MOINS1- DE SPONDILLAN, CAPITAINE DE CINQUANTE HOMMES D'ARMES

DE MES ORDONNANCES

Monsr de Spondillan, Ayant advisé d'approcher mon cousin , le duc de Montmorency, près de moy, pour m'en servir en mes plus importants affaires, je me suis aussy résolu de le pourveoir de Testât et

office de connestable de France l, qualité condigne aux grandes vertus et mérites qui sont en luy, et par mesme moyen donné la commission et l'ordre que vous entendrés par luy pour l'administration et conduicte des affaires du gouvernement de mon pays de Languedoc durant son absence; vous priant, en ce qui dépendra de vous, faire ce qui vous sera ordonné par mon dict cousin pour le bien de mon service, qui me sera un nouveau tesmoignage de l'affection avec laquelle je sçay que vous avés tousjours embrassé les occasions qui se sont présentées pour mon dict service, et une forte recommandation de vos mérites, pour les recongnoistre comme vous pouvés croire que je feray volontiers en ce qui s'offrira pour vostre bien et advancement, ainsy que le sr de la Fin vous fera entendre plus particulièrement de ma part, auquel me remettant, je prie Dieu, Monsr de Spondillan, vous avoir en sa saincte garde. Escript à Vernon, le vnje jour de décembre i 593.

HENRY

REVOL

Orig. — Archives de la ville de Châlons-sur-Marne. Copie transmise par M. Ed. de Barthélémy, ■ correspondant du ministère de l'Instruction publique.

A NOZ CHERS ET BIEN AMEZ LES MAIRE ET ESCHEVINS DE NOSTRE VILLE DE CH ALLONS.

Chers et bien amez, Auparavant la réception de vos lettres, nous avons satisfaictà icelles, comme vous pouvez avoir entendu par le retour du messager que vous nous aviez envoyé, <pii partit hier matin. Et, affin que vous ne doubliez pas de nostre intention, si par fortune le dict messager couroit fortune [sic) par les chemins, nous vous faisons la présente pour vous dire qu'estans advertys que nostre très cher

1 Voyez, à ce sujet, une lettre du 7 dé- doc, dans le Recueil des Lettres missives, cerabre, aux États généraux de Langue- t. IV, p. 63.

et très amé cousin, le duc de Nevers, est maintenant à Rome, et sur la proposition et resolution du subject de son voyage, nous avons pensé estre non-seullement bien à propos pour la saison de dévotion en laquelle nous sommes maintenant, mais très nécessaire pour le bien de la chrestienté et repos de ce pauvre Royaulme tant affligé, adresser nos vœus et prières à Dieu par processions publiques, pour le remercier de la grâce qu'il a pieu à sa divine bonté faire à nostre cousin en son voyage, avecques 1res humbles supplications qu'il luy plaise tellement inspirer et disposer le cœur de nostre Saincl Père le Pape et de tout le consistoire de nos cousins les cardinaux à recevoir favorablement ce qui sera proposé et représenté à Sa Saincteté de nostre part el celle des princes et seigneurs catholicques, nos bons serviteurs et subjects; que comme père commun il apporte les remèdes tant désirés à nos maux, et que les impostures desquelles par artifices l'on a jusques à celte heure diverty les effects de ses bonnes et sainctes intentions cèdent maintenant à la vérité, et qu'il l'embrasse désormais avec aultant d'affection que, soubs prétexte de pieté, il a suivy el favorisé l'ambition de ceulx qui se vouloyent approprier de la couronne qu'il a pieu à Dieu nous donner, ou ruyner de tout nostre Estât, s'ils ne s'en pouvoyent rendre les maistres, et par conséquent de la religion et de la chrestienté, au lieu de .les conserver, comme ils en ont abusé du manteau, du masque et de la couleur.

Acesle cause, suivant ce que nous vous avons desjà escripl, nous \ous mandons que vous ayez à donner ordre qu'en nostre ville de Challons, il s\ face processions publiques à ceste lin, et que chascun se mette en estât de rendre ses vœux et prières exorables au bien el repos de nostre Royaulme. Sy n'y faictes faulle, car tel est nostre plaisir. Donné à Vernon, le xix' jour de décembre i5g3.

HENRY