VERS LA MI-NOVEMBRE

Orig. autographe— G I rcl de M. F. Feuillet de Conehe».

AU ROY. MON SOUVERAIN SEIGNEUR

Monseigneur, Encores que je ne soys aucunement nommé ne cornprins au pouvoir que vous avez baillé à monsr le mareschal de Matignon pour l'exécution de vostre edict de pacification en ce pays, comme j'eusse bien désiré, pour faire cognoistre à chascun que vous me voulez tousjours maintenir en l'auctorité qu'il vous a pieu me donner en ce gouvernement , si est-ce qu'en attendant vostre bonne volonté et intention sur ce , et pour ne rien retarder, mais au contraire avancer et faciliter ladicte exécution, je suis entré en traicté avec luy et le sr de Believre sur le principal poinct, qui est Perigueux ; de manière que pour vous faire voir combien je désire de vous complaire et obéir en toutes choses, j'ay, nonobstant toutes difficultez et sans attendre quelques députez qui me viennent trouver, entendu à l'eschange qu'il* m'ont proposé de ladicte ville à une autre , ainsi qu'ils vous feront entendre; m'assurant que vous aurez agréable ce qu'avons arresté pour ce regard , et ne ferés difficulté sur la somme que je demande , comme je vous supplye trez humblement, Monseigneur, et croire que tant plus vous me donnerés des moyens , tant plus me sentiray-je obligé à vostre service , et d'employer pour iceluy tout ce que j'ay en ce monde , ainsy que vous le sçauriés désirer de celuy qui est

Vostre trez humble et Irez obéissant subject et serviteur.

HENRY