A MESS'^* DE LA VILLE D'ORLEANS

Mes amis,

Je suis bien marry de vous venir visiter en telle compaignie , et d'estre conlrainct, depuis si long-temps que je me suis approché de vous, de montrer à ceste province et à vostre voisinage l'effroy et les incommodités que la guerre y apporte ^ J'ay toutesfois dés-jà rendu tant de tesmoignages, et devant Dieu et devant les hommes, du deplaisir que j'ay aux armes; j'ay partant de diverses actions monstre que les miennes n'avoient aultre but que la paix , que, sur ceste confiance, j'espère que Dieu les bénira, et principalement à cesle heure, quand aux yeulx de toute la Chrestienté, mon Roy m'a tant honoré de s'estre luy-mesme rendu juge de mes droictes intentions, et meilleur tesmoing que j'eusse sceu désirer à mon innocence. J'ay en gênerai convié par diverses fois la France à désirer son repos; j'ay, pour mon devoir au service du Roy, mon seigneur, et au bien de ma

« Le duc de Guise ayant esté tué à Blois le 2 3 décembre i588, Rosieux, secrétaire du duc de Mayenne, et gendre du sieur d'ArmonviUe, s'achemine à Orléans, fait prendre les armes aux habitans et bloquer la citadelle. M. d'AnIragues, gouverneur d'Orléans , se présente aux portes , qui luy furcnl fermées cl refusées, à cause qu'il avoit plongé les liabitans dans la rébellion de la Ligue, et luy, estant venu à résipiscence, les en vouloit destourner : si bien que les habitans desiroienl changemenld'un gouverneur, et se feussent remis dans l'obéissance; car j'ay veu inic lettre