AU HOY D'ESCOSSE

Monsieur mon Frère , J'ay donné congé au s' de Ramezay de s'en retourner pour ses afTaires , avec désir de me venir retrouver, m'ayant faict service trez agréable, et duquel je reçois beaucoup de contentement pour son honncstcté et valeur; pour laquelle je vous supplie, Monsieur mon Frère, luy vouloir, pour Tamour de moy, despartir de vostre laveur et bienveillance, comme certainement il l'a méritée. Il vous fera entendre Testât des affaires de deçà, qui est en somme, que nos ennemis s'en vont d'accord contre nous, et en intention de ruiner l'Eglise. Mais nous nous asseurons au secours de Dieu plus que jamais; et comme nous avons tousjours senti son assistance, nous espérons qu'il n'abandonnera poinct les siens. Je vous supplie. Monsieur mon Frère, que, comme nous sommes en cela conjoincts par mesme créance et mesme foy, que la commune amitié en toutes choses soit tousjours plus estreincte. Honorez-moy de la vostre, et prenez telle preuve de la mienne que à jamais vous me puissiez tenir, Monsieur mon Frère, pour

Vostre humble et trez alTectionné frère , à vous faire service,

HENRY