ET DE BRIE

Mon Nepveu, Depuis que vous m'avez représenté ce qui s'est passé en vostre gouvernement, en l'exécution de mon edict de pacification, et particulièrement eu ma ville de Chalons, pour l'establissement du lieu où le presche se doyt faire, les sieurs de Montlouis et président Jeannin sont venus me trouver et m'ont rendu compte de ce qui s'est faict pour l'exécution de mon dict edict, principallement en ma ville de Chalons; m'ayant représenté les difficultés survenues entre les catholiques et ceulx de la religion prétendue reformée pour l'establissement du dict presche, ayant considéré toutes les raisons qu'ils m'ont proposées d'une part et d'aultre, les mesines advis qu'avez eus du sieur de Thomassin et des habilans de ma dicte ville, et m'estant faict représenter en mon conseil le dict edict et articles, j'ai recogneu que les dicts sieurs de Montlouis et président Jeannin ont suivi et observé ce qui est porté par eulx, et que l'exécution n'a esté retardée que pour la difficulté faicte par le sieur evesque de Chalons d'accommoder à ceulx de la dicte religion le lieu de Vinay, duquel la seigneurie luy appartient; ayant cependant fort à propos estably le lieu du dict presche à Combartrix, et d'aultant, mon Nepveu, que je desire que cest establissement se fasse au contentement de tous mes subjects, et selon qu'il est ordonné et prescrit par le dict edict, je vous prye d'assembler au plutôt les habitans de ma dicte ville, tant catholiques que de la dicte religion, pour leur faire entendre mon intention qui est que, suivant l'edict, l'establissement du dict presche se fasse au dict lieu de Vinay, sy le dict evesque le veull permettre et qu'il ayt agréable d'en prendre recompensalion; que tous les habitans travaillent ensemble pour trouver un aultre lieu en pareille dis-

lance de ma dicte ville, qui soit à la commodité des ungs ou [et?] des aultres. Ce que je vous prye leur enjoindre très expressément et faire ([ue les sieurs d'Inteville et de Thomassin, s'ils sont près de vous, s'cmployent d'affection pour faire effectuer cela au dict Vinay ou dans un lieu aussy commode; et au cas qu'ils ne puissent tomber d'accord, ma volonté est que le dict presche soit continué au lieu de Combartrix, suyvant l'establissemenl faict par les dicts commissaires, à quoy, mon Nepveu , vous tiendrez la main avec pareille affection que vous desirez le bien de mon service et le repos de mes subjects. J'ay aussy entendu des sieurs de Montlouis et président Jeannin la difliculté qui s'est présentée pour l'establissement du prescbe à Epernay, et m'ont esté remonstrées les raisons proposées par ceulx de la dicte religion et celles des babitans de la dicte ville, desquelles j'ay faict tel poid el considération que j'ay advisé et jugé ceulx de la dicte religion qui demeurent [en] la dicte ville eslre mal fondés à demander l'establissement du presche en la dicte ville, me souvenant que le sieur de Vignolles n'a faict prescher en la dicte ville que par tollerance et pour luy et ceulx de la garnison qui estoieut en la ville seulement. Ce qui ne penlt avoir acquis possession aux babitans d'icelle pour y continuer le dict prescbe, lequel je ne veulx estre faict en la dicte ville, mais au lieu qui leur est permis par mon edict el qui leur sera ordonné par les commissaires ; à quoy vous tiendrez la main. El pour le regard de Vilry, j'ay agréable que le presche se fasse au lieu que les commissaires ont ordonné, puisqu'il leur est commode. En attendant que la chaussée qui doyt estre reparée soit en estât qu'on y puisse passer, il faudra que ceulx du dict Vitry continuent d'aller oyr le prescbe à Vitry-la-brulée, comme ils ont accoustumé. Si ce n'est que de gré à gré le sr de Sommyevre leur permette de faire l'exercice de leur relligion au village proche du dict Vitry, qui lui appartient, lequel les commissaires m'ont dict leur estre commode. Voilà ma volonté sur les trois difficultés qui se sont présentées dans l'étendue de vostre gouvernement, laquelle j'ai faict entendre aux dicts commissaires et je l'ay voulu mander, afin que vous teniez la main à l'ob-

DE HENRI IV. ~'i\

servation d'icelle, comme je vous prye de faire et me donner advis, s'il se passe quelque chose au contraire. Vous advertirez ceulx du dict Vitry que j'ay agréable que les deniers nécessaires pour les réparations de la chaussée se livrent par mon receveur d'octroy, selon leur proposition; et sur ce, je prye Dieu, mon Nepveu, vous avoir en sa saincte garde.

Escrit à Fontainebleau, le vije jour d'octobre 1699.

HENRY