asseuré-je. Monseigneur, que vous n^entendés pas que ceulx qui ont entrepris contre votre Estât, attentent tout ce quMl leur plaira, impuneement, et moins encor qu'ils abusent de la très humble obéissance que je vous désire rendre , à ma ruine , et peutestre aussy à vostre dommage. Ils ne cèlent point en tous leurs discours , tant publics que privez , qu'ils sont armez pour exterminer vos très humbles subjects de la Religion , et que particulièrement ils en veulent à ma personne ; encor que toutes personnes d'entendement ont assés de quoy juger que ce ne leiu* est qu'un prétexte poiur acheminer leurs desseins contre l'Estat de Vostre Majesté. Tous les jours aussy se descouvrent entreprises sur les villes habitées par les dicts de ia Religion; et plusieurs maisons de gentils-hommes, en diverses provinces, ont esté par eux violemment saisies; et tout fraischement ils ont assailly mon chasteau de l'Isle en Jourdan , où les eschcUes et quelques armes sont demeurées pour preuve de l'entreprise. Vostre Majesté , Monseigneur, peut considérer si ces occasions ont esté suffisantes pour mettre en allarme vos dicts subjects de la Religion, et pour les faire penser à leiu* conservation ; mesmes quand ils ont veu que les troupes des perturbateurs se levoient et marchoient partout ouvertement , sans contredict , et qu'elles passoient à leurs portes , sans qu'il leur fust permis de s'opposer, et sans que d'ailleurs on leur donnast aulcun empeschement, comme si elles eussent esté sacrées. Ce nonobstant. Monseigneur, j'y ay donné tel ordre, préférant peutestre l'obéissance de vos commandemens au besoin de vostre service, que jusques icy il n'a bougé personne des dicts de la Religion, sur l'asseurance que je leur ay donnée que Vostre Majesté sçauroit bien pourveoir à la répression de ses ennemis, et à leur conservation tout ensemble. Ce qui les a mis principalement en peine. Monseigneur, et qui est une difficulté que je ne leur puis bonnement souldre , c'est la voix commune , mesmes de vos principaulx officiers es villes et provinces de deçà, qui ne feignent de dire que ces troubles se pacifie-

ront à leurs despens, et retomberont enfin dessus leurs testes; que les choses en sont des-jà si avant, qu'ils les font tenir comme faictes et conclues. Ce qui leur lest d'aultant plus aisé de croire, qu'ils ne voient aulcune ojiposition aux desseins des dicts perturbateurs, et que

. d'ailleurs ils sçavent que , de tout ce qui s'est traicté ou pourparlé jusques icy avec les dicts de la Ligue, je n'en ay aulcune commimication ny cognoissance de la part de Vostre Majesté, ny de ses ministres de deçà, desquels je pense, pour ce regard, avoir à me plaindre; moy, toutesfpis. Monseigneur, à l'ombre duquel vos ennemis cerchent la ruine de vostre Estât, et qui, plus qu'aulcun aultre, doibs ressentir la mienne en la vostre. Et ne vous celeray. Monseigneur, que des-jà le bruit est partout qu'on leur consent la revocation de vostre edict de pacification; ce que j'ay bien de la peine à les empescher de croire, leur remonstrant qu'il n'y a pas d'apparence que Vostre Majesté voulust contenter des estrangers aux despens des princes qui ont cest honneur de le toucher de si prés, ny rachepter la paix avec ceux qui troublent vostre Estât, au dommage de ceulx qui ne désirent que trainer leur vie sous l'obéissance de vos edicts. C'est pourquoy. Monseigneur, pour retenir et contenir plus aiseement vos dicts subjects de la Religion , j'ay pensé de les occuper en leur permettant de reparer et fortifier leurs villes : ce qui se faict en la plupart des lieux, non seulement sans contraincte, mais mesme de gré à gré, et avec l'allégresse du peuple et des circonvoisins , qui pensent travailler pour la conservation de leurs propres vies; et avec tel ordre, au reste, et si peu de foule d'un chascun, que je m'asseure que Vostre Majesté, en estant bien informée, en auroit coiitentement.

A ce propos, j'ay à me plaindre à Vostre Majesté d'aulcuns auxquels vous avés donné charge de vous mener des forces par delà pour vostre service, qui s'excusent, ou de ne vous aller trouver, ou de ne vous mener telles troupes qu'ils auroient promis , sous ombre des remuêmens qu'ils disent craindre de ceux de la Religion. Je ne sçay. Monseigneur, si ce seroient peut-estre personnes mal affectionnées à

. vostre service , telles que vous en avés recogneu assés d'aultres, en ces

derniers remuêmens, qui vous serviront, ou avec moins de fidélité, ou avec moins d'ardeur que vous n'avés attendu d'eux ; mais j'oseray encor un coup vous respondre que de la part de vos dicts subjects de la Religion , il ne s'est fait jusques icy et ne se prépare pour l'advenir, remuement quelconque, ny en gênerai, ny en particulier; encor qu'à la vérité tous sont en une juste allarme, et de ce qu'ils voyent et de ce qu'ils oyent; si on n appelle remuêmens quelques remuêmens de terre, qui se font pour leur deflFense , et pour le regret qu'ils auroient de tomber es mains des ennemis de vostre Estât. Au reste , Monseigneur, me voyant environné de toutes parts des ennemis de Vostre Majesté, j'ay mandé prés de moy ma compagnie , pour estre plus prés à vous faire service, quand je recevray vos commandemens; au payement de laquelle je supplie très humblement Vostre Majesté vouloir conunander qu'il soit pourveu, comme aussy au payement des garnisons des villes de seureté de ceste province, selon qu'il pleut à Vostre Majesté le leur accorder dés le dixiesme décembre; lesquelles, depuis ce temps, n'ont receu qu'un mois , et dés lors leur en est oit deu presque une année. J'aurois regret. Monseigneur, qu'à faulte de payement, elles fissent quelque desordre; désirant au contraire que tout ce que je suis et que je puis soit un exemple d'obéissance et de debvoir en tout ce qui concerne le contentement particulier de Vostre Majesté, et le bien de vostre service. Et pour ce, Monseigneur, je supplie très humblement Vostre Majesté de m'y ayder, en commandant les expéditions nécessaires à nos dictes fins.

Monseigneur, Je finiray en suppliant le Créateur qu'il donne à Vostre Majesté bonne et longue vie, et prospérité en tous ses affaires. De Bergerac, le xvij* de may j585 ^

Vostre très humble et très obéissant subject et serviteur,

* Diaprés les comptes de sa petite écurie , le roi de Navarre séjourna , celte année , à Bergerac, du i" au a5 mai.

1585. — 37 Hiu.

Orig. — Arcfa. de H. le comte H. C. de Mcdoo. Eovoi de H. le de l* GiroDde.

Kcréuire général du déperlement