AUX CHANOINES DE L'EGLISE DE VERDUN

Très chers et bien amez, Nous avons esté bien amplement informez par le sieur Coytenot, chantre de vostre église, du sujet que vous avez de vous plaindre des deportemens des ministres et officiers de nostre cousin le duc de Brabant, pour les entreprises qui se lont journellement sur vos terres et subjects, et des pertes, foulles et oppressions que vous et luy en recevez. Nous trouvons bon et aurons toujours plus agréable, que ce qui est en cela de différent entre vous et nostre dict cousin se termine par une conférence amyable plus tost que par représailles et aullres voyes de faict. Nous avons présentement mandé au sieur de la Boderie, nostre ambassadeur résidant près nostre cousin, qu'il ayt à le disposer, et ceulx de son conseil, à la dicte conférence, et convenir avec eulx, s'il est possible, du temps et des lieux dont vous nous avez faict requérir, puisque jà commodément on a commencé à y conférer et traicter des mesmes difficultez, au mesme temps que nous en avons la resolution; nous ordonnerons de nostre part ceulx que nous jugerons estre propres à la dicte conférence et vous en ferons advertir, afiin de vous préparer à ce qui y sera requis de vous, et désirerez qu'on y face pour vous. Nous donnons charge expresse cependant, au sieur de Houssonville, d'opposer nostre auctorité aus dictes entreprises et vous en garantir et deiïendre par les voyes de doulceur et justice, touttefois sans altérer l'amitié commune que nous desirons maintenir de part et d'aultre

le plus que faire se pourra, à quoy nous croyons qu'il satisfera. El

sur ce, nous prions Dieu qu'il vous ayt en sa saincte garde. Escrit à

Paris, le vingtiesme jour de mars i 600.

HENRY

POTIEK.

[1600.] — 3l MARS.

Orig. autographe, — Bibiioth. impér. de Saint-Pétersbourg, Ms. 887, vol. I. n° 61. Copie transmise par M. Houal.

A MONSIEUR DE BELLIÈVRE, CHANCELIER DE FRANCE

Mons1 le Chancelier, Je vous fay ce mot pour vous dire que je \eulx et entends que vous scelliés la grâce laquelle j'ay cy-devant accordée au sr de Campon, comme chose que je désire, tant en considération de ses services [passés?] que du jour d'aujourd'huy. Vous ferés en cella chose que j'auray pour très agréable. Celte-cy n'eslanl à autre fin, Dieu vous ayt, Mr le Chancelier, en sa garde. Ce demie] de mars, jour de vendredy saint, au bois de Vincennes1.

HENRY

Minute. — IS. N. Fonds Harlay, n" 15577.