A MONS'^ DE BELLIEVRE

iMons'^ de Bellie%Te, Voyant ces nouveaux remuemens s'eschaufTer de jour à aultre en mon gouvernement, et le peu d'opposition qui V a esté faicte jusques icy, il m'a semblé que je manquerois à mon debvoir envers le Roy mon seigneur, si je ne luy donnois advis de tout ce qui se passe par deçà, et que je cognois importer à Sa Majesté, et par mesme moyen que je prodigueray tousjours pour l'exécution de ses commandemens, partout où elle cognoistra que je seray bon pour ce faire et qu'elle me vouldra honorer. De quoy je vous prie luy respondre comme ayant cognu la trez humble et trez fidèle servitude que j'ay envers Sa Majesté. Par mesme moyen j'av donné charge au baron de Salignac de vous voir et se condouloir de ma part avec vous du déplorable estât auquel les aucteurs de telles ligues veulent réduire cest estât, et vous asseurer que leurs moyens se trouvent beaucoup plus foibles que leur espérance, si les fidèles serviteurs de Sa Majesté s'employent pour luy faire rendre l'obéissance qui luy est deue; à quoy je n'espargncray rien. Je vous prie, Mons*^ de Bellievre, faire tousjours trez certain estât de l'entière amitié de

Vostre plus affertionné et plus asseuré amy,