DE GENEVE

Messieurs, J'ay si bonne congnoissance de vostre toute la Chrestienté et de l'obligation qu'elle a, et particulièrement les Eglises de la France, à vostre pieté, vertu et constance, que j'ay tousjours eu particulière affection envers vous et vostre seigneurie; et souvent ay plaint les traverses que vous ont donné les efforts qu'on a faict contre vous, les pratiques et artifices dont on a usé pour vous surprendre, les travaux et peines que vous avez soufferts et les fraix et despenses où vous ave* esté toujours constitue!. Mais ce sont les vrayes marques des fidèles serviteurs de Dieu et de son Eglise, contre laquelle toutes les puissances du monde ne prevauldront jamais; et ra'asseure que tout ainsy que vous avez esté jusques icy préservez par la laveur et assistance spéciale de Dieu, elle no vous délaissera point. Pour mon regard, il me fera ceste grâce de me continuer la volonté qu'il m'a donnée de n'espargner jamais ne ma vie , ne mes moyens en ce qui touchera vostre deffense et conservation, en laquelle je suis et veux demeurer ferme, tant à cause du lien de religion qui nous doibt estraindre indissolublement, que aussy pour le regard de l'alliance et confédération que vous avez avec le Roy mon seigneur. Et n'ayant peu veoir maintenant occasion qui se présentait pour le vous faire paroistre , si ce n'est en m'employant pour la recommandation de vostre bon droict envers les depputez assembles

à la journée, pour composer le différent advenu entre monsieur mon cousin Je duc de Savoye, et vostre seigneurie, je n'ay voulu perdre teste occasion de leur escrire à cestc fin, encores qu'il y ait et parenté et bonne amitié entre mon dict cousin et moy, vous priant vous asscurer toujours de moy et de ce qui en deppend, et de mon amitié, dont avec les occasions je seray bien ayse de vous faire paroistre les bons et certains effeetz. Sur ce, je pricray Dieu vous tenir, Messieurs, en sa très saincte et digne garde et protection.

De Nerac, ce x"8 janvier i 583.

Vostre plus affectionné et assuré ainy.

HENRY

Orig. — \rch de» alTair» étrangères, eorresp. politique. M>. France, n* mi, fol 3l r*«l<>