A MONSR LOYSEAU

Loyseau, ie vous fay ce mot pour vous dire que vous ne fassies faute de vous rendre auprès de moy au temps que vous mande monsr de la Rivière, d'autant que iauray besoin en ce temps là de vostre service, m'asseurant que n'y fairez faulte prieray Dieu, Loyseau, qu'il vous aye en sa garde.

HENRY

B. N. Fonds Dupuy, n° 212 , fol. 255 r°.

AU DUC DE LUXEMBOURG

Mon Cousin, Comme je voulois vous renvoyer Valerio avec mon aultre lettre, j'ay receu la vostre du xje de juin apportée par Marquemont; et puis que vous n'estes pas d'advis que j'envoye par delà exprés pour de rechef saluer Nostre Saint Père sur l'occasion de la paix, j'en useray ainsy, car j'avois jà quasy pris ce conseil, comme vous verrez par mon aultre lettre ; mais il faudra que l'evesque de Rennes et Poictevin partent au plus tost pour aller visiter ces aultres princes, afin de ne laisser vieillir l'office que je veux qu'ilz facent. Quant au discours que vous m'avez escript se faire par delà sur la conclusion de la dicte paix, et la remise qui a esté faicte au jugement de Sa Saincteté du marquisat de Saluées, j'espère que le temps fera changer de langage à ceulx qui craignent que le delay qui a esté pris en cela ne me face perdre le fruict que je dois attendre de la justice

' Avant et après cette lettre on trouve, dans le livre d'où elle esl tirée, des détails trèscurieux sur la maladie du Roi.

de Sa Saincteté : car le droict que j'ay au dict marquisat est sy clair et bien fondé que je ne puis doubter que le jugement qu'en donnera Sa Saincteté ne soit en ma faveur, de quoy il suffira de parler en temps et lieu. Cependant j'auray tousjours à plaisir que vous continuiez à m'advertir de ce qui s'en dira.

Je suis certain que Sa Saincteté a en l'ame la mesme volonté qu'Elle vous a déclarée sur le faict du grand duc, qui est de conserver l'Italie en paix, et plustost en pourcbasser et affermir le repos qu'en favoriser le trouble : car Elle faict congnoistre par toutes ses actions qu'Elle a pour but principal l'augmentation de la gloire de Dieu et de son Eglise; et suis bien ayse que vous vous soyez conduict, comme vous m'avez escript, quand vous lui avez parlé du dict duc, lequel, s'il eust suivy mon advis, n'eust pris l'alarme sy ebaude qu'il a laid : mais la pierre en estoit jettée quand il a receu ma despesebe de laquelle je désire qu'il soit demeuré satisfaict, comme le mérite la franebise dont j'y ay procédé. Mais je ne sçay pour quoy il a retenu lu"dicte depesebe que je vous avois escriple par luy, puis qu'il ne me la renvoyé; et sera bon que le dict evesque de Rennes le voyant s'en esclaircisse de vostre part, sans toutesfois monstrer que l'on en ayl pris defïiancc, non plus que je vous asseure que je l'ay prise de la volonté en mon endroict du cardinal Sainct Georges, quoy que je vous aye escript de luy sur ce subjecl, car l'advis que je vous en ay donné a esté à l'aveu de celuy du dict duc : partant vous continuerez à l'asseurer de ma bonne volonté et à luy monstrer que j'ay toute fiance en luy. Je n'ay rien à adjouster aussy à ce que je vous [ay] escript par mon aultre lettre touchant la guerre contre le Turcq, en laquelle il semble que Sa Saincteté désire m'engager avec tous les princes cbresliens, sinon que je ne puis assez louer le désir de Sa Saincteté en cest endroict, auquel vous la conforterez de ma part quand Elle vous en parlera, afin qu'Elle croye que les moyens d'y contribuer me manqueront tousjours plus lost que la volonté et le courage de le faire; car je vous asseure que je m'embarqueray tousjours bien plus volontiers en une telle guerre pour le bien pubbcq de la

DE HENRI IV. tu

chrestienté que je ne me confieray aux promesses et belles paroles des jésuites, car j'ay trop avant esprouvé leur dissimulation et malice et la mauvaise volonté qu'ilz me portent; aussy sont-ilz regiz et gouvernez par personnes non-seulement qui ne m'ayment point, mais aussy qui ont l'aine plus vindicative que religieuse. Partant destournez doucement Sa Saincteté de l'opinion qu'Elle monstre avoir de les favoriser en mon royaulme, et vous me ferez service très agréable, comme vous ferez, sy vous pouvez, obtenir l'induit de Metz, Toul et Verdun, dont vous m'avez renouvelle la mémoire par vostre dicte lettre; partant ayez en soin, et continuez à vous opposer à l'érection d'un evesché à Nancy, que l'on poursuit par delà, car c'est le moins que l'on pouvoit faire que de s'en adresser à moy et en rechercher mon consentement devant que de l'entreprendre, puis que les eveschez qui y ont interest sont soubz ma protection.

J'ay délibéré d'envoyer le Sr de Bothern devers le duc de Savoye pour prendre son serment sur l'observation de nostre traicté de paix. Je recommanderay par luy la dellivrance de l'admiralle de Chastillon, que j'affectionneray comme chose qui me touche, que j'ay très à cœur et que j'estime aussy estre juste.

