A MESSRS LES OFFICIERS, CONSULS ET HABITANS DE LA VILLE D'AGEN

Messieurs, Encores que je vous aye faict entendre par le sieur cle Boni l'affection que j'avoy à un bon establissement de paix, et repos asseuré par tout mon gouvernement et la bonne volonté que je portoy particulièrement à vous et vostre \ille, vous priant ne prendre alarme sur des faulx bruitz et impressions qu'expressément aulcuus servans à leurs passions font courir et vous donnent, d'auitant que avec telles occasions les esprits les plus paisibles sont esmeuz et altérez, j'ay néanmoins esté adverty qu'au lieu de prendre bien ce que je vous ay sur ce mandé, qui est pour le bien des affaires et service du Roy, monseigneur, et pour vostre repos particulier, vous estes entrez en plus grands doubles et défiance qu'auparavant, ou en ave/, faict mine et démonstration, jusques là qu'aulcuns sont sortis de la ville; ce qui m'a faict vous escrire encores la présente pour vous advertir de recbef de vous contenir en paix, union et concorde, et vous asseurer que je tiendray la main à fentretenement rie la paix et repos, tant pour le regard du gênerai que pour le particulier, et ne permectray qu'il y soit aporlé aulcune altération, comme celuy qui n'a rien plus à cueur qu'un bien si nécessaire à tout ce royaume; mais aussy où vous ne ferez vostre debvoir de tendre à ung mesme but, et souffrir qu'il survienne quelque mouvement ou altération en vostre ville, vous en demeurerez responsables et coupables et serez causes des maux et inconveniens qui en pouroient arriver. J'attens la response du Roy sur ce qui touebe vostre ville et festablissement de la chambre accordée par l'edit de pacification en iceîle, pour, après l'avoir entendue, effectuer ce qui sur ce par Sa Majesté me sera ordonné et commandé. L'espérance que j'ay que vous ferez tousjours ce qui est pour son service et pour le repos public me gardera de

vous en dire davantage, si ce n'est pour prier Dieu vous tenir. Messieurs, en sa saincle et digne garde. De Lectoure, le xxiv febvrier 1578.

1 Vostre meilleur et plus asseuré amy, HENRY.

1578. — 12 avril.

Orig. — Archives de la ville d'Agen.

A MESSRS LES CONSULS, JURATS, JUSTICIERS ET OFFICIERS DU ROY. MONSEIGNEUR, EN LA VILLE D'AGEN.

Messr\ J'ay esté adverly de l'alarme qu'aulcuns de la ville d'Agen ont prins disons que je m'en y vouloy aller pour y mettre guarnison; et là dessus ont prins occasion de se retirer dans la vielle citadelle, advertyr les lieux circonvoysins pour les assister en leurs desseings et délibérations, et à affectuer les menasses qu'ils font d'attaquer la porte du Pin. Ce que j'ay trouvé bien estrange et loutalement esloigné démon intention, qui n'a aultre but qu'à remettre toutes les villes de mon gouvernement en un estât paisible, suivant l'eedict de pacification, et ne pense et travaille qu'à rechercher et trouver les moyens les plus propres et convenables pour cest effect, comme mesme les depeschesque je fais ordinairement à Leurs Majestés en rendront suffisant temoisgnage; et tant s'en fault que je voulsisse charger la dicte ville d'une garnison , que je ne désire rien tant que la suporter et soulaiger mesme de celle qui est en la dicte poi'te, au temps que j'ay promis au Roy et à monsieur le mareschal de Biron, qui sont pour ce regard demeurés très contens de moy, comme vous avez occasion de l'estre pour plusieurs considérations, tant pour le favorable traiclement que la dicte ville a receu à la plus grande malice du temps, que celluy que je me suis délibéré vous faire paroistre par cy après. J'ay esté neanmoings adverty du regret et déplaisir que vous ave/

1 De la main du roi de Navarre.

LETTRES DE HENRI IV. IX. 17

tesmoigné de ceste inconsidérée alarme et l'enpeschement que vous travaillez de mettre à ce qu'il n'en advieigne aulcun mauvais effect au préjudice du bien et repos de la dicte ville, dont je vous sçay un très bon gré et vous prye de vous y employer en telle sorte qu'il ne puisse estre rien atlempté par ces turbulens pour la pernicieuse conséquence que leurs témérités pourroient aporter non seulement pour l'interest de la dicte ville, mais aussy du gênerai, vous priant de vous asseurer qu'il n'est auculnement entré en ma pensée d'aller là pour cest efFect, et que si je m'en y alloy vous vous pourriez asseurer que toute la démonstration de bienveillance, faveur et support et soulaigement que je pourrey faire pour la dicte ville je le feray plus que pour ville de mon gouvernement, comme j'espère de le vous faire cognoislre à l'advenir par tous les moyens que je pourra v adviser, ainsy que j'ay donné charge à Lambertiere, mon secrétaire, présent porteur, de vous en asseurer de ma part, dont vous le croyrez s'il vous plaist. Et m'en remettant sur luy, ne la vous feray plus longue que pour prier Dieu, Messieurs, vous avoir en sa saincte et digne garde. De Leictoure, le xije jour d'avril 1678.

1 \ '" bien bon um\.

HENRY

1578. 2(5 NOVEMBRE

Orig. — Archives île la ville d'Agen.