CHEF ET SURINTENDANT DE MA MAISON, AFFAIRES ET FINANCES

Mons' de Segur, U me tarde de sçavoir vostre arrivée en Aliemagne , m'asseurant qu'on s'apercevra bientost après du fruict de vos labeurs. Je vous envoyé un mémoire par lequel vous verrez la charge que m'ont exposé, de la part du Roy mon seigneur, mess" de Lenoncourt, de Poigny et Brulart, avec lesquels je n'ay voulu entrer en aucun traicté, bien qu'ils m'en ayent pressé et sollicité instamment; m'ayant* offert de faire approcher la Royne jusques à Champigny. Je vous prie faire entendre le tout à ceulx que vous cognoissez estre besoing, pour les exciter de plus en plus à nostre secours, et effacer le bruict qu'on pourroit semer au contraire. Nos places se munissent et fortifient en extrême diligence ; le courage et la volonté accroist de jour à aultr e à ceux de nostre party. Faites-moi sçavoir, je vous prie, de voz nouvelles, à mesure que voz poursuictes succéderont; proposez-vous incessamment la diligence , et considérez le fruict que toutes les Eglises en recevront, etmoy en particulier, qui, trez persuadé du zèle que vous portez à ce qui me touche , prieray Dieu vous assisteis conseiller et conduire , et vous donner, Mons' de Segur, en

santé, longue vie. ANerac, ce xxx^ aoust i585.

Vostre irez afiectionné maistre et parfaict amy,

HENRY

* Je vous prye envoyer la copie de ceste depesche à mons' de Clervant, afin qu'i] s'en serve à mesme effect, si d'avanture celle que je luy fais d'ailleurs ne luy estoit rendue.

^ De la main du^roi.