Je ne vous parle plus de la promotion des cardinaulx, car vous sçavez quelle est ma volonté sur cela, de laquelle vous continuerez a avoir soin, quand l'occasion s'en présentera; mais je commanderay à ceuLx de Joyeuse et de Givry qu'ilz s'en retournent au plus tosl auprès du Pape, où je sçay que leur présence et demeure peut estre plus utille à mon service qu'en ce royaulme. Jusques à présent ilz se sont excusez de ce faire sur la guerre et leurs affaires; mais puis que Dieu nous a donné la paix, ilz y pourront mettre ordre plus facillement et promptement que devant; partant je les feray solliciter de s'y achemyner, et ne cesseray qu'ilz ne soient partiz ; ne voulant pour la recommandation particulière que je vous ay faicte en faveur de l'evesque de Langres que vous changiez l'ordre que je vous ay prescript par mes précédentes depesches, touchant ceulx que j'entendz estre recommandez et promeuz à ceste dignité; et vous avez très bien faict d'avoir

voulu estre esclaircy de mon intention sur sela, devant que d'effectuer le commandement que je vous ay faict par la dicte lettre particulière, et veuz que vous continnyez à en user ainsy à l'advenir en semblables occasions.

J'attendz le me de camp Grillon pour vuider ses prétentions acquises du temps du feu Roy, sur l'archevesché d'Arles, pour favoriser l'expédition de ce bénéfice au nom de l'evesque d'Atry, suivant la recommandation de mon cousin le cardinal Aquaviva, lequel je désire gratifier et contenter tant qu'il me sera possible. Le dict de Grillon doibl arriver icy devant peu de jours, et lors je termineray ce faict dont je vous donneray advis.

Je feray tenir à Rome les douze cens escuz qu'il fault payer pour retirer les tapisseries dont vous m'avez escript par vos dernières, ainsy que je vous manderay par le prochain ordinaire : car je ne les veux pas laisser perdre, puis qu'elles valent mieux que cela et qu'elles ont esté faictes de sy bonne main.

Je m'esclairciray aussy avec ceulx de mon conseil de ce que je pourray faire pour contenter le s' Horatio Rucellay1, afin de retirer les bagues qu'il tient en gage, car je ne veux accepier l'offre qu'il m'a laicte que je ne sois bien asseuré d'y pouvoir satisfaire. Cependant vous luy direz que je luy sçay bon gré du dcbvoir auquel il se met pour ce regard; auquel vous continuerez à l'entretenir.

Ceulx de mes finances m'asseurent que vous serez très bien payé de vostre estât de ceste année et qu'ilz feront acquicler aussy ce qui vous est deub de l'année passée, de sorte que vous aurez de quoy rembourser ce qui vous a esté preste et continuer à me servir, comme je désire que vous faciez. Je prie Dieu, mon Cousin, qu'il vous ayt en sa garde. Escript à Sainct Germain en Laye, le deuxiesme jour de juillet 1598.

' liuccellai, personnage fameux par ses bagues 011 enlendait alors toutes sorles de richesses et son luxe. J'ai déjà dit que par bijoux.

Orig. Archives de la maison de Montécler. Copie transmise par M. Beaulnfere.

A MON COUSIN LE COMTE DE BRISSAC, MARESCIIAL DE FRANCE, MON LIEUTENANT GENERAL AU GOUVERNEMENT DE BRETAIGNE.

Mon Cousin, J'ay tant de contantement des bons [services1] que les sieurs des Arsis- et de la Cliesnaye m'ont [faict que] j'eusse bien désiré avoir plus de moyen de les [en recompenser]. Mais ne le pouvant à présent pour la nécessité des [circonstances], je leur ay acordé la somme de mil escus [sur] les deniers extraordinaires de mon [espargne], au payement desquels je vous prye tenir [la main et] apporter tout ce qui deppend de vostre auctorité, pour [que] le don ne leur soit infructueux. Ce que m'as [seurant] que vous contribuerez vollontiers pour la cognoissance particulière que vous avez de leurs services, je prie Dieu, mon Cousin, vous avoir en sa saincte garde. A. S' Germain en Laye, le xnje jour de juillet i5g8.

HENRY

POTIER

1598. — I k JUILLET.

Orig. — Archives de la famille de Sainte-Auiaire.

A MON COUSIN LE DUC DE JOYEUSE, PAIR ET MARESCHAL DE FRANCE ET L'UN DE MES LIEUTENANS GENERAUX AU GOUVERNEMENT DE LANGUEDOC.

Mon Cousin, Vous avés entendu la nouvelle de la paix qu'il a pieu à Dieu me donner avec mes voisins, car je vous en ay adverty pour la faire publier et observer en l'estendue de vostre gouvernement.

' «L'original est en très-mauvais élat. gnés dans la copie sont ici entre crochets ,

Nous avons souligné les mots rétablis, ainsi que ceux que cette copie laissait

et laissé en blanc ceux, dont nous avons en blanc et que nous avons cru pouvoir

douté.» (M. Beaulnère.) Les mois souli- rétablir.

LETTKES DE I1ENIU IV. VIII. 0°

Et affin que vous le puissiés mieux faire, et que vous sçachiez de quelle façon vous aurés doresnavant à vous conduire avec mes dicts voisins, je vous envoyé les articles du traicté de la dicte paix, lesquels j'ay bien voulu accompaigner de la présente; et pour ce qu'elle n'est à aultre fin, je prie Dieu, mon Cousin, qu'il vous ayt en sa saincte et digne garde, Escript à Paris, le xinje juillel i5()8.

HENRY

DE NEUFWLLF..

[1598.] — i6juili i r.

Cop. — B. N. Suppl. franc. Ms. 9540. (D'après l'autographe qui était dans le cabinet

Jolv de Kl