LE ROY. A PARIS

Messieurs, Je ne désire aultres juges que vous, de tout ce qui s'est passé depuis ces derniers remuëmens. Car vous avés peu voir en combien de sortes les ennemis de cest Estât et les miens ont tenté ma patience; avés aussi veu combien le respect du Roy et le bien de ce Royaume ont eu de pouvoir sur moy pour me retenir en ma juste douleur. Cependant il en est advenu (et je m'asseure que vous recognoissés tous le tort qui m'y est fait ) que les ennemis du Roy et du Pioyaume sont auctorisez et armez contre moy; tellement qu'il fault que ma patience et mon obéissance portent la peine de

leur rébellion, et que Testranger soit contenté aux despens du domestique, et le serviteur, de l'enfant de la maison. C'est chose, Messieurs, qui m'est à la vérité très dure. Mais j'ay Dieu pour protecteur, la France pour juge, vous tous pour tesmoings, le Roy mon seigneur (car je n'en puis doubler) pour approbateur de ma sincérité. Je plains le mal-heur de cest Estât; mais Dieu sçait à qui en est la coulpe, et leur en sçaura donner la peine. Je plains les calamitez du peuple; mais on sçait qui a troublé la paix, de gayeté de cœur, et quelle nécessité m'est imposée de me garder. C'est en vain , Messieurs, que je vous repeterois les conditions que j'avois proposées. Vous les avés veuës, et sçavés assez si elles meritoient qu'on y eust quelque esgard. Ne me reste plus que de vous supplier tous, par le serment que vous devés à la France, de vous opposer par vostre auihorité à la conjuration que vous voyez à sa ruyne. Au moins n'assistés de vostre auctorité un si pernicieux dessein; au moins favorisez de vos vœux ceulx qui veulent employer leur vie pour empescher la misère et dissipation de cest Estât. Je ne veulx et ne requiers de vous que ce que vous jugerés selon vos consciences. Si ma cause est juste, je désire que vous l'approuviés; si elle est injuste, ordonnés. Messieurs, ce que vous penserés estre de vostre debvoir et du bien de cest Estât. Dieu m'est pour tesmoin que je suis et ay esté fidèle au Roy, que j'aime la France, que j'honore les gens de vertu qui la maintiennent, que je pleure la confusion et la calamnité que j'y voy entrer en tous estats. Je le prie, Messieurs, qu'il vous assiste de sa vertu, vous que j'ay tousjours tenuz pour colonnes de ce Royaume, à ce que puissiez en ces esbranlemens avoir la louange, comme plusieurs fois, d'avoir soustenu et appuyé le corps de cest Estât. Et j'espère aussi qu'il me fera la grâce d'y servir si bien le Roy mon seigneur, et d'y estre si bien servy de bons François, amateurs de sa couronne, que je luy feray voir, en peu de temps, la fm de ses ennemis et le repos de ses subjets; à quoy je n espargneray ny mon sang ny ma vie. Sur ce donc.

Messieurs, je feray fm, priant Dieu de vous avoir en sa très saincte

LETTRES DE HENRI IV. II. l8