GRAND TRESORIER D'ANGLETERRE

Mon Cousyn, L'envie que j'ay de me continuer journellement et de plus en plus aux bonnes grâces de la Royne vostre maistresse l est cause que je m'y ramentoy présentement, par ceste despesche que je luy fais. Les peurs qu'on nous faict par deçà de plusieurs praticques qui se descouvrent contre elle et son Estât m'ont d'autant plus convié à luy réitérer l'offre de l'humble service que je luy ay voué il y a longtemps, duquel elle n'aura jamais tant d'envie d'en prendre preuve, comme j'auray d'affection de luy en rendre de bien fidelles et. certaines. Je ne désire point qu'aucune traverse en ses affaires la constraigne d'en faire essay; j'ay tant de tesmoignages en moy mesmes de m'estre lidellcment acquitté par cy devant de mon debvoir en son endroict,que je ne veulx aucunement doubler qu'elle revocque mon affection en double; mais mon souhait seroit que ceulx qui ont cest honneur de luy estre serviteurs avec beaucoup de crédit voulussent considérer que le mal qu'on luy procure ne vient pas tant de dedans comme il se forge au dehors de son royaulme, c'est à dire qu'ils missent la peine de penser aussy bien aux affaires de. leurs voysins qu'à celles qui les touchent de bien près. Nous avons veu les juins passez ruyner l'archevesque de Coulongne, faute d'estre assisté, et l'Espagne par ce moyen mettre le pied bien avant dans l'Empire. Luy et quelques autres princes me seront tesmoings de la compassion que j'en ens, je ne dis pas sans effect, mais suyvie de si peu de moyens que Dieu m'avoil pour lors mis en main. On en pouvoit presque dire autant des Pais Bas. Je sçay, mon Cousyn, que vous avez trop de jugement aux affaires du monde et de zèle à l'advancement du bien,

' Voyez les deux letlres suivantes.

pour no congnoistre ces choses et ne les conduire selon le désir des o-ens de bien. C'est pourquoy je vous en escris sommairement, afliri de vous prier de redoubler l'affection que vous avez tousjours portée à la gloire de Dieu, usant de vostre crédit et autorité à ce que le mal que nous procurent nos ennemis communs ne gaigne tant au dessus par nos affections particulières que nous ne pensions trop tard à le destourner de nous. Pour mon regard, bien que. j'aye eu beaucoup à souffrir et que je n'aye rien espargné pour satisfaire au lieu où Dieu m'a appelé, si est-ce que je ne deffaudray point en mon devoir, me rendant tousjours semblable à moy mesme. Aquoyje seray d'aultant plus encouragé quand je verray mes bonnes et saincles intentions et efforts estre suyvies par ceul\ quy ont aultant ou plus d'interest que moy en ceste cause commune ; vous y pouvez et voulez beaucoup servir pour l'amitié que je m'asseure que me portez, .le pourray m'y ayder tant de voz bons advis et conseils que de vostre crédit envers la Royne vostre maistresse, à laquelle je demeurerav toute ma vie bien humble serviteur et amy. Et me trouverez affectionner de telle sorte tout ce qui vous touchera en vostre particulier, qu'aurez occasion de vous asseurer de mon amitié, et ce d'aussy bon cueur que je me recommande à vostre bonne grâce, priant Dieu, mon Cousyn, vous tenir en sa garde. De Montauban, ce \uje septembre i 584-

Vostre byen affectyonné cousyn et asçeuré ahiy,

HENRY

Mon Cousin, je vous prye de m'aymer comme je vous honore et faire estât de mon amityé.

0,1^. — Mus. Brit. Coiton. Caiigula, E. VII, fol. 2 'i 9 . Copie transmise par \l. Lenglet.