A MESS" DES EGLISES REFORMÉES DE PROVENCE

Mess", Vous avez pu entendre comme messn les sindic et conseil de Genève, durant les troubles passez, voyant les Esglises de ce Royaume reduictes en nécessité, ouvrirent leurs bourses et employèrent leurs moïens pour les secourir en certaines occasions nécessaires qui se présentèrent lors; de sorte que, par parties vérifiées en l'assemblée des Esglises tenue à Montauban , se trouve leur estre deu clairement quinze mille livres, ou environ. Et neantmoins, a cause de la nécessité des dictes esglises, ils furent lors assignés de la

somme de huict mil livres seulement sur les six cens soixante treze mille tant de livres, ordonnées, par commission du Roy mon seigneur, estre imposées et levées sur ceulx de la Religion de tout 'son royaume , pour l'acquict des debtes des estrangiers. Et par ce que la dicte assignation est sur vous, et que la debte est si juste et raisonnable, laquelle ayant esté employée pour le gênerai vous touche aussy en particulier, attendu aussy la circonstance des personnes à qui elle est deue, je vous prie affectueusement, Mess™, que toutes froideurs et excuses, qui ont trop accoustumé d'estre en la bouche de ceux des Esglises, cessantes, vous faictes vostre debvoir d'acquitter une partie qui est si justement par vous deue, ayant esté particulièrement assignée sur vous; tout ainsy que les Esglises des aultres provinces font leur debvoir de payer leurs assignations, et, ce faisant, donner la satisfaction et contentement à ceulx auxquels la dicte partie est deue, sans y user de longueur ou dilation. Ce que m'asseurant que vous ferés trez volontiers, suivant l'affection et zele que vous estes réputés et renomez avoir à tout ce qui touche le bien gênerai des dictes Esglises, je ne vous en diray davantage; mais bien je prieray Dieu vous vouloir tenir. Mess", en sa trez saincte et digne garde et protection. De Pau, ce V jour d'octobre 1 583.

Vostre meilleur et plu» affectionné ainy,

HENRY

1583. — 5 octobre. — n-".

Orig. — Areh. de M. le barou ie Scurbiac, à Montauban. Copie transmue par M. Gustave de Clauiade, correspondant du miniatère de l'Iutruction publique.

CONSEILLER DO BOT MON SE1GKFCB, EN SA COCRT DE PARLEMENT DE THOLLOCSE ET CHAMBRE