VERS LA FIN DE L'ANNÉE

Orig. autographe. — B. K. Fond» Bethunc , M». 88J8, fol. 3o recto. Cop. — B. R. Suppl. fr. M». I0W-».

Mon Cousin, J'entends tous les jours infinies plaintes, non seulement de ceux de la Religion , mais aussy des catholiques et particulièrement d'aucuns des subjects de mes terres, de ce que vostre compagnie, qu'ils disent estre de plus de huit cens chevaux, se va mettre dedans Liborne, les uns disans n'en estre besoin et que le pays a esté assés foulé et est paisible, les autres en prennent grand'alarme. Ce qui me fait vous pryer bien fort, mon Cousin, d'en vouloir des-

1 Cette indication d'année se trouve en tête de la copie envoyée de Turin

charger le dict pays et la loger autre part. Je sçay que vous aimés la paix, et je crains que cela apporte, à la fin, quelque altération, atwsy que le dict pays se fasche fort de porter ccste foule, estant si paisible comme il est. Vostre compagnie seroit mieus à Perigueus ou en Rouergue , où il se faict beaucoup de desordres et où il y a plus d'occasion de la mettre, pour les réduire à obevr et à ce qui est de leur devoir. Depuis huit jours, Rastignac1 est entré au Mur de Bares, où vous aviés mis ceux de la Religion en vostre protection. Il en a tué quatre et en a pendu deux à un arbre, de son autorité privée, sous prétexte de quelque chasteau qu'il dict avoir esté surpris en Auvergne. Cet acte est fort estrange et à quoy il est besoin de pourvoir, si on veut entretenir et bien establir la paix. Vous avés pris la peine d'y aller, pour remettre le dict lieu, et de leur promettre seureté et protection; il seroit bien nécessaire d'y retourner, pour faire cognoistre que vous n'avés autre intention que de leur faire entretenir et garder la promesse que vous leur avés faicte. Et en y allant je vous prye, mon Cousin, passer par icy, et faire toujours estât assuré de mon amityé. comme de celuy qui veut demeurer pour jamais

Vostre plus affectionné cousin et assuré amy,

HENRY