A MESS" DES EGLISES DE

Mess", Il y a long temps que je déplore, avec tous ceulx qui ayment le bien et repos de nosEglizes, la desunion qui s'est fourrée entre les principaulx et plus notables membres d'icelles, à l'occasion de quelques différends qui nasquirent presque aussi tost qu'il eut pieu à Dieu faire icelles renaistre. Et comme j'apercevais, à mon grand regret, les maulx et inconveniens qui s'en seroient ensuivis au grand desavancement de nos dictes Eglises, scandale des infirmes et advantage de nos adversaires; au.ssy avois-je tousjours gardé un désir d'en cercher le remède selon la mesure du moyen que Dieu m'auroit donné, si tost qu'il luy auroit pieu nous donner quelque relasche des travaux qui nous ont occupé par tant d'années. C'est pourquoy, Mess", si tost qu'il m'a esté octroyé de respirer, j'ay eu ce faict à coeur, et l'ay faict plusieurs fois consulter avec les principaulx et plus notables personnaiges, tant des Eglises reformées du royaulme de France, que de mes pays souverains. Et despuis nagueres mesme le fis proposer en un célèbre synode national des Eglises de Franco . tenu en la ville de Viltray en Bretagne1, où nous eusmes cest heur de voir les Eglises de Flandres, par l'envoy de leurs deppulcz, unies en

Vitré

doctrine et confession avec les nostres. Auquel synode fus prié unanimement de toute l'assemblée de poursuivre la proposition que je leur en avois faict faire, et à ceste fin d'employer pcrsonnaiges d'auctorité, pieté et doctrine vers tous les Princes et Estats faisans profession de la religion reformée, pour les exhorter et supplier, chascun en son endroict, d'apporter à une œuvre si saincte et nécessaire tout ce que Dieu leur auroit donné de moyen et d'auctorité. A ceste fin donc, Mess", je despeschay despuis quelques mois le sieur de Segur, superintendant de ma maison, accompaigné d'un gentilhomme de ma chambre l, et d'un maistre des requestes de mon hostel*, personnaiges suifisans auxquels je donnay charge de traicter avec la serenissime Royne d'Angleterre, messieurs des Estats du Pays-Bas, le tres-puissant roy de Danemarck, les tres-illustres Princes, seigneurs et aultres des Estats du Sainct-Empire, et leur remonstrer à chascun, selon qu'il luy apparlicndroit, le mal qui provenoit de ceste plaie, qui ne peut qu'empirer si on la laisse envieillir, et le bien au contraire qui seroit à espérer si elle pouvoit estre close et fermée ; les priant, selon la coustume de l'Eglise ancienne, de remettre la décision de tous ces differens à un bon et légitime synode universel qui se pourrait tenir du commun consentement de toutes les Eglises reformées, lorsque Dieu leur auroit donné paix et repos. Et en attendant cest heur, de faire cesser selon la charité chrestienne toutes invectives tant de bouche que par escript, qui ne font qu'enaigrir la plaie que nous dcbvons adoulcir par tous moyens pour en faciliter la guéri son. J'espere, Mess", que vous trouverez ceste procédure bonne; et ce qu'elle aura profité vous l'entendrez par le dict sr de Segur et ceulx lesquels l'avoient accompaigné. Auxquels ou partie d'eulx avons donné charge de vous visiter de nostre part, vous reciter le fruict et progrez de leur négociation et tirer advis de vos prudences, de ce qui sera besoing de faire cy-aprés pour l'amener à sa droicte fin. Cependant parce que le dict voyage, auquel ils ont à visiter tant de

* M. de Buianval.

1 M. de Calignon.

roy», princes et estats, pourroit estre long, les Eglises du royaume de France ayant trouvé nécessaire d'envoyer vers vous pour vous eu communiquer amplement, et avoir sur ce vostre advis et conseil, j'ay aussi pensé de vous escrire la présente, et par icelle vous csclaircir en bref de mon désir et intention, laquelle, Mess", je vous prie-

ray d'entendre plus amplement et particulièrement du sr de

et vous asseurer au surplus que je n'espargneray jamais chose qui sort en moy, soit pour la générale paix et manutention des Eglises, soit pour la vostre particulière, en laquelle je recognois et l'interest public et le mien mesme; et sur ce, Mess"

[HENRY