AUX DÉPUTÉS DES ESTATS DE RRETAGNE

Nos amez et feaulx, Nous avons entendu, par plusieurs despesch es que nous a faictes nostre cousin, le mareschal d'Aumont, la diminues.

lion des forces que nous avions destinées pour le secours de noslre province de Bretaigne, et le besoing qu'il a d'estre par nous renforcé de quelques troupes de nos Suisses, ce que nous eussions bien voulu faire pour le soing que nous avons de nostre dicte province; mais les affaires que nous avons maintenant sur les bras nous ont empescbé d'accorder la demande qu'il nous en a faicte. Nous reconnoissons assez, à nostre très grand regret, que la nécessité de nos affaires n'est pas remède suffisant, ny la garison des maux qui vous affligent; mais la connoissance que vous en avez doit adoucir en partie la douleur de vos playes, puisque le chef participe en celle de ses membres , et qu'il porte avec aultant de desplaisir les vostres que les siennes. De diminuer nostre armée estant employée en ung siège d'une plasse qui tirera par adventure après soi une seconde bataille, que le duc de Mayenne faict courir le bruict qu'il me veut donner, ce seroit demeurer desarmé à sa force, et ruiner nos affaires de tout point. C'est pourquoy nous avons esté d'advis que nostre cousin se restast dans le pays et qu'il despai tist ses troupes par les garnisons pour s'opposer aux desseins du duc de Mercœur, en attendant que, par le moyen d'ung plus grand secours, il se puisse rendre maistre de la campagne et entreprendre ce qui sera jugé le plus utile pour notre service; de quoy nous avons bien voullu vous donner advis , afin que vous y apportiez du vostre tout ce que vous penserez nécessaire pour cest effect, enrichissant vos mérites passez encore de quelque patience. Et croyez que vous ne soubaitez point vostre soullagement avec plus d'affection que nous desirons vostre repos et le moyen de vous faire paroistre nostre bonne volonté; et que nous ne perdrons une seule heure de temps à le vous faire congnoistre par effect. En cesle vérité, nous prions Dieu qu'il vous ayt, nos amez et feaulx, en sa saincte et digne garde. Escript au camp de Dreux, le 28me jour de juing i 093.

HENRY

POTIER