AI CONCIERGE DE MON CHATEAU DE PAU, M£ ROBERT REMY

Concierge de Pau, Ayant entendu que vous avyez quelques aunes de velours cramoysin, et d'autant que ma seur en a affaire d'une partie pour sa chambre, j'ay bien voulu vous escripre ceste cy pour vous mander de luy en bailler ce qu'elle vouldra recouvrer; et rapportant la présente avec certification sufisante , vous en serez tenu quicte et deschargé partout où il apartiendra; et n'estant ceste cy à autre fin, je prieray Dieu vous avoir en sa saincte garde. De Nerac, ce xxvnje d'avril 1 578.

J'ay advisé, depuys la présente escripte, de vous mander que vous m envoyez tout le dict velours cramoysin, car je pourray avoir affaire pour ma chambre.

Vostre bon maistre, HENRY.

1578. — 8 mai.

Orig. — Archives de la ville de Bayonne. Copie transmise par M. Genestet de Chairac, correspondant du ministère de l'Instruction publique.

A MESS"5 LES ESCHEV1NS, GENS DU CONSEIL, CORPS ET COMMUNAUTÉ DE LA VILLE DE BAYONNE.

Mess", J'ay veu par vostre lettre les meurtres, pirateries et voleriesqui se commettent journellement en vostre quartier sur les subjects du Roy mon seigneur, et ses confédérés estrangers, par la connivence, participation et intelligence des officiers de l'admiraulté avec

les criminels et coupables, et mesmes par le mauvais debvoir de (que?) faict entre autres nostre procureur et l'advocat qui exerce la judicature en l'absence du juge, soubz prétexte de prendre garde aux transports des bleds et. denrées prohibées; de quoy je suis grandement deplaisant. Je ne désire rien tant que d'en (aire faire une seure et exemplaire punition; el pourtant (partant?) je trouverai forl bon et vous prie de faire bien deument informer des abuz et malversations des dicts olhciers et m'en envoyer les informations. Et, s'il est de besoing que je vous envove pour cesl cITecl le visenescbal de Guyenne, je le vous envoyerai et le chargeray d'y procedder exactement. Quant à la commission que j'ay octroyée au beau- frère du dict procureur pour prendre garde au dict transport , il me semble que cela estoit requis et nécessaire. Mais si, soubz couleur de cestc commission, il en abuse et faict chose préjudiciable au service du Roy mon seigneur et au public, en eslant bien et deuement certifié, croyez que je seray plus prompt à luy revocquer la dicte commission que je n'ay esté à la luy octroyer; voire le feray tellement pugnir que vous en demeurerez satisfaicts et contens. Car, outre que cela dépend de mon debvoir, je n'ay pas moindre affection àvostre bien gênerai et particulier, comme vous peuvent avoir monstre cy devant mes prédécesseurs, mais désire en cela les surpasser par tous les moyens que je pourray le faire cognoistre; et en ceste bonne volonté, je prie Dieu, Mess", vous avoir en sa samete garde. De Nerac, ce vuj' jour de mav 1678.

1 Vostre bon aray, HENRY.

Dp la main du roi de Navarre.

(j0p, — Archives de Lectoure, registre des délibérations, de i54i à 1578, foi. 282 verso.

Envoi de M. de Mélivier.

DE PAR LE ROY DE NAVARRE. CONTE D'ARMAIGNAC, GOUVERNEUR ET LIEUTENANT GENERAL POUR LE ROY EN GUYENNE.

A NOS CHERS ET BIEN AMES LES CONSULS DE NOSTRE VILLE DE LECTOURE

Chers et bien amés, Nous avons entendu par le sieur de Labrussonniere et par les députés qui sont venus avec luy me trouver, ce que a esté faict et arresté pour le regard de l'eslection des consuls de nostre ville de Lectoure pour l'année prochaine, et avons esté très contans de l'eguallité que vous y avés observée, sperant qu'il n'en sortira que très bons effaicts pour le bien, repos et tranquillité de la dicte ville; et pour ce que vos depputés nous ont communiqué de vostre part certaines particularités concernans le bien de la paix et de la dicte ville pour l'exécution des ordonnances que mon cousin, monsieur le mareschal de Biron, vous a dernièrement layssées , nous avons advisé que vous mesmes y pourrés pourvoir et faire exécuter et observer les dictes ordonnances et aultres nos mandemens; et, pour cette cause , nous vous enjoignons que appelliés avec vous les mi personnages qui vous ont esté ordonnés par le dict sieur mareschal, vous ne faictes faulte de vous assembler à certains jours de la sepmaine, et là, par commun advis et délibération, adviser et ordonner de toutes choses qui regarderont le bien de la paix et tranquillité de la dicte ville et le service du Roy mon seigneur, et nostre, avec assistance de l'ung de nos officiers de la sénéchaussée d'Armaignac et nostre procureur; voullans et entendansque ce que, par vostre commandement, et advis, sera dict et ordonné concernant ce que dessus, soict effectué de poinct en poinct, comme chose de nous jà approuvée et autorisée. Aussy voulions que les troys portes que les dicts de Lectore ou ceulx du chappitre de Sainct Gervais ont faict naguieres meurer soyent incontinent remises en Testât qu'elles estoient

LETTliES DE HE^BI IV. — VIII. 10

auparavant, pour y faire cy après aultres portes de boys si bon luy semble , ainsy qu'elles estoient auparavant; vous regarderez donc tout ce dessus de tenir la main et en toutes choses procéder avec douceur et modestie, et vous garder de nourrir et entretenir d'aulcunes dissentions entre vous ny de faire pratiques et monopolles dedans ny dehors nostre dicte ville, ains vivre ensemble en paix, union, concorde, et, ce faisant, vous nous fairés chose agréable, en nous donnant occasion de vous gratiffier partout où l'occasion se présentera. Sur ce, prions Dieu vous tenir, chers et bien amés, en sa saincte garde. De Montait ban, ce xi juillet 1078.

HENRY