COMMANDANT EN MON CHASTEAU DE LECTOURE

Cappitaine Mazelieres, Encores que nous ne doubtons point que vous gouvernerez si sagement, en la charge que nous vous avons donnée pour la garde de nostre maison el chasteau de Lectoure, que nous et nos subjects du dict lieu en aurons contantement, et que nous n'en receuvrons aulcune plaincte de nos dicts subjects, nous n'avons pourtant vouleu différer de vous dire que nous n'entendons point que vous commandez au corps et communaulté d'icelle nostre dicte ville, ne que vous prenez aulcune chose d'eulx sans leur consentement et de gré à gré, ne voulant et entendant que vous ouvriez les portes du dernier2 de nostre dict chasteau sourtans et repondans hors la ville, ne que vous y passiez ou fassiez passer de jour ny de nuyt sur peyne de nous désobéir, mais gardez bien de y faire faulte. L'asseurance que nous avons que ainsin le ferez nous faict prier le Créateur vous avoir, cappitaine Mazelieres, en sa garde. Escript à Nerac, ce second jour d'octobre i576. •

HENKY.