A MONS" DE LUXEMBOURG, DUC DE PINEY, PAIR DE FRANCE

Mon Cousin, Vous sçaurez de l'evesque de Rennes tout ce que le s1' de Villeroy luy escript par mon commandement, de sorte que je ne vous en feray redite1; mais je vous prieray de comprendre l'archevesque de Bourges, mon grand aumosnier, au nombre des prélats que je vous ay commandé proposer au Pape, dignes d'estre honnorez du chappeau de cardinal'2, quand il sera temps d'en parler; non que je prétende que le Pape l'en gratiiïie ny aussy qu'il s'y attende de son costé; mais seulement affin que Sa dicte Saincteté ne puisse sy on doubte que je l'estime indigne d'un tel honneur; car vous sçavez que ses bonnes qualitez et services ne méritent une telle défaveur. Mais souvenez vous tousjours de ne rien faire ny proposer à Sa Saincteté sur le subject qui puisse nuire ou reculer la promotion des trois premiers que je vous ay recommandé- par vostre instruction, selon l'ordre d'icelle, car j'affectionne de plus en plus cesle gratiffication e.t serois très marry d'en estre esconduit; travaillez y doncques, je vous prie, et m'escrivez de vos nouvelles. Priant Dieu , mon Cousin, vous avoir en sa saincte garde. Escript à Escouy, le septiesme jour de febvrier 1097.

Imprimé. — Histoire ecclésiastique cl civile Je Verdun, par l'abbé Roussel . in-4°, pièces justificatives, p. 70.