DE PAR LE ROY, CONTE DE PROVENCE

Chers et bien amez, Nous ayant nostre très cher cousin le duc d'Espernon faict entendre que sur le commandement que nous vous avions cy devant faict par nos lettres closes.de luy rendre ou à ses procureurs et agent une galère, canon et munitions qui luy appartiennent et auroyt délaissé en vostre pouvoir en nostre ville de Thoulon; pour n'y avoir seullement satisfaict que pour regard de la dicte galère allegant avoir employé partie de ses munitions ot que les canons vous apparlenoient. Ne pouvant recevoir ceste excuse, sçachant à la vérité que partie des dicts canons ont esté gaignés par nostre dict cousin sur le duc de Savoye, lorsqu'il remit la ville d'Antibes soubs nostre obéissance, et qu'il a faict faire et forger les aultres (?), nous vous avons bien voullu encores escrire ceste lettre pour vous enjoindre, comme nous faisons très expressément, de ne différer plus à remettre et restituer au plus tost aux mains des dicts procureurs et agent de nostre dict cousin toutes les munitions et canons, tant o-ros que petits, par luy délaissés en vostre ville, en quelque part qu'ils puissent avoir esté transportés; à quoy ny aulcuns sur.ee doibvent s'opposer, puisque c'est nostre volonté, laquelle vous ne ferez faulte de suivre pour ne donner occasion à nostre cousin de recourre aux contraintes, que nous luy accordons volontiers pour chose si équitable que celle cy. Partant ne faillez de l'en contenter, sur tant que desirez nous obeyr. Donné à Paris, le mje jour de juing i 697.

HENRY

FORGET

[1597.] — 5 juin.

Orig. autographe. — Papiers de M"" Thierry de Ville-d'Avray. — Copie transmise par M. le secrétaire perpétuel de l'Académie de Rouen.