VERS LE ÎO AVRIL

Orig. autographe. — B. R. Fonds BethuDe, M». 8828, fol. 19 recto. Cop. — B. R. Suppl. fr. Mt. I009-*.

A MON COUSIN MONS* DE MATIGNON

MAhKSCIUL DE FRANCK.

Mon Cousin, Oultre Tasseurance que me donnastes à vostre départ de me faire toucher les cent mille livres de Perigueux, le sr de Rc-

1 Voyes d-dessus la lettre du 37 mars i583.

' Voyei ci-dessus, lettre du 11 mai i58a, I", note t.

vignan m'a confirmé le soing et souvenance que vous en avez; dont je vous mercie. J'entends toutesfois que le receveur Bonaud faict tout ce qu'il peult pour les toucher; ce que je treuve bien estrange. Qui me faict vous prier de l'en empescher, et que le sr de Gourgue, ne ceux de sa compagnie, n'en ordonnent autrement à mon préjudice. Au demeurant je vous advise que, ennuyé de ma dicte et de garder la chambre si longuement comme j'ay faict , j'ai délibère de prendre l'air deux ou trois jours; de quoy je me treuve bien. Touttefois j'espere estre demain de retour à Nerac, où je seray fort aysc d'entendre de vos nouvelles : vous priant de m'en mander, comme à ecluy qui Jes recevra avec la mesme affection que vous scauriés désirer de

Voslre bien affectionné cousin et meilleur am\ .

HENRY

1583. — i a avril.

Orijç. — B. R. Food» Bétbune. M». 8834, fol. 81 reclo.

A MON COUSIN MONS» DE MATIGNON

M\r,FM IM1 DE FRANCE.

Mon Cousin, Ceulx de la religion reformée de Villeneufve d'Agenoys envoyent vers vous pour, suivant les editz de paix du Roy mon seigneur, avoir l'exercice de leur religion dans l'enceinte de la ville. C'est chose qui ne leur peut estre desniée, ayant pour loy et rciglc indubitable les mots exprés du dict edict; à l'entretenemcnt duquel sçachant combien vous apportez de sincère affection, je ne m'amuseray à vous y exciter par ceste mienne. Bien vous prieray-je de considérer que la chose qui plus nourrit les deffiauces parmy les ungs et les aultres est d'y laisser durer les marques de l'oppression. Il n'est que bon de faire garde dans les villes, mais non dy avoir des citadelles, lesquelles, oultre la despense, ne servent que d'accroistre l'insolence des ungs et la juste crainte des aultres. Je vous prye affectueusement, mon Cousin, pourvoyant à l'exercice des dicts de la religion reformée à Villeneufve-, faire oster les dictes citadelles,

LETTRES DE UENRI IV. — i. 65

51/i LETTRES MISSIVES

leur establissant néanmoins ung ordre certain et asseuré pour leur garde et conservation. Et sur ce, je prye Dieu, mon Cousin, vous tenir en sa saincte garde. De Nerac, ce xij* d'avril 1 583.

Vostre bien affectionné cousin et amy,

HENRY