A MONS"* DE POYANNE

Mons'" de Poyanne, Ayant entendu que le capitaine Gonse avoit prins deux de vos chevaulx, j'en ay esté bien marry, luy ayant mandé qu'il ne faille de les rendre incontinent; et ne l'en quicte pour cela, car je le casseray. Or je vous envoie ce porteur, qui est de mes gardes , avec ceste lettre, pour vous dire que je ne veulx souffrir que vous qui estes de mes amys, ne ceulx qui dépendent de vous, reçoivent desplaisir d'aulcuns des miens; et vous feray paroistre que j'ay en reconnoissance ceulx que j'aime comme vous. Et sur ce, je prieray le Créateur, Mons*" de Poyanne, vous tenir en sa saincte et digne garde.

De Navarrens, ce x^ septembre 1 585.

Vostre bien bon et asseuré amy, HENRY.

Je vous prie me mander si , estant arrivé au Mont de Marsan, je vous pourray voir en quelque lieu en la campagne, pour vous dire des choses qui importent au service du Roy.